Jeremia 50:19 - KITABU KITAKATIFU

¹⁹ Inzi ndiranyia avandu va Isiraeli mukivala chavo. Navalie viukulia viviruka ku kiguru cha Karimeli kandi numukivala cha Bashani. Navalie viosi viaveenya kutura ku vitagwa viviruka muvivala via Efuraimu na Gileadi.

Jeremia 50:19 Iomraidhean Croise

Ezara 2:1

Yava nivo avandu vi kivala avaatura mu lihaminywa, avu Mwami Nebukadineza yaali naahiri Babiloni mu kivala chi lihaminywa. Viirana Jerusalemi kandi Ivuyuda vuli mundu yazia mu kadaala keke.

Lwimbu lwa Solomoni 6:5

Utambenza mba, kigira zimoni zizio zinyangizaa. Liisu liilio livinaa kuli chayo chi zimburi zisulungutaa kutura ku vigulu via Gileadi

Isaya 33:9

Kivala keveeye king'anye kandi icheele. Militu ja Lebanoni jiniaye, Livona ligunamu lia Sharoni ligwi kuli ichangalangwe, kandi amatu gahalulukaa kutura ku misaala mu kivala cha Bashani kandi ku kiguru cha Karimeli.

Isaya 35:2

Changarangwi kilimba nu kusangara; kilava kilahi kuli vigulu via Lebanoni, kandi kilava kigunamu kuli milimi ji vigulu via Karimeli na Sharoni. Vuli mundu alalola vukumi vwa Yahova, kandi alole zinguru novonene vwivwe.

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Jeremia 31:14

Inzi ndaha avasaalisi viukulia vinolu, kandi ndigutiza avandu kolondekana ni lienya liavo liosi. Inzi, Yahova mali kovora.”

Jeremia 31:25

Inzi ndakahane zinguru kuyavo avaliva nivaluhi kandi ndakigutizi vuli mundu uliva mudedekere kigira inzara.

Jeremia 31:6

Yee, ing'inga yiza lwa avasikari valakalangiliri ku vigulu via Efuraimu, ‘Gendi kuzie Ziyoni, ku Yahova Nyasaye wiitu.’ ”

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Jeremia 46:27

“Avatumikiri vange visukululwi via Yakobo, mutatia mba, avandu va Isiraeli, mutatiihizwa mba. Inzi ndamusoola kutura mukivala chi ihale yicho, kutura mukivala chamuveeyemu avahambe. Munyi na mwirane yengo kandi namumenye mumirembe; munyi na mukingwi, kandi umundu kali mulala sinamutiihizi mba.

Jeremia 50:6

“Avandu vange vaveeye kuli magondi agavayi vamali koleka gagotele mu vigulu. Vamali kogendagenda kuli magondi kutura kukigulu kilala kuzia ku kindi, kandi vamali kwivilira yengo wavo.

Ezekieli 11:17

“Kunangwa uvavoolere aga inzi, Mwami Munene Yahova mboraa. Ndavavungiza kutura muvivala uwa ndavasalanyira, kandi ndakavilanyili kivala cha Isiraeli.

Ezekieli 36:24

Ndamuvugura kutura mu zihiiri, kandi ndamuvungiza kutura muvivala viosi, nukumuleeta mu kivala chienyu aveene.

Ezekieli 36:33

Yahova Wuvunyali avoora, “Ing'inga ya namwitakase uvwoni vwinyu vwosi, ndakaleke namumenye mu madaala ginyu kandi, nokoleka mwumbake uvuhia havundu hoosi ahatigala mang'anye.

Ezekieli 38:8

Inyima wi mihiga minyingi, ndakamulage yingiliri kivala uwa vandu viranywa harara kutura mu zihiiri zinyingi vamenyi vugira uvuti vwu vulwani. Alakingiliri vigulu via Isiraeli, iviali hazwa kandi vialekwa ku ing'inga indambi, navuzwa uwa avandu vosi kalunu vamenyi mu mirembe.

Ezekieli 47:18

“Ko lovega lwi Ivugwi, ulwako lulatula Hazarenoni, hagati hu lwako lwa Haurani na Damasiko, kolonda ku mugera gwa Jorodani hagati ha Gileadi ni kivala cha Isiraeli. Lwako yilu lulavitira kandi ko lovega lwi Ivugwi wi Inyanza yi Jumbi kuduuka Tamara.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Zekaria 10:10

Ndakavaleete yengo kutura Egebeti kandi kutura mu kivala cha Asiria; Kandi ndakavaviiki mukivala chavo. Ndakavaviiki mu kivala cha Gileadi kandi kivala cha Lebanoni. Kivala choosi kilakave na vandu vanyingi.

Livalidza 32:1

Zihiiri zia Rubeni ni zihiiri zia Gadi ziali ni mitugu minyingi ligali. Lwavaalora kuli kivala cha Jaza na Gileadi chayaanziza mitugu jaavo,

Livalidza 32:4

ni vivala via Yahova yaguuta kigira vandu va Isiraeli; viveeye vivala vilahi ku mitugu jietu, kigira kunyi koveeye ni mitugu minyingi ligali.

Joshua 17:15

Joshua yativura, “Niiva muveeye avanyingi ligali, kuva agiligali ndi kuli ndio na ikivala chivigulu cha Efuraimu kegehi ligali, muzie mwenyoolere milimi jiveeye ja vandu va Perezi na vandu va Refaimu, kandi mutimuli nukwilimira yo aveene kivala.”