Jeremia 49:2 - KITABU KITAKATIFU

² Navuzwa ing'inga yiza lwa nangore avandu vi lidaala linene lia Raba kuhulira liyoga liu vulwani, kandi lilava hazwa na amadara gayo galasambwa. Maku avandu va Isiraeli valavugula kivala chavo kutura ku avandu vaali nivakivugura.

Jeremia 49:2 Iomraidhean Croise

2 Samweli 11:1

Mu ing'inga yi vitagwa vimera, lwa avami vanene vazizaa mu liihi kazozo, Daudi yatuma Joabu na avanene veve kandi ni liihi lia vandu va Isiraeli kuzia mu vulwani. Vaguuta vandu va Amoni kandi nivakumbiriza lidaala linene lia Raba. Navuzwa Daudi mwene yaatigara mu Jerusalemi.

Zaburi 48:11

Leka avandu va Ziyoni vasangale! Ivi uhaanaa likalaga liveeye lirungi; Leka have uvusangari mu madaala manene gi Ivuyuda.

Zaburi 97:8

O, Yahova, avandu va Jerusalemi vaveeye nuvusangali, kandi avandu va madaala manene gi Ivuyuda vasangala kigira likalaga liilio.

Isaya 11:14

Vombi harara vatangilira Avafilisitia ku lovega lwi madioli nukulanya avandu vamenyaa ku lovega lwi Ivugwi. Valaguuta avandu va Edomu na Moabu, kandi avandu va Amoni valavatia.

Isaya 17:1

Yahova yavoola, “Damasiko sililava lidaala linene kandi mba. Lilava vuzwa kitumi chi vianyi.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Jeremia 49:1

Yaga nigo aga Yahova yavoola kigira avandu va Amoni: “Avasaza va Isiraeli vaveeye hayi? Avulaho mundu kali mulala unyala kukinga kivala chavo? Kigira ki valeka avandu vasigamira Moleki kuvugura kivala chihiiri ya Gadi nokomenya yo?

Ezekieli 21:20

Kelolero kilala kilamanyia Mwami inzira izizaa mu lidaala linene lia Raba lia vandu va Amoni, ni kindi kilamanyia inzira izizaa Ivuyuda kuduuka mu lidaala linene lie imbinga ya Jerusalemi.

Ezekieli 21:25

“Ivi mwimiliri muchamu wa vandu va Isiraeli, lidiku liilio lizaa, ing'inga yukumalirika yooyo yokohevwa mageri.

Amosi 1:14

Kunangwa ndatuma muliru ku madiji gi lidaala linene lia Raba na gulasamba zimbinga zialio. Lirira linene lilavaho mu madiku gu vulwani ni lifuliana kuli kihuzuzi.

Obadia 1:19

“Avandu kutura Isavaalu wi Ivuyuda valakavuguli Edomu; Avandu kutura imadioli wa Shefela valakavuguli kivala cha Filisitia. Avandu va Isiraeli valakavuguli kivala cha Efuraimu na Samaria. Avandu va Benjamini valakavuguli kivala cha Gileadi.

Livalidza 10:9

Lwamuzia kulwaana avasigu vamudambiza mu kivala chiinyu, maku mulakuba visiliva; ninzi Yahova Nyasaye winyu ndamukonya kandi ndamuhonyia kutura ku vasigu vinyu.

Livalidza 21:25

Maku avandu va Isiraeli vavugura madaala manene ga vandu va Amoni harara na madaala goosi gakumberiza Heshiboni na vandu vamenya mu.

Kwidzulitsa 13:16

Muleete harara miandu josi ja avandu vamenyi mu lidaala yilio na muvivungizi hagati hi lidaala zana. Maku mulasaamba lidaala liosi harara ni vindu viosi viveeye mulio kuli kihanwa ku Yahova Nyasaye winyu. Kuduuka lilekwe mang'anye mihiga ni mihiga, kandi litumbakwa vuhia mba.

Kwidzulitsa 3:11

(Omwami Ogu niyie waali wukumaliriza uwatigalaa ku vandu va Refaimu. Kidali chiche ichalombwa Kutura ku kivia chaali zimita zine uvutambi na uvugika nivuva ahimbi zimita ziviri, kolondekana ni kibimu chaviikwaho. Kinyala kololeka mu lidaala linene lia vandu va Amori lia Raba.)

Joshua 17:11

Mugati mwi vivala via zihiiri zia Isakari na Asheri, Manase yaali na madaala manene ga Bezishani, Ibuleamu, Dori liali kunyanza, Endori, Tanaki, na Megido harara na madaala gagakumbiriza.

Joshua 17:16

Vaativura, “Kivala chivigulu sikeveeye kenene ikinyala kuduuka kunyi mba, navuzwa vandu va Kanaani vamenyi mu kivala chi vilelemo na mavoona, vaveeye na amagare gu vulwani agalombwa kutura ku kivia, vombi avamenyi mu lidaala linene lia Bezi Shani harara na madaala galio agalikumberiza, kandi yavo vosi avamenyi mu livona lia Jezireeli.”