Jeremia 46:6 - KITABU KITAKATIFU

⁶ Yavo avanyagura vwangu si vanyara kwiruka mba; avasikari vanyara kohononoka mba. Mu kivala chi Ivaale, mu Efurate, vikigatiraa nu vaagwa.

Jeremia 46:6 Iomraidhean Croise

2 Avami 23:29

Lwa Josia yaali mwami, mwami Neko wa Egebeti yimilira liihi kuduuka ku mugera gwa Efurate kuzia kokoonya mwami wa Asiria kulwaana. Lwu mwami Josia yageriza kwigalira liihe lia vandu va Egebeti ha Megido, yamanya ni yitirwa mu vulwani.

2 Avami 24:7

Mwami wa Egebeti harara na vandu vi liihi lilie sivatura mu Egebeti kandi mba, kigira mwami wa Babiloni kalunu yaali nu vunyali ku zinzako ziosi ziali zia Egebeti, kutura ku mugera gwa Efurate kuduuka ivaale wu lwako lwa Egebeti.

Zaburi 27:2

Lwa vandu vadamanu vanzingilira nokogeriza kunzita, vikigitara nukugwa.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Isaya 8:15

Avanyingi valakikigitale; valagwi haasi nukusionolanywa. Valakagumilwi nu mutego.”

Jeremia 1:14

Hene yaho, Yahova yambolera, “Kivi kutura Ivaale kiladuuka ku avandu vosi avamenyi mukivala yiki,

Jeremia 20:11

Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 4:6

Muvuki muzie Ziyoni! Mwiruki muhonywe! Mutalindagira mba! Yahova aletaa kivi kandi ilidivizwa linene kutura Ivaale.

Jeremia 46:10

Yili nilidiku liu Mwami munene Yahova Wuvunyali: kalunu alavaanza kisaalia; kalunu alahaana amageri ku avasigu veve. Kivavi chiche kilavalia kuduuka lwa chizula, kandi kilanwa masahi gaavo kuduuka lwa chiguta. Kalunu Wuvunyali alahaana kisiuviriru mu kivala chi Ivaale ku mugera gwa Efurate.

Jeremia 46:12

Zihiiri zimali kuhulira zisoni zienyu; vuli umundu umali kuhulira nimulira. Musikari mulala yichigatira ku wundi ma vosi vaagwa.

Jeremia 46:16

Avasikari vinyu vamali kwikigatira ma vagwiyi; vuli mulala avolera wache, ‘Kola vwangu! Leka kuzie yengo ku avandu viitu ma kwiruki kutura mu likuza!’

Jeremia 50:32

Ihiiri yinyu yeliegingira niyikigatili ma nigwi, kandi sinaveho mundu kali mulala waza agivukizi mba. Inzi nasambe madaala ginyu, kandi nandivizi kindu choosi keveeye ahimbi.”

Jeremia 6:1

Avandu va Benjamini, mwiruki munyore lihonywa! Muhononoke kutura ku avandu va Jerusalemi! Mukubi kisiriva mu Tekoa kandi mwumbake kimanyiru chu muliru mu Bezi Hakeremi. Kivi ni liononyia viveeye ahimbi kuuza kutura Ivaale.

Danyeli 11:19

Mwami alakilane mu imbinga yu mu kivala chiche, navuzwa alakaguutwi, hene yaho kilakave keheri chiche.

Danyeli 11:22

Amahi galakadivizwi no kwononywa imbiri weve, kandi vasaalisi va malago valakatulizwi ho.