Jeremia 5:22 - KITABU KITAKATIFU

²² Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Jeremia 5:22 Iomraidhean Croise

Litanga 1:9

Maku Nyasaye yalaga, “Amazi agaveeye isi wi ligulu gavuungi havundu harara, kunangwa lirova liumu liloleke.” Gakolekaa ndio.

1 Avami 13:28

kandi yanina nazia, nanyoora muporofeti zana ulambiyi kunzira, ibunda ni isimba nivikisingiyi halovega himbi naye. Isimba siyaali anoho kwingilira kutulira ibunda mba.

Ayubu 26:10

Nyasaye yavika ulwako imbiri wa amazi amanene, ni yavukanyia uvulavu kutura ku kisundi.

Ayubu 37:24

Kulwayago, avandu vosi vamutizaa; kandi siahendera mwoyo mundu woosi uganaganaa aveeye mugeri mu liegingira lilie mba.”

Ayubu 38:8

Nivwaha wahaana virivwa kwigalira inyanza yizuuyi, lwa mazi gafudula kutura musi mwi lirova?

Zaburi 104:9

Ivi wavika ulwako ku mazi siganyala kuvita, kunangwa gavuli kuza ku lirova kandi mba.

Zaburi 119:120

Mbeeye nuvuti vonene kigira ivi; nzizuuyi uvuti kigira likalaga liilio.

Zaburi 33:7

Yavungiza amazi gi zinyanza ziosi nagaviika havundu harara, avungiza zinyanza ziosi kuli mundu avungiza vuswage mu kedeera.

Zaburi 46:3

Kali niiva zinyanza zilahuma kuli zinyama ziu mbulimu nokolomba liyoga nu vutima vululu; kandi vigulu vinene videgerizwaa vudinyu ligali.

Zaburi 99:1

Yahova aveeye mwami; leka avandu vadegere. Yikalaa kondeve yeeye yu vwami igulu wi vilombe vie zimbaha, na lirova lidengeyaa!

Tsing'ano 8:29

kandi nalaga mazi ginyanza gavuli kuvita hayaali nalagizi. Ndaali ho lwayavika musingi gwi kivala.

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Isaya 64:2

Vigulu viladegela kuli amazi gatavagira ku muliru gudidimaa. Hamba uvuli zinguru zizio zinene ku vasigu vovo, kandi okole zihiiri zidegere imbiri woovo!

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Jeremia 10:7

Nivwaha uvura kuha ivi luyali, umwami wizihiiri ziosi? Gaduukanaa oheevwe luyali. Siaveeyeho nu mulala kuli ivi kutura mu vandu vosi vovogeri vizihiiri anoho kutura mu avami vaavo mba.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 31:35

Yahova ahaanaa liuva kigira uvulavu vwilidiku, mweli nizing'ereng'ani viaka vudiku. Ahunzulanyia inyanza ma agekola kuhuuma; lieta lilie ni Yahova Wuvunyali.

Danyeli 6:26

Mbana malago ndi mu vwamihi vwange vwosi vuli mundu gamuduukira atie kandi ahaane luyali ku Nyasaye wa Danieli. Aveeye Nyasaye oveeye mwoyo, kandi alamiiha mihiga ni mihiga. Vwamihi vwivwe si vuladivizwa mba, kandi zinguru zizie si zilahera mba.

Amosi 4:12

Kulwayago, avandu va isiraeli ndahaana amageri ku munye. Na kigira ndakora yaga; mwegegeke konyoora likalaga liange.”

Amosi 9:6

Yahova yumbaka ovomenyo vwivwe mwigulu kandi aviikaa imise javwo ku lirova. Alaangaa amazi kutura mu inyanza nu kugasundula ku lirova kuli imbura. Lieta lilie ni Yahova Nyasaye Wuvunyali.

Jona 1:16

Yiki chakola aveeremi kutia Yahova ligali, kali nivahaana visiuviliru, nivalaga kumutumikira.

Nahum 1:4

Agondokeraa inyanza kandi ikama! Alomba migera kukama. Milimi ja Bashani jinialaa. Kiguru cha Karimeli kigilung'anaa kugwa malova, kandi vimuli via Lebanoni viniara.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Marko 4:39

Yeso yavuka naagondokera imbuza, navoora “Kiring'ana! Lengela!” Imbuza yalekera, na gwaali umulengera munene.

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

Kwidzulitsa 28:58

“Niiva mulavula kuhulira nu vusuuvirifu amigizu ga Nyasaye goosi agang'odwa mu kitabu yiki, kandi muvura kuhaana luyali kulieta liokogenyia na liu kutihiza lia Yahova Nyasaye winyu

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”