Jeremia 48:14 - KITABU KITAKATIFU

¹⁴ “Munyi avandu va Moabu, kigira ki muganaganaa ndi muveeye avaluviriri, kuli avasikari vi zinguru mu liihi?

Jeremia 48:14 Iomraidhean Croise

Zaburi 11:1

Inzi nzirukiraa mu Yahova kazozo, na gakaveeye ki munyi kombolera ndi, “Mbuluki kuli linyonyi nukuzia mu vigulu;

Zaburi 33:16

Mwami sianyala kuguuta mu vulwani kigira iliihi lilie lie zinguru mba, musikari sianyala kuguuta avasigu veve kigira zinguru zizie mba.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Isaya 10:13

Mwami wa Asiria yigingira nokovoora ndi, “Mali kokora yaga goosi inzi mwene. Inzi mbeeye ni zinguru kandi mugeri wi limanyiriza. Mali kutulizaho zinzako hagati hi zihiiri, kandi mali kuvugura uvutugi vwavo kutura mu mavikiru gaavo goosi. Mali kuduvagira hasi avandu vamenyi yo kuli igiriki, nu kuvatuliza ku zindeve ziu vwami.

Isaya 10:16

Kigira yaga, Yahova Wuvunyali alatuma lukuzu kuhaana amageri ku yavo avaveeye avatugi kandi avalizaa vulahi. Miviri jaavo jilasaambwa nu muliru gwolomemo.

Isaya 16:6

Avandu vi Ivuyuda vavoola, “Kumali kuhulira kuli avandu va Moabu vaveeye avigingiri. Koveeye nilimanya ndi vaveeye nikirage kandi avelori; navuzwa lievoola liavo liveeye liavuzwa.”

Jeremia 49:16

Lielora liyinyu limali kumugaada. Avulaho mundu kali mulala utizanga munyi kali niiva muganaganaa vamutiizaa. Munyi mumenyaa muzimbangaywa ziezinyanda, igulu kukigulu; navuzwa kali niiva mwamenya igulu mwigulu kuli indizu, Yahova alamwikiza. Yahova amali kovora.”

Jeremia 8:8

Munyi munyalandi kovora muveeye avageri, kandi mwamanya amalago gange? Henza, avang'odi avataveeye avasuuvirifu vamali kugirung'anyia amalago kugwa ovovehi.

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Ezekieli 30:6

Yahova avoora, “Kutura Migidoli kolovega lwi Ivaale kuduuka Aswani kolovega lwi Isavaalu, avandu vakonya Egebeti vosi valakitirwi mu liihi ni kivavi. Iliihi liukwigingira lia Egebeti lilakadivizwi. Inzi Yahova Wuvunyali mali kovora.

Zefania 2:10

Nindio avandu vi kivala cha Moabu na Amoni valakanyore amageri kigira lielola kandi kilage harara ni ligemihiza lia vakolera vandu va Yahova Wuvunyali.