Jeremia 42:6 - KITABU KITAKATIFU

⁶ Kali gave amalahi ku kunyi anoho amadamanu, kulatia Yahova Nyasaye wiitu, uwa kunyi kokoteeva ukusaaliri kuye. Goosi galava malahi niiva kulatia Yahova.”

Jeremia 42:6 Iomraidhean Croise

Zaburi 128:2

Ulalia makuyu go logeli lulwo, ulasangala nokonyoora uvugasu.

Zaburi 78:36

Navuzwa amakuva gaavo gaali vuzwa ovovehi vwere; na choasi cha vavoola sichali cha agiligali mba.

Kutwula 24:7

Maku yavugula kitabu chililagana, ichang'odwa mu amalago ga Yahova, ma naagasoma vudinyu ku avandu. Vavoola, “Kulahulira Yahova kandi kulakola vindu viosi viamali kukulaga.”

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Jeremia 22:15

Gene yago, uyu kuva mwami mulahi ligali niiva alumbaka zinyumba zie misaala ji midaragwa zindahi ligali kuvita zia avandu vandi? Baba weve yaali ni limenya lilahi. Yaali wi likalaga lirungi kandi mulungi kazozo, kandi yagasizwa mu vindu viosi via yakola.

Jeremia 43:4

Kunangwa Johanani anoho mulala ku avanene vi liihi anoho mulala ku avandu sivalatia malago ga Yahova kutigala mu kivala chi Ivuyuda mba.

Jeremia 7:23

Navuzwa ndaavalaga vaduuki kutia inzi, kunangwa inzi nduuki kuva Nyasaye wavo navo vaduuki kuva avandu vange; kandi ndaavavoolera vamenye kuli wandaali nindaavalaga, kunangwa vaduuki komenya vulahi.

Varumi 7:13

Navuzwa yaga gamanyiaa ndi agaveeye malahi gaandetela likuza? Sigaveeye ndio mba! Vwali vwoni vwakola agene yaga; uvwoni vwavitira mu vulungi nivondeetera likuza kunangwa agiligali gu vwoni gaduuki kumanyikana kigira Lilaga. Nandio mu liiva lie Lilaga uvwoni vuduuki kumanywa ndi voveeye vudamanu ligali.

Varumi 7:7

Kunangwa, kunyala kovora ki, Lilaga liveeye liu vwoni? Si gaveeye ndio mba! Navuzwa liali Lilaga liakola inzi kumanya uvwoni ni ki. Kigira sindaali manye likayirwa vugira Lilaga kovora, “Utakayirwa mba.”

Varumi 8:7

Oyo wamiifwa ni zing'anagani ziu muviri aveeye musigu wa Nyasaye; siatizaa Lilaga lia Nyasaye, kandi sianyala kulitia mba.

Kwidzulitsa 5:27

Musa, yirana uzie yo kandi uhuliri goosi ga Yahova Nyasaye wiitu avoora. Maku wirane yinu okovolere goosi aga Yahova Nyasaye wiitu akovoleraa. Kulahulira nukugalinda.’

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Joshua 24:24

Kunangwa avandu zana vavoolera Joshua. “Kunyi kulasigamira Nyasaye wiitu, yeng'ine vuzwa. Kulahulira malago geege goosi.”