Jeremia 5:31 - KITABU KITAKATIFU

³¹ Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 5:31 Iomraidhean Croise

1 Avami 22:6

Kunangwa mwami Ahabu wa Isiraeli yalanga vaporofeti vosi harara, himbi vasaza zimia zine, navateeva, “Nyara kuzia kulwaana Ramozi mu Gileadi, anoho ndeke?” Avaporofeti zana vamuvolera; “Zia ulingiliri. Yahova alakuha liguuta.”

Tsing'ano 17:4

Avandu vadamanu vahuliriza zing'anagani zindamanu kandi vavehi vahuliriza ovovehi.

Isaya 10:3

Mulakakole ki lwa Nyasaye alimuha amageri? Mulakakoleki lwa aleetaa kivi kumunyi kutura mu kivala chi ihale? Mulirukira ku vwaha konyoora ovokonyi? Mulakavise hayi vutugi vwinyu?

Isaya 20:6

Lwi ing'inga yene yeyo iliduuka, avandu vamenyi ahimbi ni lidaala lia Filisitia valakavoole, ‘Heenzi kugamali kokoleka ku avandu vakwasuuviraa vakukingi kutura ku mwami wa Asiria! Kunyi kunyala ndi kohona?’ ”

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Isaya 43:27

Avaguuga vinyu vukutanga vaakora uvwoni, aviimiliri vinyu vaangolera uvwoni,

Isaya 47:7

Munyi avandu va Babiloni, mwaganagana mulamiiha mihiga ni mihiga, simwaganagana ku vindu yivi mu mioyo jinyu mba, kandi simwaganangana kuli keheri kiliduuka mba.

Jeremia 12:4

Kivala chietu kiluma nuvunyasi kuniara muvuli mulimi kuduuka ing'inga ki? Zinyama na manyonyi vikuza kigira uvudamanu vwa avandu viitu, avavoora, ‘Nyasaye sialola ichakokoola mba.’ ”

Jeremia 14:14

Navuzwa Yahova yativura, “Avaporofeti yavo vavoola ovovehi mu lieta liange; Inzi si ndaavatuma mba, anoho si ndaavalaga anoho kuvavoolera likuva kali lilara kuvo mba. Amalola gavaporofeta si gaturaa ku inzi mba. Ovoporofeti vwa amalola gaavo voveeye vindu via vuzwa kandi vwi zing'anagani ziuvugadi.

Jeremia 26:7

Avasaalisi, avaporofeti navandu vosi vahulira nembora amang'ana yaga mu Litembeli,

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Lisyoma lya Jeremia 2:14

Avaporofeti vinyu vaamugada na malola gataali gagiligali; mu voporofeti vwavo, si vavoola havulavu uvwoni vwinyu kunangwa muduuki kwiranya miandu jinyu mba, navuzwa vaamuvolera malola gataali gagiligali kandi gu kuvachaminya.

Lisyoma lya Jeremia 4:13

Navuzwa gekoleka kigira avaporofeti vakora vwoni kandi avasaalisi vaavo vaali namashioro gukwita avandi vatali nimbara.

Lisyoma lya Jeremia 4:18

Avasigu vaakohenzeriza; sikwaali kunyala kogenda mu zinzira. Amadiku giitu gaali nigimbiha; keheri chaali nikiduuki.

Ezekieli 13:10

“Avaporofeti vagotiza avandu vange nu kuvavoolera ndi goosi gaveeye amalahi lwa goosi gataveeye amalahi mba! Avandu vange vumbaka lidigi lia magina, navuzwa avaporofeti yava vazaa mavalikunika novodohi uvulavu.

Ezekieli 13:6

Amalola gaavo si gaveeye gagiligali mba, kandi ovoporofeti vwavo voveeye vwu vugadi. Vavoola ndi vamoloma makuva gange, navuzwa sindaavatuma mba. Venya makuva gaavo gaduuki kuva gagiligali.

Ezekieli 22:14

Na musuuviraa mulazizagilira kuva nuvuluviliri anoho mulava ni zinguru mulidiku lia namudivizi? Inzi Yahova mali kovora kandi ndakakole ndio.

Hosea 4:9

Munyi namuhevwe mageri malala mere kuli avandu! Inzi namuhe mageri kandi naamukole namutungi uvudamanu vwa mukoraa.

Hosea 6:10

Inzi mali kolola kindu chu kutihiza mu Isiraeli: Avandu vange vamali kweyonogonyia aveene mu lisigamira vifananyi.

Hosea 9:5

Munyi mulakolaki ku lidiku litovole lie lisavo kandi ku lidiku lie lisavo lia Yahova?

Mika 2:11

“Niiva mundu umugadi yaza nokovoora, ‘Inzi ndaporofetera munyi ndi iwaini na malwa galidoloka, uyu niyie muporofeti wa avandu yava vayaanza.’

Mika 2:6

Avandu vanzilwaziraa nivavoora, “Utakwilwazira mba. Utilwazaa amakuva yago goosi mba. Nyasaye siazizaa kukuviika muzisoni mba.

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Zefania 3:4

Avaporofeti sivadukanaa mu miyinzi jaavo mba, kandi vaveeye avagaadi. Avasaalisi vonogonyia viveeye vitakatifu kandi vaagirung'anyia malago ga Nyasaye kulienya liavo.

Kwidzulitsa 32:20

Yavoola, ‘Sindavakonya kandi mba’ kandi ndalora ichaaza chekoleke kuvo kigira vaveeye likula lie kirage, kandi sivaveeye vasuuvirifu mba.

Kwidzulitsa 32:29

Valava novogeri, ngano vakamanyirizi yaga, vakamanyirizi keheri chavo kilava ndi!