Jeremia 49:19 - KITABU KITAKATIFU

¹⁹ Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Jeremia 49:19 Iomraidhean Croise

1 Kyetsinyinga 12:15

Yava nivo avasaza avambuka mugera gwa Jorodani mu mweli gwu kutanga, lwu mugera gwene yigu gwaali ni gwizuuyi zimbega ziagwo ziosi. Avasaza yava vasalanyia avandu vosi avamenyaa mu mavoona ku lovega lwi Ivugwi nu ku lovega lwi Imadioli.

2 Kyetsinyinga 20:6

“O, Yahova Nyasaye wa vaguuga viitu, ivi wamihaa ku vandu vosi vu mulirova. Kutura mwigulu ivi oveeye wi zinguru nu vunyali, na mundu sianyala kuhing'ana naivi mba.

Ayubu 41:10

Sihaveeyeho nu mundu kali mululu unyala kuruvilira kugitindira mba. Kunangwa, nivwaha unyala kusingira imbiri wange?

Ayubu 9:19

Niiva ni ligerana lie zinguru Nyasaye aveeye ni zinguru, kumbita inzi. Niiva na makuva gi likalaga lirungi, nivwaha unyala kumuleeta mu kiyaalo?

Ayubu 9:21

Kali niiva mbeeye vugira imbara, simbendaa mwoyo ku kinyala kwekoleka ku inzi mba. Mbihiliraa livamwoyo liange.

Zaburi 143:2

Utambika inzi mutumikiri woovo mu likalagirwa mba, kigira sihaveeye ho numundu kali mulala oveeye mulungi imbiri woovo mba.

Zaburi 76:7

Navuzwa, ivi O, Yahova, utiivwa na vosi. Nivwaha unyala kusingira imbiri woovo kukalagirwa, lwa oveeye nu vutima?

Zaburi 76:8

Ivi walomba likalaga liilio limanyikane kutura mwigulu; vosi avamenyi ku lirova vaali nuvuti vonene kandi vachiring'ana ligali.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Zaburi 89:8

O, Yahova, Nyasaye Wuvunyali, siaveeye ho numulala oveeye wizingulu kuli ivi mba, O, Yahova, ivi oveeye musuuvirifu mu vindu viosi.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Isaya 40:25

Nyasaye Mutakatifu anyala koleng'anywa ku vwaha? Aveeye ho nu mundu wundi woosi unyala koleng'anywa naye?

Isaya 46:9

Mwizurizi vindu viakoleka mu madiku ga kale, muduuki kumanya ndi inzi wengine mbeeye Nyasaye, kandi siaveeye ho nu munyasaye wundi kuli inzi mba.

Jeremia 12:5

Yahova yavoola, “Jeremia, niiva uluha kunyagula na vandu vizimbiru, unyala ndi kunyagula nizibarasi? Niiva siunyala kusingila mukivala kilahi, nunyalizindi mumulitu gwa Jorodani?

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 30:21

Aviimiliri vaavo valatura mukivala chavo chene, avanene vaavo valatura hagati ha avandu vaavo vene. Ndamugerihiza, na alisunda himbi ku inzi, nivwaha unyala kogeriza kuuza vugira kogenihizwa?

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Danyeli 7:4

King'ang'a chu kutanga chaali kuli isimba, navuzwa chaali ni zimbaha kuli indizu. Lwa ndaali ningikiheenza, zimbaha ziifwa. King'ang'a yicho chahinulwa nikisingilizwa vulungi kuli mundu na chahevwa zing'anagani ziu mundu.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Zekaria 11:3

Avamihi valira no vovereri; kigira vukumi vwavo vumali kudivizwa! Hulirizi ku lihuuma lie zisimba, kigira mulitu goveeye vomenyo vwazio mu Jorodani gumali kudivizwa!

Livalidza 16:5

kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali.

Joshua 3:15

Kalunu mugera gwa Jorodani gwizuraa ligali zing'inga ziosi zie ligesa. Nonoho lwa vasaalisi vaginga Lisandugu lia malago vaduuka ku mugera gwa Jorodani ni virenge viavo nividiira mu mazi,

Likunula 6:17

Lidiku linene liu uvutima vwavo liduuki, nivwaha unyala kusingira imbiri wuvutima yivu?”