Jeremia 46:2 - KITABU KITAKATIFU

² kutanga ni zihiiri zia Egebeti. Yaga nigo agayavoola kigira iliihi liu mwami Neko uwa Egebeti, uwu mwami Nebukadineza wa Babiloni yaguutira ha Karikemishi himbi kumugera gwa Efurate. Gwaali mu muhiga gwa kane gwa Jehoyakimu yaali mwami wi Ivuyuda:

Jeremia 46:2 Iomraidhean Croise

2 Avami 18:21

Usuviraa Egebeti valaza kokohonyia, navuzwa galava kuli kutumikira kidundu kuli imbimbu yokogendela. Lwivunika ilakotoza mu mukono gugwo. Nindio kuli mwami wa Egebeti aveeye lwu mundu woosi amusuuvira nu kwiidila kuye.”

2 Avami 23:29

Lwa Josia yaali mwami, mwami Neko wa Egebeti yimilira liihi kuduuka ku mugera gwa Efurate kuzia kokoonya mwami wa Asiria kulwaana. Lwu mwami Josia yageriza kwigalira liihe lia vandu va Egebeti ha Megido, yamanya ni yitirwa mu vulwani.

2 Avami 23:33

Liamiiha lilie liahera lwu mwami Neko wa Egebeti yamuvugula kandi umuhambe ha Ribula, mu kivala cha Hamazi, ma nakora avandu vi Ivuyuda kutunga uvusuuru vwi zikilo 3,400 zie ifeza na zikilo 34 zie zahabu.

2 Avami 24:7

Mwami wa Egebeti harara na vandu vi liihi lilie sivatura mu Egebeti kandi mba, kigira mwami wa Babiloni kalunu yaali nu vunyali ku zinzako ziosi ziali zia Egebeti, kutura ku mugera gwa Efurate kuduuka ivaale wu lwako lwa Egebeti.

Isaya 10:9

Mali kuguuta amadara manene ga Kalino, Karikemishi, Hamazi, Aripadi, Samaria na Damasiko.

Isaya 19:1

Yili ni likuva kigira avandu va Egebeti. Yahova yaazaa mu Egebeti, naniini ku lilesi ligendaa vwangu. Vifananyi via vandu va Egebeti vasigamira, videgera imbiri weve, na avandu va Egebeti valakuza mioyo jaavo.

Isaya 19:19

Lwi ing'inga yeyo iduuka uvwali vwa Yahova vulava mu kivala cha Egebeti kandi munara gwi ligina gwa Yahova gulaviikwa kulwako lwa Egebeti.

Jeremia 25:1

Mu muhiga gwa kane ing'inga ya Jehoyakimu mwana wa Josia yaali mwami wi Ivuyuda, ndaanyoora likuva kutura ku Yahova kigira avandu vosi vi Ivuyuda. Yigu gwaali muhiga gwu kutanga lwa Nebukadineza yaali mwami wa Babiloni.

Jeremia 25:19

Avandu vandi avaanwa ku iwaini yiyi vaali: Mwami wa Egebeti, avatumikiri veve, avanene veve, avandu veve vosi

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 36:1

Mu muhiga gwa kane gwa Jehoyakimu mwana wa Josia yaali mwami wi Ivuyuda, Yahova yamoloma na inzi,

Jeremia 43:11

Nebukadineza alaza na alaguuta Egebeti. Avandu valagirwa likuza liuvulwaye vaza vakuzi kigira uvulwaye, yava avalagirwa kuzia ihale kuli avahambe navahirwi ihale kuli avahambe, yavo avalagirwa likuza mu vulwani navitirwi muvulwani.

Jeremia 45:1

Mu muhiga gwa kane lwa Jehoyakimu mwana wa Josia yaali mwami wi Ivuyuda, Baruki yang'oda aga inzi ndaali nimuvoleeye. Kunangwa ndaamuvolera

Jeremia 46:14

“Ulandizi mu madaala ga Egebeti, mu Migidoli, Mefisi na Tahapanesi: ‘Mwetegeke kwikinga munyi aveene; viosi viamuveeye navio viladivizilwa mu liihi!