Jeremia 5:6 - KITABU KITAKATIFU

⁶ Kulwayago avasigu valaza kutura mu militu kuli zisimba nukuviita, kandi valaza kulia vivwi kutura mu changalangwi nu kuvatandulanyia mu vidonye. Avasigu yava valavagoneka kuli zingo mu madaala gaavo. Niiva avandu yava valatura ichova, valatandulanywa mu vidonye kigira uvwoni vwavo voveeye uvunyingi. Vuli ing'inga vagirung'ana kutura ku Nyasaye.

Jeremia 5:6 Iomraidhean Croise

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Ezara 10:10

Ezara musaalisi yasingira navavoolera, “Munyi si muveeye avasuuvirifu mba. Mumali koleta avakali kutura mu zihiiri zing'eni, na mulikola ndio, mumali komeeda mahiolo mu Isiraeli.

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Ayubu 10:16

Niiva mbeeye ni liguuta liosi, umbiima kuli isimba; kusaliriza, okolaa vindu viokogenyia.

Zaburi 104:20

Walomba uvudiku kandi kisundi, kunangwa zinyama ziosi ziu mu vulimu ziduuki gogenda mu nukwenya chukulia.

Zaburi 80:13

Vaduvaga kivala yiki kuli zinguruvi ziu muvulimu, kandi vononyia kivala yiki kuli zinyama ziu muvulimu.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Isaya 59:12

“Yahova, mahiolo giitu gaveeye manyingi imbiri woovo. Amahiolo giitu gaveeye ni kunyi kazozo, kandi kunyi kumanya uvwoni vwitu vwosi ligali.

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Jeremia 2:15

Avasigu vaavo vavafumiraa kuli zisimba; vakoli kivala chavo kugwa changalangwi, kandi madaala manene gaavo gagwiyi amang'anye vugira vandu.

Jeremia 2:17

Avandu va Isiraeli, mweletera uvudinyu munyi aveene! Mwandeka inzi, Yahova Nyasaye winyu, lwa ndaamwimilira munzira zienyu.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Jeremia 25:38

Yahova amali koleka avandu veve kuli isimba elekaa uluhangaywa lwayo. Vutima vwa Yahova kandi litihiza linene lie liihi vimali kugirung'anyia kivala kugwa changalangwi.

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 30:15

Mutililira kandi kigira zingwagu zienyu mba; ovohonyi si voveeyeho ku munyi mba. Inzi ndaamuha mageri kuli ndio, kigira vwoni vwinyu voveeye vunyingi; kandi uvuchamu vwinyu voveeye vonene.

Jeremia 30:24

Uvutima vwa Yahova vululu sinavugirung'ane mba kuduuka lwa naduukizi ilienya liezing'anagani zizie. Mumadiku gaaza mulakamanye yaga.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 49:19

Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Jeremia 8:5

Kigira ki munyi avandu vange mugirung'anaa kutura ku inzi navuzwa simwirana kuinzi mba. Mwahanda ku vifananyi vienyu kandi mwasuura kwirana ku inzi.

Jeremia 8:7

Kali amagungu gaamanya ing'inga yu kwirana; kali amakuulu, ziminyi na amang'oani gaamanya ing'inga yu kung'anya. Navuzwa avandu vange munyi, si mwamanya amalago gange aga mwamiihiraa mba.

Lisyoma lya Jeremia 1:5

Avasigu vaavo vaguuta, vavaviiki mu zinguru ziavo. Yahova uvakoli kusalira kigira uvwoni vwavo vunyingi. Avana vaavo vamali kugumirwa nukuhirwa ihale muvuhambe.

Ezekieli 16:25

Mwanogonyia miviri jienyu milahi. Mwihaana munyi aveene ku vuli umundu wavita vuli lidiku kuli liraya.

Ezekieli 22:27

Vimiliri vuvwamihi vaveeye kuli vivwi vitanduranyia mu vidonye zinyama ziavamali kwita. Varumindaa kunangwa vanyoore vutugi.

Ezekieli 23:19

Yaazizagilira kokora uvulaya ligali kuvita ing'inga yindi yoosi. Yizuliza kokora kuli yakola nakikiri mukaana musoleri, lwa yakola uvulaya lwa yaali mu kivala cha Egebeti.

Danyeli 7:4

King'ang'a chu kutanga chaali kuli isimba, navuzwa chaali ni zimbaha kuli indizu. Lwa ndaali ningikiheenza, zimbaha ziifwa. King'ang'a yicho chahinulwa nikisingilizwa vulungi kuli mundu na chahevwa zing'anagani ziu mundu.

Danyeli 7:6

Lwa ndaali ningiheenza, king'ang'a kindi chatulira. Chaali kuli engo, navuzwa chaali ni zimbaha zine ku mugongo gwacho, zimbaha yizio ziali kuli zie linyonyi kandi chaali ni mitwi jine. Chaloreka kuva nuvunyari.

Hosea 5:14

Inzi ndalwana avandu va Isiraeli kandi avandu vi Ivuyuda kuli isimba enene. Inzi mwene ndavatandulanyia mu vidonye nukuvaleka. Lwa nambahili ihale ligali, si naveho numundu waza avahonyie mba.

Habakuk 1:8

“Zibarasi ziavo ziveeye ni zimbiru kuvita zingo, kandi ziveeye zinduru kuvita vivwi viveeye ni inzara. Avahiri vi zibarasi vazaa ni vanini kuzio kutura muvivala viveeye ihale; zibarasi ziavo zikwatula malova. Viika kutura ku zibarasi vwangu kuli kihungu kigumi via kihiimaa.

Zefania 3:3

Aviimiliri valio vafuuma kuli zisimba, avakalagi valio vaveeye kuli vivwi viveeye ni inzara, avahuvali valiza kali kigumba kuduuka mugambazuri, si vanyara koleka kali kigumba mba.

Livalidza 32:14

Kandi kalunu mumali kuvugura vwiyangu vwa vababa vinyu, likula lihia lia vandu voni aveetegeki kwilanyia vutima vululu vwa Yahova ku vandu va Isiraeli kandi.

Likunula 13:2

Inyama ya ndaalora zana yaali engo. Ivirenge viayo viali kuli vie liaga, kandi umunwa gwayo gwaali kuli munwa gwi simba. Ogoyoka zana yigwo gwaaha king'ang'a zana zinguru ziagwo, endeve yagwo yu uvwami kandi uvunyali vwagwo vonene kuvita kegero.