Jeremia 47:7 - KITABU KITAKATIFU

⁷ Navuzwa kivavi kinyala ndi kosoosa, lwa inzi mali kukiha miyinzi kokora? Inzi mali kukilaga kwingilira vandu va Ashikeloni kandi avandu vamenyi ku visulu.”

Jeremia 47:7 Iomraidhean Croise

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 13:3

Yahova umali kulanga kandi kulaga avasikari veve avizingulu kandi avatakatifu kulwaana liihi litakatifu nu kuhaana amageri ku yavo avaveeye navo nu vutima.

Isaya 37:26

“Ivi ukikiri kuhulira ndi ndalohiza yaga goosi kutura madiku ga kale? Na kalunu inzi mali kugadukiza. Ndakuha zinguru ukugirung'anyia madaala manene gizimbinga kugwa vitumi via mang'anye.

Jeremia 48:10

Alaamwe mundu utakola miyinzi ja Yahova nu mwoyo gwigwe gwosi! Kandi alaamwe mundu utiita ni kivavi.

Ezekieli 14:17

“Anoho niiva ndaleta iliihi ku kivala yiki nukutuma iviugi viu kudiviza vandu, harara ni zinyama,

Ezekieli 21:14

“Kalunu, Mwana wu Mundu, oporofete. Ukubage makono googo na kivavi kilatema haali kanyingi. Keveeye kivavi chitaa kitihizaa, kandi kisinzaa.

Ezekieli 21:30

“ ‘Viika kivavi muchura cha cho! Inzi ndamukalagira havundu hamwivulirwa, kandi mu kivala cha vaguuga viinyu.

Ezekieli 21:9

“Mwana wu Mundu, oporofete. Ovoolere avandu aga Inzi, Yahova mboraa, Kivavi, kivavi kimali kushagalwa kandi kehemahemaa.

Ezekieli 25:16

Inzi nandizaa ndi, ndingilira vandu va Filisitia nukuvadiviza. Ndadiviza vuli mundu uwatigala kukisulu chinyanza.

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Mika 6:9

Yahova avooreraa lidaala linene, vuveeye vulahi kutia lieta lia Yahova; “Huliri, O, ihiiri ni Livugana mu lidaala linene!

1 Samweli 15:3

Zia wingiliri avandu va Maleki na udivize ligali vindu viosi via vaveeye navio. Mutavalekela kindu kali kilala mba. Mwiite avasaza, avakali, avana vosi kandi avana vadoto vosi; zing'ombe, amagondi, zing'amia kandi zibunda ziosi.”