Jeremia 5:1 - KITABU KITAKATIFU

¹ Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Jeremia 5:1 Iomraidhean Croise

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

Zaburi 12:1

O, Yahova, okokonye! Sihaveeyeho nu mundu kali mulala oveeye mulungi imbiri woovo mba, Avandu valungi vafeeye; avasuuvirifu sivanyala konyoleka hagati havandu mba.

Zaburi 14:2

Yahova ahenzaa ku vandu vosi kutura mwigulu, alole niiva haveeye ho na mulala oveeye mugeri, kandi niiva haveeye ho na mulala umusigamiraa.

Zaburi 14:3

Navuzwa avandu yava vosi vamali kutura kunzira ya Yahova, vosi vaveeye avadamanu; sihaveeye ho nu mundu kali mulala okolaa agaveeye malungi mba.

Zaburi 94:16

Nivwaha wasingira mu vogono vwange ukuhingira avachamu? Nivwaha wangonya kuhingira avakoli vuvudamanu?

Tsing'ano 20:6

Vuli mundu amolomaa kuli aveeye wu luyali kandi musuuvirifu, navuzwa nivwaha unyala kunyoola mundu musuuvirifu?

Tsing'ano 23:23

Agiligali, vogeri kwiga kandi lihulira lilahi yivi viveeye mutungu mulahi, navuzwa viveeye nu vuguli vonene niiva ulavigulanyia.

Tsing'ano 8:3

Ha vwingiliru vwi lidaala linene, vulangiliraa himbi ni virivwa;

Lwimbu lwa Solomoni 3:2

Ndagendagenda mu lidaala linene liosi ndavitira muzinzira nu tuzira tungerere. Ndenyeleriza oyo wandayaanzaa. Ndenyeleriza navuzwa sindamunyoora mba.

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Jeremia 2:29

Kigira ki muhing'anaa ninzi? Kigira ki munyi mumali kwibaala ku inzi?

Jeremia 44:15

Maku avasaza vosi ava vakali vaavo vaahana visiuviliru ku avanyasaye vandi, kandi avakali vosi avaari nivasingiyi ahimbi, harara na avandu va Isiraeli avaamenyaa ha Pasirosi mukivala cha Egebeti, vosi kiduma kenene ligali vambolera,

Jeremia 8:6

Ndaahuliriza vulahi ligali, navuzwa si mwavoora agiligali mba. Kali mundu mulala kumunyi siyaverera kigira uvuchamu vwivwe mba; kandi mundu mulala siyeteeva ku ndi, ‘Kindiki kidamanu cha inzi mali kokora?’ Vuli mundu azizaa kunzira yeeye umwene, kuli ibarasi inyagura zimbiru kuzia mu vulwani.

Jeremia 9:2

Nzegomba ndava na havundu ho komenya muchangalangwe, handali nyalakuva ihale kutura ku avandu vange. Vosi sivaveeye avasuuvirifu mba, vaveeye umuganda gwa vazami.

Jeremia 9:7

Kigira yaga Yahova Wuvunyali avoora, “Inzi ndatakasa avandu vange kuli kivia kandi ndavageriza Avandu vange vamali kokora uvudamanu, nikindiki kindi ichanyala kokora?

Ezekieli 22:30

Ndahenza umundu kutura muvo uwaali unyala kwumbaka lidigi, uwaali anyala kusingira ha vundu hamadigi gamali kugwa nukukinga vandu lwa ndaali ahimbi kuvadiviza, navuzwa sindanyola mundu kali mulala mba.

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Danyeli 12:4

Yamuvolera, “Danieli kunika kitabu, kandi ukevohe vudinyu ligali kandi uviiki ku muhuri, kuduuka ing'inga yi keheri chi lirova. Avandu vanyingi valakanyaguli yiyi ni yiyi kandi limanya lilakameedeke.”

Joeli 2:9

Ziziza vwangu nukutulira lidaala linene; zinyagulira ku madigi; zinina igulu ku zinyumba nukwingilira mumadirisia kuli aviivi.

Amosi 8:12

Avandu valagendagenda nokoyeyema kutura Ivugwi kuduuka Imadioli, na kutura Ivaale kuduuka Isavaalu valanyagula kuzia yaaha na yaaha nivenyereriza likuva liange, navuzwa sivalalinyoola mba.

Zekaria 2:4

Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba.

Luka 14:21

“Mutumikiri oyo yirana kovoolera Mwami weve yaga goosi. Mwene inyumba yasinyika, navolera mutumikiri weve, ‘Zia vwangu ku zimbarabara kandi mutuzira twi lidaala, uvalete hano avadaka, avadekerana, avavoku na avalema.’

2 Vatesalonike 2:10

Alatumikira kandi uvugadi vwi zing'ano ziosi ku yavo avadivaa. Valadiva kigira vasuura kuyaanza agiligali ku vaduuki kohonywa.