Jeremia 49:36 - KITABU KITAKATIFU

³⁶ Ndakora imbuza kuhuuza ku Elamu kutura mu zimbega ziosi, kandi ndasalanyira avandu veve havundu hoosi, kuduuka avahaali vaavo navazie muvivala viosi.

Jeremia 49:36 Iomraidhean Croise

Zaburi 147:2

Nyasaye yumbaka Jerusalemi vuhia; yiranyia avandu va Isiraeli avaari ni liadikizwa.

Isaya 11:12

Yahova alasingiriza kelolero chebendera ukumanyia zihiiri ndi avungiza avandu veve harara ulwa kaviri, avandu vasalanywa va Isiraeli ni Ivuyuda, na aviiranyiaa kutura mu zikona zine zie lirova.

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Isaya 56:8

Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Jeremia 30:17

Inzi ndamukora muve vulahi kandi; ndahonyia zingwago zienyu, kali nbiiva vasigu vinyu vavoola, ‘Ziyoni imali kolekwa; umundu kali mulala sialivahendera mwoyo mba.’ Inzi, Yahova mali kovora.”

Jeremia 49:32

“Vuguli zing'amia ziavo kandi mitugu jaavo josi! Inzi ndasalanya muzimbega ziosi avandu vavega masu gaavo ku zinduru, kandi ndaleta kuvo kivi kutura muzimbega ziosi.

Ezekieli 5:10

Kigira yaga, avababa valalia avana vaavo kandi avana valalia avababa vaavo. Ndahaana mageri ku munyi kandi ndasalanyia vosi avalitigala mwoyo.

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Danyeli 11:4

Navuzwa mu ing'inga yu lusuma lwi zinguru zizie, vwamihi vwivwe vulakavukane mu vidonye vine. Avami valiamiiha ha vogono vwivwe si valakatuli mu visukululwi vivie mba, kandi si valakave ni zinguru kuli zia yaali nazio mba.

Danyeli 8:22

Zinziga zine ziamera havogono hu lwiga lulala lwavunika, zimanyaa vwamihi vone vwi ihiiri indala yaza igavulanywemu, navuzwa si navove vwi zinguru kuli vwamihi vwu kutanga mba.

Danyeli 8:8

Imburi yaazizagilira kufuriana, navuzwa mu vunyingi vwi kirage chayo, ulwiga lwayo lulala lwavunika. Zinziga zine zinene ziamera mu vogono vwu lwiga lulala lwavunika, na vuli lwiga lwa henza igulu mu lovega lwalwo.

Amosi 9:9

“Ndalaga, na ndasesa avandu va Isiraeli kuli uvuswage vosesaa koloderu. Ndavasesa hagati hi zihiiri nduuki kutuliza ho vosi avataveeye avalahi avatakonya kindu.

Zekaria 6:5

Yandivulira, “Yizi nizimbuuza zine zimali kuuza kutura imbiri wa Yahova wikivala choosi.”

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:64

“Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.

Likunula 7:1

Inyima wa yaga ndaalora zingelosi vane ni vasiingi ku zimbega zine zie lirova. Vagumira izimbuuza zine zie lirova zivuli kuhuuza ku lirova nu kunyanza, kandi ku misaala josi.