Jeremia 5:17 - KITABU KITAKATIFU

¹⁷ Valononyia vitagwa vienyu kandi viukulia vienyu; valiita avayaayi na avakaana vinyu. Valasinza mitugu jinyu kandi valononyia mizabibu ni mikuyu jinyu. Liihi liavo liladiviza amadara ginyu gizimbinga agamwasuuvira.

Jeremia 5:17 Iomraidhean Croise

Isaya 62:8

Yahova umali kwisuuha nu mukono gwigwe mulungi kandi ku zinguru zizie ndi, “Inzi si ndahaana uvuswage vwinyu kuva chukulia ku vasigu vinyu mba, kandi avageni si valanwa iwaini yinyu mba.

Isaya 62:9

Navuzwa munyi avamiiza uvuswage kandi ni mugesa, mulalia nu kwizominya Yahova; Kandi yavo avalindaa nu kuvungiza amazabibu, valanwa iwaini yago mu mugizi gwi Litembeli liange Litakatifu.”

Isaya 65:22

Si valumbaka zinyumba ma vandu vandi vamenye mu mba. Si valataga mizabibu mu milimi jaavo na vandu vandi kulia amakuyu gajo mba. Amadiku gi limenya lia vandu vange avatovole galava kuli amadiku gi limenya lie misaala. Kandi valasangalira amakuyu gi miyinzi ja makono gaavo ku madiku manyingi.

Jeremia 1:15

kigira ndalaga zihiiri ziosi kuza kutura Ivaale. Avami vaavo valalomba uvwami vwavo ha vwingiliru vwi virivwa via Jerusalemi, kandi ku zimbega ziosi zia amadigi, kandi ku zimbega ziosi zia amadara gi Ivuyuda.

Jeremia 25:37

Vigo viavo vie mirembe vilatigala hazwa, kigira uvutima uvululu vwa Yahova.

Jeremia 4:26

Kivala kigunamu chamala kugwa changalangwe madaala gacho goosi gaveeye amang'anye kigira vutima vwa Yahova vululu.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 5:18

Yahova avoora, “Navuzwa kali mu madiku gene yago, si ndadiviza ligali avandu vange mba.

Jeremia 50:17

Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Jeremia 50:7

Vosi avavanyooraa vavingilira. Vasigu vaavo vavoola, ‘Vaakolera Yahova uvwoni, kandi ndio, agakumali kokora sigaveeye amadamanu mba. Avaguuga vaavo vaasuuvira mu Yahova, na yavo aveene ngano vaali vasuuviri muye.’

Jeremia 8:13

“Ndeenya kuviika avandu vange harara kuli umulimi avungiza ligesa lilie harara navuzwa vaveeye kuli mizabibu vugira amakuyu; kali amatu gene gamali kuniara. Kulwayago, mali kuvugilira avageni kuvugura kivala chavo.”

Jeremia 8:16

Avasigu viitu vadukikale mu lidaala linene lia Dani; kuhuliraa lihuuma lie zibarasi ziavo. Kivala choosi kedegeraa lwi zibarasi ziavo zifuumaa. Avasigu viitu vazi kudiviza kivala chietu kandi ni vindu viosi viveeye mu, lidaala lietu linene harara na avandu vamenyi mu.”

Lisyoma lya Jeremia 2:12

Vateva avamama vaavo ndi, “Viukulia ni iwaini viveeye haliha?” Vakuza kuli avandu vatozeywi muzinzira zie lidaala linene. Vakuza galaha ku magulu ga vamama vaavo.

Lisyoma lya Jeremia 2:2

Yahova amali kudiviza visukululwi via Yakobo viosi vugira livererera. Mu vutima vwivwe, amali kuvunanyia zimbinga zie lidaala lie Ivuyuda; yikiza uluyali lwu vwami harara na vamiihi vavwo nukuvaviika mu zisoni.

Ezekieli 36:4

Kunangwa kalunu, muhuliri aga Inzi Yahova Wuvunyali mboraa ku munyi; avandu va Isiraeli avamenyi ku vigulu, kandi kutogera kandi mumavona, kandi avamenyi havundu halekwa kuva mang'anye, kandi avamenyi mu madaala galekwa kandi agavalanywa kandi nimulegerizwa ni zihiiri ziosi iziamukumberiza.

Hosea 2:12

Ndononyia mizabibu kandi mikuyu jije josi ijayavoola ndi avasaza veve vamuha kigira yakola ovoheyi navo. Ndagirung'anyia mizabibu yiji kandi mikuyu yiji kuva umulitu, kandi zinyama ziu muvulimu zilajidiviza.

Hosea 8:14

“Avandu va Isiraeli vamali kwumbaka zinyumba ziuvwami, navuzwa vayivilira mulombi wavo. Avandu vi Ivuyuda vamali kwumbaka madaala manene gi zimbinga. Navuzwa inzi ndasamba zinyumba ziavo ziu vwami kandi madaala gaavo manene.”

Joeli 2:3

Ziliizaa vitagwa kuli muliru. Imbiri wazio kivala keveeye kuli mulimi gwa Edeni, navuzwa inyima wazio keveeye ichangalangwi kigumba. Sikeveho kinyala kohononoka mba.

Kyavalevi 26:16

Inzi ndamuha mageri. Ndaleta kivi kinene ku munyi kuli vulwaye vutahonaa mba kandi luhuuza lunyala kumukola muvakuli nokolomba livamwoyo lienyu kuva liavuzwa. Mulataga vitagwa vienyu, navuzwa sivilava novokonyi ku munyi mba, kigira avasigu vinyu valalia via mwatanga.

Zefania 3:6

Yahova avoora, “Inzi mali kutulizaho zihiiri ziosi, mali kudiviza madaala gaavo nokoleka madigi galio kandi minaara jalio kuva mang'anye. Madaala gamali kolekwa; zinzira ziago ziatigala hazwa si aveeyeho nu mundu uvitira muzio mba.

Malaki 1:4

Niiva visukululwi via Esau, avandu va Edomu vavoola, “Madaala giitu gamali kudivizwa, navuzwa kulagumbaka vuhia,” maku Yahova alakativuli, “Leka vagumbake vuhia, ndagasambula kandi. Avandu valalanga vandu va Edomu, ‘Kivala kichamu kandi ihiiri ya Yahova aveeye nayo nu vutima mihiga ni mihiga.’ ”

Kwidzulitsa 28:33

Zihiiri zing'eni zialalia viamo viosi via mwayinzira vudinyu kuvitaaga, na munyi simulanyora kindu nitaveeye lidambizwa ni likolerwa vudamanu kazozo.