Jeremia 44:1 - KITABU KITAKATIFU

¹ Yahova yamoloma ku inze kigira avandu vosi va Isiraeli avamenyaa mukivala cha Egebeti, mu madaala manene ga Migidoli, Tahapanesi, Mefisi kandi mukivala cha Pazirosi.

Jeremia 44:1 Iomraidhean Croise

Litanga 10:14

Pazurasi, Kasiluhi na ava Kerete ivisukulurwi via Vafilisitia vaatura ku.

Kutwula 14:2

“Volera avandu va Isiraeli viirane valombe hokososa imbiri wa Pihahirozi, hagati ha Migidoli ninyanza Inzakanyu, ahimbi Baali Zefoni.

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Isaya 19:13

Aviimiliri va Zoani na Mefisi vaveeye avasiru. Gavadukiraa kwimilira ihiiri navuzwa vagegotiza; Yavo avaveeye kuli amagina gu mukoona gi zihiiri ziavo vamali kogotiza avandu va Egebeti.

Jeremia 2:16

Yee, avandu va Mefisi na Tahapanesi vamali kwatanyia vihanga viavo.

Jeremia 24:8

“Navuzwa Zedekia mwami wi Ivuyuda, harara na avatumikiri veve, kandi na avandu vandi vosi avatigara mu Jerusalemi, avamenyi mukivala yiki anoho avaazia mukivala cha Egebeti, Inzi Yahova ndavakora vosi kuva kuli amakuyu gaveeye amadamanu ligali yaga, agatanyala kuliivwa mba.

Jeremia 43:13

Aladiviza minaara mitakatifu jiveeye ha Heliopolisi mu Egebeti kandi alasamba matemberi agavanyasaye va Egebeti.”

Jeremia 44:15

Maku avasaza vosi ava vakali vaavo vaahana visiuviliru ku avanyasaye vandi, kandi avakali vosi avaari nivasingiyi ahimbi, harara na avandu va Isiraeli avaamenyaa ha Pasirosi mukivala cha Egebeti, vosi kiduma kenene ligali vambolera,

Jeremia 46:14

“Ulandizi mu madaala ga Egebeti, mu Migidoli, Mefisi na Tahapanesi: ‘Mwetegeke kwikinga munyi aveene; viosi viamuveeye navio viladivizilwa mu liihi!

Jeremia 46:19

Mwetegeke kuva avahambe, munyi avandu va Egebeti! Mefisi lilakolwa changalangwi, amang'anye hu mundu atamenyaa mba.

Ezekieli 29:10

Inzi mbeeye musigu woovo kandi musigu wumugera gwa Naili. Ndakora kivala cha Egebeti choosi kuva mang'anye, kutura ku lidaala linene lia Migidoli ku lovega lwa Ivaale kuduuka ku lidaala linene lia Aswani kulovega lwi Isavaalu, kuduuka ku zinzako zia Ezopia.

Ezekieli 29:14

kandi ndakavaleke vamenye Isavaalu wa Egebeti, yengo wavo wukutanga. Valakave nu vwami vodedekere,

Ezekieli 30:13

Yahova Wuvunyali avoora, “Ndadiviza ivifananyi kandi avanyasaye vuvugadi mu Mefisi. Sialakaveho mundu kali mulala uwaza yamihi avandu va Egebeti mba, kandi ndakatiihizi avandu vosi.

Ezekieli 30:14

Ndakakole Isavaalu wa Egebeti kuva hazwa, kandi ndakasambe lidaala lia Zoani Ivaale. Ndakahaane mageri ku vandu vi lidaala linene lia Zebesi.

Ezekieli 30:16

Ndasamba kivala cha Egebeti, kandi avandu vi lidaala lia Pelusiamu valakave mu vuzunu. Madigi gi lidaala lia Zebesi galakagwi, kandi mazi galakizuli mu lidaala linene.

Ezekieli 30:18

Kisundi kilakakuniki Tahapanesi lwa ndakakole avandu va Egebeti kuva vugira zinguru kandi nokoheliza zinguru ziavakola kuva niligingira. Kisundi nakikuniki Egebeti, kandi avandu vamadaala gacho vosi navahilwi muvuhambe.

Hosea 9:6

Lwikivi kiduukaa, munyi vosi mulasalana, na vandu va Egebeti valamuvungiza harara, kandi valayavira miviri jinyu mu kivala cha Mefisi! Amafa kandi zindavati zilakunika mavikiru ginyu gi ifeza kandi zilakunika zinyumba zienyu zia mumenyaamu.