Jeremia 49:17 - KITABU KITAKATIFU

¹⁷ Yahova yavoola, “Lidivizwa liaza liduuki ku vandu va Edomu na live liukutihiza vuli mundu ulivitira ho alakegose kandi alakatiihizwi.

Jeremia 49:17 Iomraidhean Croise

1 Avami 9:8

“Litembeli yili lilagwa kitumi cha mang'anye, kandi vuli mundu mulala uvitira ho alegosa nokogenya. Alateeva, ‘Kigira ki Yahova naakora ndi ku kivala yiki kandi ku Litembeli yili?’

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 49:13

Inzi mwene mali kwisuha ndi lidaala lia Bozira lilava havundu hukutihiza kandi changalangwi; avandu valali kolera kehenyahenye nukutumikira lieta lialio kuli kilaamo. Amadara goosi gahimbi galava hazwa kazozo. Inzi Yahova mali kovora.”

Jeremia 50:13

Kigira uvutima vwange siaveeyeho nu mundu kali mulala ulimenya mu Babiloni mba; nalitigale amang'anye, kandi vosi avaliviitira ahimbi kulio navegose kandi navagenye.

Jeremia 51:37

Kivala yicho cha Babiloni kilagwa kitumi cha mang'anye, havundu hi zinyama ziu muvulimu zilakamenye. Kilakave kivala chu vuti; mundu sialakamenye mu mba, kandi vosi avalolaa kivala yiki, valakave nuvuti ligali.

Ezekieli 25:13

Kalunu nandizaa ndi, ndahaana mageri ku vandu va Edomu, kandi ndiita vuli mundu nizinyama. Ndakora Edomu kuva mang'anye kutura mu lidaala lia Temani kuduuka mu lidaala lia Dedani, kandi avandu valitirwa mu liihi.

Ezekieli 27:36

Avakiranyi hagati hi zihiiri vamusekerizaa. Munyi mumali kuduuka ku keheri chi litihiza, kandi si mulavaho mihiga ni mihiga mba.”

Ezekieli 35:15

kuli mwasangalira lidivizwa lia vandu Vaisiraeli miandu jange, kunangwa inzi ndamukora kuva hazwa, kiguru cha Seiri, yee, kivala choosi cha Edomu, ndakikola kuva hazwa. Maku vuli mundu woosi alakamanye ndi inzi mbeeye Yahova.”

Ezekieli 35:3

Ovoolere avandu aga Inzi, Mwami Munene Yahova mboraa: Inzi mbeeye musigu winyu, munyi avandu va Edomu! Ndahaana mageri ku munyi kandi ndamukora muve hazwa.

Ezekieli 35:7

Ndakora kivala cha Edomu kuva hazwa kandi ndiita vuli mundu woosi uvitira mucho.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Kwidzulitsa 29:22

“Mu makura gaaza, visukululwi vienyu kandi avageni kutura muvivala vie ihale valalola maduywa nu vusaliri vwa Yahova amali koleta ku kivala chienyu.