Jeremia 49:18 - KITABU KITAKATIFU

¹⁸ Kindu kilala chere kilakekoleke ku Edomu kuli chekoleka ku Sodoma na Gomora, lwa ndagadiviza harara namadaala agaali himbi. Mundu kali mulala si namenye mu lidaala yili kandi mba. Inzi, Yahova mali kovora.

Jeremia 49:18 Iomraidhean Croise

Zaburi 11:6

Yahova atumaa amanda gu muliru, ni kibiriti kisambaa ku vachamu vosi. Ahaanaa amageri kuvo ni kihuzuzi kisambaa.

Isaya 34:10

Kivala kilasambwa mbasu nu vudiku, kandi mwochi gulavuuya mucho mihiga ni mihiga. Kivala kilatigala hazwa kutura ku likula yili kuduuka ku likula lindi, kandi si halavaho nu mundu kali mulala ulivitira hagati hacho kandi mba.

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 49:33

Lidaala lia Hazori lilakolwa changalangwi mihiga ni mihiga, havundu hi vivwi vimenya vieng'ine. Mundu si alamenyayo kandi mba. Inzi Yahova mali kovora.”

Jeremia 50:40

Kindu kilala chere kilakekoleke ku Babiloni kuli chekoleka ku Sodoma na Gomora lwa ndaadiviza harara namadaala ga himbi. Siaveeyeho kali mundu mulala ulimenya mu kandi mba. Inzi, Yahova mali kovora.

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Zefania 2:9

Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Varumi 9:29

Gaveeye kuli Isaya yavoola mu Iitanga, “Umwami Wuvunyali alavula kolekera kunyi valala ku visukululwi via Isiraeli, ngano kwaali kove kuli Sodoma, kandi ngano kwaali kove kuli Gomora.”

Kwidzulitsa 29:22

“Mu makura gaaza, visukululwi vienyu kandi avageni kutura muvivala vie ihale valalola maduywa nu vusaliri vwa Yahova amali koleta ku kivala chienyu.

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

2 Petro 2:6

Nyasaye yakalagira amadara ga Sodoma na Gomora, kandi yaagadiviza nu muliru naagakora kelolero kiliekoleka ku yavo avatamanyi Nyasaye.

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.