Jeremia 50:15 - KITABU KITAKATIFU

¹⁵ Mukubi zikwiri zie liihi mu lidaala linene liosi! Kalunu Babiloni imali kwiyama. Madigi galio gamali kuduyanywa nukugwa. Inzi mbanzaa kisaalia change ku vandu va Babiloni. Kunangwa munyi muvanze kisaalia kuvo, kandi muvakolere kuli vaakolera avandi.

Jeremia 50:15 Iomraidhean Croise

1 Kyetsinyinga 29:24

Avanene vosi na avasikari, kandi na vayaayi vandi vosi va Daudi visuha kuva avasuuvirifu ku Solomoni kuli mwami.

2 Kyetsinyinga 30:8

Mutava avamagoti madinyu kuli navo vaali mba, navuzwa muhuliri Yahova. Hambi mu Litembeli mu Jerusalemi, ilia Yahova Nyasaye winyu umali kulikola live litakatifu mihiga ni mihiga. Mutumikiri Yahova Nyasaye winyu, kunangwa avuli kuva nu vutima ni munyi.

Zaburi 149:7

vaduuki kuguuta zihiiri, nukuhaana mageri ku avandu vatamanyi Nyasaye.

Zaburi 94:1

O, Yahova, ivi oveeye Nyasaye uvanzaa kisaalia ku vasigu vovo; uvuli uvutima vuvwo kuvo.

Isaya 59:17

Aliviika likalaga lirungi kuli likoti lie salamba, na zinguru ziovohonyi kuli igudwa. Aliiviika umwene uvugulu vonene kulungikiza ivindu kandi ukuhaana mageri nukuvaanza kisaalia cha vandu vasalira.

Isaya 59:18

Alahaana mageri ku vasigu veve kolondekana ku agavamali kokora. Yee, uvutima vwivwe ni livaanza kisaalia chiche viladuuka ku vasigu veve. Alahaana mageri kali ku yavo avamenyaa muvivala vie ihale.

Isaya 61:2

Yaanduma kwilwaza ndi, ing'inga imali kuduuka, lwa Yahova ahonyia avandu veve, kandi alaguuta avasigu veve. Yaanduma koleminya mioyo ja yavo vosi avasioma.

Isaya 63:4

Ndaakalaga ndi ing'inga yo kohonyia avandu vange imali kuduuka; yaali ing'inga yu kuhaana mageri ku vasigu vaavo mu livaanza kisaalia.

Jeremia 46:10

Yili nilidiku liu Mwami munene Yahova Wuvunyali: kalunu alavaanza kisaalia; kalunu alahaana amageri ku avasigu veve. Kivavi chiche kilavalia kuduuka lwa chizula, kandi kilanwa masahi gaavo kuduuka lwa chiguta. Kalunu Wuvunyali alahaana kisiuviriru mu kivala chi Ivaale ku mugera gwa Efurate.

Jeremia 50:14

“Vasaza vukulasa uvuta, muzie mulwaane avandu va Babiloni kandi muvakumbilizi. Muvalase mivano jinyu josi, kigira vamali kokora uvwoni ku inzi, Yahova.

Jeremia 50:25

Inzi mali kukunula havundu hi viugi viange viavikwa, kandi mali kuvituliza ichova mu vutima vwange, kigira Inzi, mwami munene Yahova Wuvunyali mbeeye nimiyinzi jokokola mu Babiloni.

Jeremia 50:44

“Kuli isimba itulaa mu mulitu munene ahimbi nu mugera Jorodani nukuzia mukivala chuvwayiru vuvisi, Inzi, Yahova ndaaza kandi ndakora avandu va Babiloni nonoho kunyagula nu kuzia ihale kutura mu lidaala liavo. Maku mwimiliri wa Inzi nandovole alakamiihi ihiiri. Nivwaha unyala kufwananywa ninzi? Nivwaha wakaagelani ninzi? Mwami ki wakahing'ani ninzi?

Jeremia 51:11

Yahova amali kusinyikiza avami va Media, kigira asaaviyi kudiviza Babiloni. Alakola ndio kuvanza kisaalia kigira vayononyia Litembeli lilie. Avanene vi Liihi liukwingilira vamali kulaga ndi, “Muhiagale mivano jinyu ju vuta! Mwetegekizi zinguva zienyu!

Jeremia 51:14

Yahova Wuvunyali umali kwisuuha mwene ndi, alaleeta avasaza avanyingi kwingilira Babiloni kuli muganda gwi zisigi, na valava ni lihanzuka lie liguuta.

Jeremia 51:24

Yahova avoora, “Mulalora inzi nimbanza kisaalia ku Babiloni harara na vandu valio kigira uvwoni vwosi vwa vaakora ku Jerusalemi.

Jeremia 51:25

Babiloni, ivi oveeye kuli kiguru ikidivizanga kivala choosi, navuzwa Inzi, Yahova mbeeye musigu woovo. Ndakuvugura, ngusisuli kuduuka kumalova, ma ngoleke noveeye kuli ligoke.

Jeremia 51:30

Avasikari va Babiloni vamali kolekera kulwaana, vatigaye mu zimbinga ziavo. Liluvirira liavo ligehi kandi vamali kugwa kuli avakali. Virivwa vie lidaala linene vivunanyiywi, ni zinyumba zimali kusambwa.

Jeremia 51:36

Kunangwa, Yahova yavolera avandu va Jerusalemi ndi, “Ndavugura lienya lienyu, na ndavanza kisaalia ku avasigu vinyu ku goosi gavakolaa ku munyi. Nduminyaa ivisenukiru via mazi ga Babiloni kandi ndakora migera josi kwuma.

Jeremia 51:44

Inzi ndahaana amageri ku Beli, umunyasaye wa Babiloni, kandi ndamukora ahaane vindu viosi via yavugula. Zihiiri si ziramusigamira kandi mba. “Madigi gi lidaala lia Babiloni gamali kugwa.

Jeremia 51:58

Amadigi amadinyu gi lidaala lia Babiloni galavunguluka, virivwa vialio vitambi vilasambwa. Miyinzi midinyu ja vandu jilava hazwa, miyinzi ji zihiiri jirava kuli jolomemo lwu muliru. Inzi, Yahova wuvwami mali kovora.”

Jeremia 51:6

Mwiruki kutura mukivala cha Babiloni! Vuli mundu yehonyie umwene! Mutitwa kigira uvwoni vwa avandu va Babiloni mba. Kalunu mbanzaa kisaalia kandi mbana amageri ku vandu yava kuli gavadukiraa.

Jeremia 51:64

Maku ovoole, ‘Kivala cha Babiloni kilagwa, na si kilasingila kandi mba, kigira lidiviza lia Yahova azizaa koleta kucho.’ ” Makuva ga inzi Jeremia gaheri yaaha.

Lisyoma lya Jeremia 5:6

Kuziiza kusava avandu va Egebeti na vandu va Siria, okonyora chukulia kidukiru ku kove mwoyo.

Ezekieli 17:18

Yaavunaga lilagano kandi liesuuha lilie liayaali nalombi. Yakola vindu yivi viosi, na kalunu si alahona mba.”

Ezekieli 21:22

Kalunu! Mukono gwigwe mulungi goveeye nu vuta vwang'odwa ku ‘Jerusalemi!’ Vumuvooleraa azie asingilizi viugi viukusambula kuvilivwa, yumbake vitumi, kandi yumbake minaara jukukumbiliza.

Nahum 1:2

Yahova Nyasaye siyikuzilaa ku vaahing'ana naye mba; ahaanaa mageri ku yavo avahing'anaa naye. Avanzaa kisaalia mu vutima vwivwe.

Matayo 7:2

Kuli mukalagiraa avandi, munyi kandi mulakalagirwa ndio; nekegero cha mugereranga mu avandi, nicho cha Nyasaye alimugerera mu.

Luka 21:22

Kigira yago galakave ‘Madiku giliheevwa Amageri’; kokora viosi ivia Mang'oda Matakatifu gavoora viduuki kutwekizwa mu agiligali.

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

Varumi 3:5

Navuzwa, niiva vudamanu vwitu vumanyia ndi Nyasaye akolaa vulungi, kovora ki? Kovoole Nyasaye aveeye nu vudamanu lwakohezaa amageri? Mboraa yaga kuli umundu.

Kwidzulitsa 32:35

Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.

Kwidzulitsa 32:41

ndi ndahiagala kivavi change kehemahemaa, nokolola ndi uvulungi vokoleywe. Ndavanza kisaalia ku avasigu vange. Kandi mbane amageri ku yavo avandunyira.

Kwidzulitsa 32:43

“Zihiiri, kuduuka mwizominye avandu va Yahova ahaanaa mageri ku yavo vosi avaviita. Avanzaa kisaalia ku avasigu veve kandi asamiiha uvwoni vwa avandu veve.”

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.

Joshua 6:20

Kunangwa avasaalisi vaakuba visiliva. Nonoho lwa vasaza zana vahulira mwoyo gwi visiliva, nigukuba ku lohono, vahaanzuka nu mwoyo munene ligali, na amadigi gulugaga gaagwa hasi. Maku iliihi liosi lia Isiraeli vanigira kiguru vulungi nokwingira mu lidaala linene nivaligumira.

Joshua 6:5

Maku valakuba visiliva vie zinziga zie ugoondi limigu lulala ku vutambi. Nonoho lwa muhulira lilangilira lie visiliva yilio avasaza vosi valahanzuka nu mwoyo munene, ligali, na amadigi gulugaga lwi lidaala linene galagwa hasi. Maku liihi liosi lilazia vulungi mu lidaala linene.

Likunula 16:6

Kigira, vaatahiza amasahi ga avatakatifu vovo na gavaporofeti, na ivi umali kuhaana kuvo amasahi vanwi, nindio vaduukana vakolwe.”

Likunula 18:6

Mulikole kuli lia mukolera, kandi mulituungi haali kaviri ku miyinzi josi ja liakora. Kekombe cha liazuganyiraa mu iwaini induru, mu mulizuganyiri mu haali kaviri.

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”

1 Samweli 15:33

Samweli yavoola, “Kuli kivavi chicho chakola avakali vanyingi kuva vugira avana, nindio kandi mama woovo alagwa vugira umwana.” Kandi yaatemanyia Agagi mu vidonye imbiri wa Yahova ha Giligali.