Jeremia 48:33 - KITABU KITAKATIFU

³³ Uvuyanzi kandi uvusangari vimali kutulizwaho kutura mukivala kigunamu cha Moabu. Inzi mali kokora iwaini ivuli kwidoroka kutura mu viminilu vie iwaini, mundu si aveeyeho olomba iwaini kandi nukuhanzuka kigira uvusangari mba.

Jeremia 48:33 Iomraidhean Croise

Isaya 5:10

Mulimi gwi zihekita 10 ugwama amazabibu galatuliza zilita 8 vuzwa ziewaini zieng'ine. Na zikilo 180 ziu vumwu zilatuliza zikilo 18 ziu vuswage.”

Isaya 7:23

“Lwa ing'inga yeyo iliduuka, vuli mulimi gwi vizabibu vilahi, vuli mulala ni mizabibu elefu ndala, iviali nuvuguli vwi vidonye viefeza elefu ndala, vuli kilala kilakunikwa nulutavati kandi na mafwa givigunzanguva.

Isaya 9:3

Yahova ivi umali kuvaha uvusangari vonene ligali; uvakoli kuva nuvuyanzi. Vasangalira mu cha umali kokora; kuli avandu vasangala lwa vagesa vuswage vwavo, anoho lwa vagavulana vilaanye.

Joeli 1:16

Lwivitagwa vietu viononywa koheenzanga vuzwa vugira kokoonya kindu. Uvusangari vuvulaho mu Litembeli lia Nyasaye wiitu.

Joeli 1:5

Vuki kandi musiome, munyi vahambiku; muliri, munyi avanwezaa iwaini; makuyu gokolombera iwaini imbia gononyeywi.

Amosi 5:17

Halakave ho ni lisioma mu milimi ji mizabibu. Yaga goosi galekoleka kigira nziza kuhaana amageri ku munyi.” Yahova umali kovora.

Haggai 2:16

niiva mundu alazia ha kitumi chu vuswage ni lisuuvira ndi alanyoola zikiloguramu 200, navuzwa alanyoola vuzwa zikiloguramu 100. Niiva alazia kudaha iwaini zilita 100 kutura mu libiba, navuzwa alanyoola vuzwa zilita 40.