Jeremia 49:10 - KITABU KITAKATIFU

¹⁰ Navuzwa inzi mali kokora visukululwi via Esau kuva chahonyo ligali, kandi kulang'aminya havundu haavo hu kwivisa, kunangwa vavuli kwivisa kandi mba. Avandu vosi va Edomu vadivizwi. Siaveeye ho kali mulala utigaye mba.

Jeremia 49:10 Iomraidhean Croise

Zaburi 37:28

Yahova ayaanza likalaga lirungi kandi sialekaa avasuuvirifu veve mba. Alavalinda mihiga ni mihiga. Navuzwa avandu vadamanu alavatuliza mu kivala cha avasuuvirifu.

Isaya 17:14

Valeta vutihizi vonene hamugorova, navuzwa vaatura ho mugambazuri. Yiki nicho keheri cha yavo avalanyaa miandu jietu; kandi kidieli cha yavo avakunuulaa kivala chietu.

Isaya 45:3

Ndakuha miandu kutura havundu haviswa mu kisundi; maku uduuki kumanya ndi inzi mbeeye Yahova, kandi Nyasaye wa avandu va Isiraeli umali kulanga ivi ni lieta.

Jeremia 13:26

Yahova mwene alamutuliza zinguvu nukumuviika muzisoni.

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Lisyoma lya Jeremia 4:22

O, munyi avandu va Ziyoni, mumali koheevwa mageri kigira uvwoni vwinyu Yahova si alaleka muzizagiliri komenya mu lihaminywa mba. Navuzwa munyi avandu va Edomu Yahova alahaana mageri kumunyi kigira uvwoni vwinyu; kandi alalang'aminya vikolwa vinyu viuvwoni havulavu.

Amosi 9:3

Kali niviivisa igulu kondongozi yi kiguru cha Karimeli, ndavenyeleriza kuduuka mbagumiri. Kali ni vivisa hasi mu luliva lwi inyanza kutura ku inzi, ndalaga ogoyoka gonene gwu mu inyanza kuvaluma.

Obadia 1:6

Munyi visukululwi via Esau, amaviikiru ginyu gamali kulanywa.

Obadia 1:9

Avasaza vizingulu vu vulwani va Temani valakatiihizwi, kandi vuli musikari mu Edomu alakitwi.

Varumi 9:13

Kuli Mang'oda Matakatifu gavoora, “Inzi ndayaanza Yakobo, navuzwa ndaduunyira Esau.”