Jeremia 49:1 - KITABU KITAKATIFU

¹ Yaga nigo aga Yahova yavoola kigira avandu va Amoni: “Avasaza va Isiraeli vaveeye hayi? Avulaho mundu kali mulala unyala kukinga kivala chavo? Kigira ki valeka avandu vasigamira Moleki kuvugura kivala chihiiri ya Gadi nokomenya yo?

Jeremia 49:1 Iomraidhean Croise

Litanga 19:38

Mukaana muke yivula kandi mwana muyaayi, ma namugulika lieta lilie Benami. Uyu niye waali muuguuga wa vandu va Amoni kuduuka na lero.

2 Avami 10:33

ivugwi wu mugera gwa Jorodani kali kuduuka isavaalu wi lidaala lia Aroeri kandi mugera gwa Arinoni. Yiki chaali harara ni kivala cha Gileadi na Bashani, wi zihiiri zia Gadi na Rubeni, kandi na zihiiri zia Ivugwi wa Manase ziamenya.

2 Avami 24:2

Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

2 Kyetsinyinga 20:1

Ing'inga yaduuka lwa mahi ga Moabu na valina va Amoni, harara na vandu va Ameuni vingilira Mwami Jehoshafati wi kivala chi Ivuyuda.

2 Kyetsinyinga 20:23

Liihi lia Amoni na Moabu viikiruka kutulira iliihi lia Edomu kandi nivavadiviza vosi ligali. Lwa vaali ni vakaviita, avasaza va Amoni na Moabu viirana kwikirukana aveene ku vene, na viitana aveene ku vene.

Nehemia 2:19

Lwa Sanibalati, Tobia nu Muarabu walangwa Geshemu, vahulira aga kwaali nikolohizaa kokora, vakosekeliza kandi vakolegeliza nivavoora, “Munyi muganaganaa mukolaaki? Munyi muzizaa kwibaala ku Mwami?”

Nehemia 4:7

Sanibalati, Tobia, kandi avandu va Arebia, Amoni, na Ashidodi vahulira ndi kwaali nikuzizagilira vulahi niliumbaka vuhia lidigi lia Jerusalemi, ma kandi mwi lidigi liasasuguka kandi vaali nu vutima vonene ligali.

Zaburi 83:7

avandu vi kivala cha Gebali ekeveeye Isavaalu wi inyanza yijumbi, avandu vi kivala cha Amoni ekeveeye Ivugwi wu mugera gwa Jorodani, Ivaale wi kivala cha Moabu na avandu vi ihiiri ya Amaleki avamenyaa isavaalu wi lidaala linene lia Yuda. Kandi avandu vi kivala cha Filisitia, ahimbi ni inyanza enene ya Meditareniani kandi na vandu vi lidaala lia Tiro.

Zaburi 9:6

Avasigu viitu vamali kudivizwa mihiga ni mihiga, umali kudiviza amadara manene gaavo ligali kandi vamali kwivilirwa ligali.

Jeremia 12:14

Yahova avoora, “Inzi mbeeye nichokovoola ku vatende va Visiraeli avamali kwononyia kivala chandaha avandu vange Isiraeli. Ndahira avandu vachamu yavo ihale kutura muvivala viavo kuli musaala gwihiywi, kandi ndasoora avandu vi Ivuyuda kutura muvo.

Jeremia 25:21

avandu vosi vikivala cha Edomu na Moabu harara na avana va Amoni,

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 27:3

Maku Yahova yambolera ndumi amakuva ku avami va Edomu, Moabu, Amoni, Tiro na Sidoni kuvitira ku avatumwa vaavo avaari nivaazi mu Jerusalemi kolola mwami Zedekia.

Jeremia 48:1

Yaga nigo aga Yahova Wuvunyali, Nyasaye wa Isiraeli yavoola kigira avandu vikivala cha Moabu: “Avandu va Nebo vaveeye mukivi, Lidaala liavo limali kudivizwa! Lidaala lia Kiriazaimu limali kugumirwa, zimbinga zialio zie zinguru zimali kwononywa; kandi avandu valio vamali kuvikwa mu zisoni.

Jeremia 49:23

Yaga nigo aga Yahova yavoola kigira Damasiko: “Avandu mu madaala ga Hamazi na Aripadi vaveeye mulihenda mioyo kandi mulinyangizwa kigira vamali kuhulira amakuva madamanu. Vakukuza mioyo nukunyangizwa kuli inyanza itaveeye novosoosi.

Jeremia 49:28

Yaga nigo aga Yahova yavoola kigira ihiiri ya Kedari kandi kivala kisingilirwa na Hazori chiaguutwa nu mwami Nebukadineza wa Babiloni: “Yingilira avandu va Kedari kandi udivizi ihiiri yene yeyo ya avandu vi Ivugwi!

Jeremia 49:7

Yaga nigo aga Yahova Wuvunyali yavoola kigira avandu va Edomu: Avandu va Edomu vagotiza likalaga liavo lilahi? Avahaani viziganagani vaavo vanyara kuvavolera chokokola? Vogeri vwavo vwosi vwagota?

Ezekieli 21:25

“Ivi mwimiliri muchamu wa vandu va Isiraeli, lidiku liilio lizaa, ing'inga yukumalirika yooyo yokohevwa mageri.

Ezekieli 25:1

Yahova yamoloma ninzi.

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.

Livalidza 1:24

Kutura mu ihiiri ya Gadi, avasaza vosi avaari ni mihiga 20 kuzizagilira, avaari vanyara kuzia mu vulwani, vang'odwa mita gaavo kolondekana ku zihiiri ziavo kandi zinyumba ziavo.

Kwidzulitsa 2:19

Lwa muduuka ahimbi mu kivala cha avandu va Amoni, visukululwi va Loti, mutavadambiza anoho kutangiza uvulwani navo mba, kigira sinzizaa kuhaana ku munyi kivala cha ndaavaha kuva miandu jaavo mba.’ ”

Kwidzulitsa 23:3

“Mundu wa Amori anoho mundu wa Moabu anoho mulala ku kisukururwi chiche chi likomi, atingira mu livugana lia Yahova mihiga ni mihiga mba.

Kwidzulitsa 23:4

Vasuura kuhaana ku munyi chukulia na mazi lwa mwaali kunzira yinyu kutura mu kivala cha Egebeti, kandi valagana kutunga Baalamu muyaayi wa Beori, kutura mu lidaala lia Pezori mu kivala cha Mesopotamia, amulaame.