Jeremia 50:13 - KITABU KITAKATIFU

¹³ Kigira uvutima vwange siaveeyeho nu mundu kali mulala ulimenya mu Babiloni mba; nalitigale amang'anye, kandi vosi avaliviitira ahimbi kulio navegose kandi navagenye.

Jeremia 50:13 Iomraidhean Croise

Ayubu 27:23

Imbuza imukubiraa liyoga lwa anyaguraa. Kandi imutihiza ni zinguru ziu kwononyia.

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 19:8

Inzi ndakaleete lidiviza liukutihiza ku lidaala yili na vuli mundu ulivitira mu lio alakegose nokogenya.

Jeremia 25:12

Inyima wi mihiga 70, ndahaana amageri ku zihiiri ziosi harara nu mwami wa Babiloni kigira uvwoni vwavo. Ndadiviza kivala yiki ligali na kilatigala amang'anye mihiga ni mihiga.

Jeremia 34:22

Nambane lilaga, kandi navirane mu lidaala yili. Vaza vavingiliri, navaligumiri ma navalisambe numuliru. Nangore madaala gi Ivuyuda nagagwi kuli changalangwi havundu humundu atamenyi. Inzi, Yahova, mali kovora.”

Jeremia 49:17

Yahova yavoola, “Lidivizwa liaza liduuki ku vandu va Edomu na live liukutihiza vuli mundu ulivitira ho alakegose kandi alakatiihizwi.

Jeremia 50:3

“Ihiiri kutura Ivaale imali kuuza nukwingilira Babiloni kandi ilaliloomba kuva changalangwi. Avandu ni zinyama valiruka kandi siaveeyeho kali mulala ulimenyayo mba.”

Jeremia 51:26

Sililavaho ligina kali lilala kutura ku mang'anye googo ililakatumikilwi kwumbaka mba. Ulakave kuli changalangwi mihiga ni mihiga. Inzi Yahova mali kovora.

Jeremia 51:29

Kivala kedegeraa kandi chisungusikaa kigira Yahova adukizaa lilohiza lilie kokora Babiloni changalangwi, wu mundu avula komenya.

Jeremia 51:37

Kivala yicho cha Babiloni kilagwa kitumi cha mang'anye, havundu hi zinyama ziu muvulimu zilakamenye. Kilakave kivala chu vuti; mundu sialakamenye mu mba, kandi vosi avalolaa kivala yiki, valakave nuvuti ligali.

Jeremia 51:62

Maku usaale ndi, ‘O, Yahova, ivi umali kovora ndi, uladiviza kivala yiki, kunangwa kindu kali kilala si kilamenya kucho mba, mundu anoho inyama. Kilava kuli changalangwi mihiga ni mihiga.’

Ezekieli 27:36

Avakiranyi hagati hi zihiiri vamusekerizaa. Munyi mumali kuduuka ku keheri chi litihiza, kandi si mulavaho mihiga ni mihiga mba.”

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Zekaria 1:15

Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange.

Kwidzulitsa 29:22

“Mu makura gaaza, visukululwi vienyu kandi avageni kutura muvivala vie ihale valalola maduywa nu vusaliri vwa Yahova amali koleta ku kivala chienyu.