Jeremia 5:7 - KITABU KITAKATIFU

⁷ Yahova yateeva, “Kigira ki samiihi uvwoni vwa avandu vange? Vamali kondeka kandi vamali kusigamira avanyasaye vataveeye va agiligali. Ndaavalihiza kuduuka niviguta ligali, navuzwa vaakora ovoheyi, kandi vatumikira vwiyangu vwavo kokora ovoheyi.

Jeremia 5:7 Iomraidhean Croise

2 Kyetsinyinga 13:9

Munyi mwakunga avasaalisi va Yahova, kisukururwi cha Haruni, kandi ni mukungaa vandu va Levi. Mu vogono vwavo, mutovooye avasaalisi munzira ndala nzere yi zihiiri zindi zitovoleraa mu. Ku vosi oleeta igiriki anoho magondi makore 7 ku vwali anyala kugwa musaalisi wa mulala wa yavo avalangwa avanyasaye vinyu.

Ayubu 31:12

Yaga galava kuli muliru gusambaa kuduuka ku lidiviza gulasamba viosi viambeeye navio.

Zaburi 50:18

Mwalomba uvulina na vuli aviivi vosi va mwagana navo; kandi mwahambana harara na avaheyi vi zing'ano ziosi.

Jeremia 12:16

Niiva valavugilira idini yavandu vange nu mwoyo mulala nukwisuha, ‘Kuli Yahova aveeye mwoyo’ - kuli mulitanga vigiza avandu vange kwisuha ku Baali - lwene yilwo valakave avalala kuavandu vange kandi valakagasizwi.

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 16:11

Kunangwa uvavoolere Yahova umali kovora, ‘Avaguuga vinyu vagirung'ana kutura ku inzi nivasigamira kandi nivatumikira avanyasaye vandi. Vandeka kandi sivatia nokolonda amigizu gange mba.

Jeremia 16:20

Umundu anyala kolomba avanyasaye veve mwene? Awa, niiva yaakakolindio, sivakaveeye avanyasaye ligali mba.”

Jeremia 2:11

Sieveeye ho ni Ihiiri imali kugirung'anyia avanyasaye vayo mba, kali niiva si vaali avanyasaye vagiligali mba. Navuzwa avandu vange vamali kungirung'anyia, inzi Nyasaye wavaletera uvukumi, na vanyasaye vatanyala kokora kindu choosi.

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Jeremia 23:10

Kivala chayizula avandu vataveeye avasuuvirifu ku Yahova; vamenya limenya liuvuchamu kandi vatumikira zinguru ziavo vudamanu. Avandu vi kivala vasioma kandi uvwayilu vwayuma kigira kilaamo cha Yahova.

Jeremia 3:19

Yahova avoora, “Munyi avandu va Isiraeli, ndali nilienya kumuvugilira kuli avana vange kandi nukumuha kivala chuvusangari, kivala kilahi ligali mulirova liosi. Ndaali nilienya munyi muunange baba, kandi muvuli kugirung'ana kutura ku inzi.

Jeremia 3:8

Yuda kandi yalora ningunji Isiraeli vazie ihale kigira vaali nivagirung'ani kutura ku inzi nivagwiyi avataveeye avasuuvirifu. Navuzwa Yuda utaveeye musuuvirifu amwavo wa Isiraeli siyaali nuvuti mba. Oyo kandi yagwa utaveeye musuuvirifu

Jeremia 7:9

Munyi mwivaa, mwitaa, mukoraa ovoheyi, muvooraa ovovehi mu liesuha, muhaana visiuviliru ku Baali, kandi musigamira avanyasaye vandi avamwavula kumanya maziambiri.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Jeremia 9:2

Nzegomba ndava na havundu ho komenya muchangalangwe, handali nyalakuva ihale kutura ku avandu vange. Vosi sivaveeye avasuuvirifu mba, vaveeye umuganda gwa vazami.

Lisyoma lya Jeremia 3:42

“Kunyi kumali kokora uvwoni nukwibaala, na ivi, O, Yahova, siukusamihi mba.

Ezekieli 22:11

Valala vakora voheyi navakari vavatende; navandi vonogonyia avanavizara vaavo navandi vonogonyia vavoozo vaavo.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Hosea 13:6

Navuzwa lwa mwaduuka mu kivala kilahi yiki, mwalia kuduuka ni mwiguta. Maku mwatanga liegingira kandi ni munzivilira.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Hosea 7:4

Vosi vaveeye avagaadi kandi sivaveeye avasuuvirifu mba. Livihirirwa liavo liaka kuli muliru, gutafaanwa numudeki kuduuka lwuvusie vwetegeki kodekwa.

Kyavalevi 20:10

Niiva umundu aheyaa nu mukali wu mutende weve, avaheyi vombi, musaza nu mukali, kuduuka viitwi.

Amosi 8:14

Yavo aviisuhaa ku lieta lia Ashima, umunyasaye wa Samaria, avavooraa, ‘Ku Nyasaye wa Dani’; anoho ‘Kunzira ya Beerisheba’; valagwa na sivalavuka kandi mba.”

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

1 Vakorintho 6:9

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache,

1 Vakorintho 8:4

Kunangwa, iliilia lie viukulia vihaaniywi ku vifananyi; kunyi Avakristayo kwamanya ndi vifananyi siviveeye vindu viveeye mwoyo mba; kwamanya vuzwa Nyasaye aveeye mulala yenyine.

Vagalatia 4:8

Maziambiri, munyi si mwamanya Nyasaye mba, kandi ndio mwaali avatugwa vi vilombe vitaveeye avanyasaye va giligali.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Kwidzulitsa 32:21

Harara nifananyi viavo, vamali kongola mbe nu vutima, vamali kungola kokendekela vanyasaye vaavo vanyasaye vataveeye vagiligali kunangwa, ndatumikira ihiiri kuvakola vave nu vutima, Ndavakora vandekele ihiiri yavandu vasiru.

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.

Joshua 23:7

kandi mutahambani na vandu vizihiiri yava avatigara hagati hinyu, anoho kutala amita ga vanyasaye vaavo, anoho kutumikira amita yago mu liesuuha mba, mutasigamiri avanyasaye yavo mba. Mutinama imbiri wavo kuvasaala mba.