Jeremia 5:8 - KITABU KITAKATIFU

⁸ Vaali kuli zibarasi zing'omeru ni likayirwa lia vakali. Vuli mundu samulala yaali ni lienya kuva nu mukali wu mutende weve.

Jeremia 5:8 Iomraidhean Croise

Litanga 39:9

Inzi mbeeye nuvunyari munyumba yiyi kuli oyo. Si keveeye ho ni kindu choosi cha yaavisa kutura ku inzi mba, nitaveeye ivi, kigira oveeye mukali weve. Inzi nyara ndi kokora uvudamanu ovonene kuli yivu kandi ukwonera Nyasaye?”

Ayubu 31:9

“Niiva ndamala kukayirwa kuva nu mukali wu mutende wange, kandi niiva ndivisa nukulindilira ichova wi kiliango chiche,

Kutwula 20:14

“Mutaheya mba.

Kutwula 20:17

“Mundu ategomba inyumba yu mutende mba; atakayirwa mukali weve mba, anoho mutugwa muyaayi anoho mukaana weve mba, anoho eng'ombe, nisukili mba anoho kilala ku viosi viaveeye navio mba.”

Tsing'ano 6:29

Yaga gaveeye vuzwa madamanu kuli musaza okolaa ovoheyi nu mukali wu musaza wundi. Oyo okolaa yaga, alakahevwe mageri.

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 23:10

Kivala chayizula avandu vataveeye avasuuvirifu ku Yahova; vamenya limenya liuvuchamu kandi vatumikira zinguru ziavo vudamanu. Avandu vi kivala vasioma kandi uvwayilu vwayuma kigira kilaamo cha Yahova.

Jeremia 29:23

Yiki kilava ikivi kuvo, kigira valoleki kuva nuvwoni uvudamanu ligali. Vamali kokora ovoheyi kandi vamali kovora ovovehi mu lieta lia Yahova. Yaga gaali amadamanu ku Yahova; yamanya ligali agavamali kokora, kandi aveeye mulolekizi kuvo. Yahova Wuvunyali umali kovora.”

Jeremia 50:11

Yahova avoora, “Avandu va Babiloni, munyi mwalanya kivala change. Munyi muveeye nuvuyanzi kandi nuvusangali, muzizaa yiyi na yiyi kuli eng'ombe esenasena vuswage anoho kuli muliviti gwi zibarasi,

Jeremia 9:2

Nzegomba ndava na havundu ho komenya muchangalangwe, handali nyalakuva ihale kutura ku avandu vange. Vosi sivaveeye avasuuvirifu mba, vaveeye umuganda gwa vazami.

Ezekieli 22:11

Valala vakora voheyi navakari vavatende; navandi vonogonyia avanavizara vaavo navandi vonogonyia vavoozo vaavo.

Kwidzulitsa 5:18

“Mutaheya mba.

Kwidzulitsa 5:21

“Utakayirwa mukali wu musaza wundi mba; kandi utakayirwa inyumba yeeye, mulimi gwigwe, avatugwa veve, zing'ombe zizie, zisukiri zizie, anoho kindu choosi cha aveeye nacho mba.