Jeremia 50:17 - KITABU KITAKATIFU

¹⁷ Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Jeremia 50:17 Iomraidhean Croise

2 Avami 15:19

Tigilazi Pileseri, mwami wa Asiria yazia kulwana kivala cha Isiraeli, na Menahemu yamuha zikilo 34,000 zie ifeza konyoora ovokonyi mu lidinyiriza zinguru zia Menahemu ukwamiiha kivala cha Isiraeli.

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 24:1

Lwa Jehoyakimu yaali mwami wi Ivuyuda, mwami Nebukadineza wa Babiloni yingilira kivala chi Ivuyuda, ku mihiga givaga, Jehoyakimu yanigwa kuva haasi hu vwamihi vwa Nebukadineza, maku, ni yibaala.

2 Avami 24:10

Yaali mu ing'inga yi liamiiha lia Jehoyakini lwa vanene vu mwami Nebukadineza valaga liihi lia Babiloni kwingilira nu kukumbiriza Jerusalemi.

2 Avami 25:1

Mu muhiga gwa tisa gwi liamiiha liu mwami Zedekia, mu mweli gwi likomi, ku lidiku lie likomi; Nebukadineza mwami wa Babiloni yaza harara na vasaza vi liihi lilie vosi kwingilira Jerusalemi, ni valikumbiriza, ni vumbaka amahema gu vulwani ku zinduru zia Jerusalemi.

2 Kyetsinyinga 28:20

Kunangwa mwami Tigilazi Pileseri wa Asiria yazia kuye, navuzwa mu vogono vwo kokonya Ahazi, yaamudambiza ligali.

2 Kyetsinyinga 33:11

Kunangwa Yahova yaleka avanene vi liihi kwingilira kivala chi Ivuyuda. Vagumira Manase, nivatoza zindoani nu mu muulu geege, nivamuvoha niminyororo ju mugasa, ma nivamuhila Babiloni.

Isaya 15:9

Amazi gi lidaala lia Diboni gizuyi masahi; navuzwa Nyasaye alameda maduywa ga vandu va Diboni. Yee, halava niliitwa linene lia vuli mulala utigala mwoyo mu Moabu; na yavo avagerizaa kwiruka, nizisimba zilaviita.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Jeremia 10:25

Viika uvutima vuvwo kuzihiiri zitasigamira ivi, kandi ku avandu vakusuura. Vamali kwita avandu vovo; vamali kukudiviza ligali nokoleka kivala chietu kugwa mang'anye.

Jeremia 2:15

Avasigu vaavo vavafumiraa kuli zisimba; vakoli kivala chavo kugwa changalangwi, kandi madaala manene gaavo gagwiyi amang'anye vugira vandu.

Jeremia 21:7

Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 49:19

Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Jeremia 5:17

Valononyia vitagwa vienyu kandi viukulia vienyu; valiita avayaayi na avakaana vinyu. Valasinza mitugu jinyu kandi valononyia mizabibu ni mikuyu jinyu. Liihi liavo liladiviza amadara ginyu gizimbinga agamwasuuvira.

Jeremia 5:6

Kulwayago avasigu valaza kutura mu militu kuli zisimba nukuviita, kandi valaza kulia vivwi kutura mu changalangwi nu kuvatandulanyia mu vidonye. Avasigu yava valavagoneka kuli zingo mu madaala gaavo. Niiva avandu yava valatura ichova, valatandulanywa mu vidonye kigira uvwoni vwavo voveeye uvunyingi. Vuli ing'inga vagirung'ana kutura ku Nyasaye.

Jeremia 50:6

“Avandu vange vaveeye kuli magondi agavayi vamali koleka gagotele mu vigulu. Vamali kogendagenda kuli magondi kutura kukigulu kilala kuzia ku kindi, kandi vamali kwivilira yengo wavo.

Jeremia 51:38

Avandu va Babiloni vosi valahuuma kuli zisimba, kandi valakenya kuli mwana wi simba.

Jeremia 52:1

Zedekia yaali ni mihiga 21 lwa yagwa mwami wi Ivuyuda, na yamiha mu Jerusalemi ku mihiga 11. Mama weve yaali Hamutali, mukaana wa Jeremia kutura mu lidaala linene lia Libuna.

Ezekieli 34:12

munzira indara nzere, kuli mwimiliri alindaa magondi geege agaali nigasalaana ma agiranyia harara kandi. Naangiranyie kutura havundu hoosi uwa gaali nigasalanyirwa ku lidiku lie kisundi kandi kivi.

Danyeli 6:24

Maku mwami yahaana malago vandu vosi vayaala Danieli vagumirwi kandi vasiuvwi harara na vakali vaavo na vana vaavo mu luhangaywa lwizura zisimba. Lwa vaali ni vakikiri kotonya mu luhangaywa, zisimba ziavamamira kandi nizivunanyia vigumba viavo viosi.

Joeli 3:2

Ndavungiza zihiiri ziosi harara kandi ndazireta mu livona lia Jehoshafati liukukalagilwa. Hene yaho ndaavakalagira ku goosi agavakolera vandu vange. Vasalanyia Isiraeli muvivala vigeni kandi vagavulanyia Isiraeli, kivala change.

1 Petro 2:25

Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.