Jeremia 5:3 - KITABU KITAKATIFU

³ Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Jeremia 5:3 Iomraidhean Croise

Litanga 19:34

Lidiku lialondaku, mukaana munene yavolera mukaana muke ndi, “Inzi ndaali harara na baba wiitu vudiku vwa mugolova. Kalunu genda kumuhe iwaini ahambiki vudiku vwa kalunu, ma ivi ove harara naye, maku vuli mulala ku kunyi yiivuli mwana na baba wiitu.”

1 Avami 13:33

Mwami Jeroboamu wa Isiraeli siyagirung'ana kutura kuzinzira zizie zindamanu, navuzwa yaazizagilira kovoolera avasaalisi kutura mu ihiiri yoosi kutumika ha vwali vwa yaali niyumbaka kali nivavula kutura ku vandu va Levi. Yavika amakono ku manda woosi wenya kutumika kuli musaalisi.

2 Avami 1:13

Mwami yatuma kandi munene wundi wa kavaga na vasaza veve amusini. Yanigira ku kiguru naagwa mamumama ku maru geege imbiri wa Elija namugoonya, “O, mundu wa Nyasaye, omberere, inzi na avandu vange. Honyia livamwoyo lietu!

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

2 Kyetsinyinga 28:22

Lwu uvudinyu vwa Ahazi vwa medeeka ligali, kandi naye yameda kwona ku Yahova mbitilira kuvita maziambiri.

Zaburi 51:6

Ivi wenyaa uvusuuvirifu na giligali kutura ku inzi. Unzigize vogeri mu mwoyo gwange.

Zaburi 51:8

Leka mbuliri mioyo juvusangali nuvuyanzi; na kaliva unduvulanyi, nukumbunanyia, inzi ndava nuvuyanzi kandi.

Zaburi 55:20

Wache wange yingilira avalina veve; umali kuvunaga lilagana lilie.

Tsing'ano 21:29

Vandu valungi visuuvirizaa, navuzwa vandu vachamu vekola kuva valahi.

Tsing'ano 22:12

Yahova ahenzerizaa mundu oveeye ni limanya, navuzwa atungaminya makuva gu mundu utaveeye musuuvirifu.

Tsing'ano 23:35

Ulavoola, “Vakunduya, navuzwa sisaliyi mba, vakunguya navuzwa simbuliyi mba. Ndavuka ing'inga ki? Inzi ndeenya iwaini yindi nwi.”

Tsing'ano 27:22

Kali niiva ulakuba mundu musiru kuduuka ave masamba makuzu, si ulatuliza uvusiru muye mba.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Isaya 9:13

Avandu va Isiraeli vakikiri kwiganira; kali niiva Yahova Wuvunyali uvaheeye mageri, vakikiri kwirana kuye.

Jeremia 15:7

Mali kumusesa kuli amavululi muvuli amadara goosi mu kivala. Ndaamudiviza munyi avandu vange, kandi ndiita avana vinyu vosi, kigira si mwagirung'ana kutura kuzinzira zienyu zindamanu mba.

Jeremia 17:23

Avaguuga vaavo siyahulira anoho si vaatia lilago liange mba, navuzwa vaali avadinyu; sivenyaa kutia anoho kwiga kutura ku inzi mba.

Jeremia 19:15

ndi, Yahova Wuvunyali, Nyasaye wavandu va Isiraeli, avoora, “Inzi nziza koleta kulidaala yili Kandi ku lidaala lindi liosi liahimbi amageri goosi agandavoola ndakakole, kigira muveeye avahindagirizi kandi simulahulira agambooraa mba.”

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Jeremia 32:19

Olomba lilohiza lie zing'anagani kandi okolaa vindu vie zinguru; ololaa vindu viosi via avandu vakora, kandi uvahezaa madanyi kolondekana ni vikolwa viavo.

Jeremia 35:13

zia ovoolere avandu vi Ivuyuda na Jerusalemi, “Inzi Yahova ndeva munyi, kigira ki mwasuura kumbulira kandi nukutia amalago gange?

Jeremia 44:10

Navuzwa kuduuka kalunu, ndi, mukikiri kwegehiza aveene mba. Mukikiri kuhaana luyali ku inzi, kandi mukikiri komenya kolondekana na malago goosi ga ndaamuha kandi ga ndahaana ku avaguuga vinyu mba.

Jeremia 7:26

Navuzwa si yaliho kali mulala uwatia anoho uwahulira mba. Muvogono yivwo, mwagwa avadinyu ligali kandi avibaali kali kuvita avaguuga vinyu.

Jeremia 7:28

Ulavavolera ndi, ihiiri yaavo si eveeye ni liitia ku inzi mba, Yahova Nyasaye wavo mba, anoho si veenyanga kwiga kutura ku lihevwa amageri mba. Uvusuuvirifu si vuveeye muvo mba, sivunyala komolomwa ku kali hakuzu mba.

Jeremia 8:5

Kigira ki munyi avandu vange mugirung'anaa kutura ku inzi navuzwa simwirana kuinzi mba. Mwahanda ku vifananyi vienyu kandi mwasuura kwirana ku inzi.

Ezekieli 2:4

Vaveeye avahindagirizi kandi sivambezaa luyali mba. Kunangwa ngutumaa uvavoolere aga inzi, Yahova Wuvunyali mboraa kuvo.

Ezekieli 24:13

Munyi avandu va Jerusalemi, vikolwa vienyu vidamanu vimali kumwonogonyia. Kali niiva ndaageriza kumukola muve avanifu, navuzwa simwenya kuva avanifu mba. Munyi simulava avanifu kandi mba, kuduuka lwa nambane amageri gange amalulu ku munyi.

Danyeli 9:13

kuli ga ng'odwa mu malago ga Musa, kivi yiki choosi chaduuka ku kunyi, navuzwa si kwayaanza ivi Yahova Nyasaye mba. Si kwagirung'ana kutura muvwoni nokolonda agaveeye giligali googo mba.

Kyavalevi 26:23

“Niiva kali inyima wa mageri yaga goosi muvura kumbulira navuzwa muzizagiliraa komeeda lihing'ana ninzi,

Amosi 4:10

“Ndaatuma vulwaye vudamanu ku munyi, kuli iyandaatuma ku vandu va Egebeti. Ndiita vayaayi vasoleri vinyu mu vulwani, nukuvugula zibarasi zienyu. Ndaaleeta lifunya lidamanu mu amuulu ginyu navuzwa simwirana ku inzi mba.

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Amosi 4:6

Yahova avoora, “Inzi ndaleta inzara, mu madaala ginyu manene goosi, navuzwa munyi simwirana ku inzi mba.

Amosi 4:8

Kulwayago, avandu vamadaala vazia mu madaala gandi vasuuvira valanyora mazi, navuzwa sivanyoola mazi gavaduka mba. Kali ndio simwirana ku inzi mba.

Amosi 4:9

“Ndaamutumira vukindu vusamba viukulia nukwononyia vitagwa vienyu. Zisigi zialia vitagwa mu milimi jinyu ni vizabibu vienyu kandi milimi ja mizeituni jinyu. Navuzwa munyi simwirana ku inzi mba.

Zefania 3:7

Ndasuuvira ndi avandu vange vanyara kutia inzi kandi vavugiliri konyoora mageri gange, kunangwa vavuli kwivilira miigizu ga ndavigiza. Navuzwa vatanga kokora vudamanu kali kuvita ing'inga yindi.”

Varumi 2:2

Kunyi kumanyi ndi Nyasaye aveeye vulahi kukalagira vandu vandi vosi vakora vindu kuli yivi.

Vahebraina 12:9

Nakali ndio, gakuduukiraa kutie baba viitu lwahaana amageri; kunyalandi kwegehiza Baba wiitu wu mu Roho makove mwoyo.