Jeremia 5:5 - KITABU KITAKATIFU

⁵ Ndazia ku avandu vaveeye nuvunyari, kandi ndamoloma navo; kigira vamanya aga Nyasaye wavo yenya, kandi aga Yahova yenya vakole.” Navuzwa vosi vamali kusura zinguru zia Yahova, kandi si venya kumuhulira mba.

Jeremia 5:5 Iomraidhean Croise

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Kutwula 32:25

Kunangwa Musa yamanya ndi Haruni niyie uwaleka avandu vibaale kandi vaagwa vindu viokosekerizwa na vasigu vaavo.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Jeremia 8:7

Kali amagungu gaamanya ing'inga yu kwirana; kali amakuulu, ziminyi na amang'oani gaamanya ing'inga yu kung'anya. Navuzwa avandu vange munyi, si mwamanya amalago gange aga mwamiihiraa mba.

Jeremia 9:3

Vaveeye avetegeku vuli ing'inga kovora ovovehi. Kuvula kuvaho nu vusuuvirifu vwamihi ikivala kuvita uvusuuvirifu. Yahova avoora, “Avandu vange vakora uvudamanu ku vundi, kandi sivambugilira kuli Nyasaye wavo mba.”

Ezekieli 11:2

Nyasaye yambolera, “Mwana wu Mundu, avandu yava valomba lilohiza lidamanu kandi vahaana zing'anagani zindamanu mu lidaala linene yili.

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Malaki 2:7

Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

Luka 18:24

Lwa Yeso yalora yaga yavoola, “Voveeye vudinyu ku avatugi kwingira mu Vwami vwa Nyasaye!”

Luka 19:14

Navuzwa avandu veve vamudunyira mbitilira nivatuma avandu inyima weve kumulondelera ni vavoolera Mwami Munene: ‘Sikwenyi mundu uyu ave mwamihi wiitu mba.’