Jeremia 42:5 - KITABU KITAKATIFU

⁵ Maku avandu vosi vambolera, “Yahova ave muloli wa agiligali kandi musuuvirifu ku kunyi niiva sikulatia amalago goosi aga Yahova Nyasaye wiitu ahaanaa ku ivi kigira kunyi.

Jeremia 42:5 Iomraidhean Croise

Litanga 31:50

Labani yaazizagilira kovora, “Niiva alakolera vakana vange vudamanu anoho oleete vakali vandi komeeda ku vakana vange, kali niiva sindavula kumanya, wizulizi ndi Nyasaye aveeye muloli hagati hiitu.

Kutwula 20:19

Vavoolera Musa, “Niiva ulamoloma ku kunyi, kulahuliriza; navuzwa koveeye nuvuti ndi niiva Nyasaye alamoloma ku kunyi kulakuza.”

Kutwula 20:7

“Mutatumikiri lieta liange vuzwa mba, kigira Inzi, Yahova Nyasaye winyu, ndahaana amageri ku mundu woosi utumikira lieta liange vudamanu.

Jeremia 42:20

ndi, munyi mumali kweletera uvudinyu Mwandeva musaliri ku Yahova Nyasaye wiitu kandi mwalaga ndi mulakola goosi agamulaga.

Jeremia 43:2

maku Azaria mwana wa Hoshaya na Johanani mwana wa Karea na avandu vandi vosi vikirage vambolera, “Ivi ovoraa vovehi. Yahova Nyasaye wiitu siatumi ivi okovolere kuvuli kuzia komenya mu Egebeti mba.

Jeremia 43:4

Kunangwa Johanani anoho mulala ku avanene vi liihi anoho mulala ku avandu sivalatia malago ga Yahova kutigala mu kivala chi Ivuyuda mba.

Jeremia 5:2

Kali niiva muvooraa musigamira Yahova, simukola agagiligali mulimusigamira liinyu mba.

Mika 1:2

Muhuliri yaga munyi zihiiri ziosi; hulirizi ku amakuva yaga, vosi avamenyi ku lirova! Yahova Wuvunyali alava mulolekizi ku vindu vidamanu via mwakora. Muhuliri! Yahova amolomaa kutura mu litembeli lilie Litakatifu.

Malaki 2:14

Muteeva, “Kigira ki navula kuvivugilira?” Kigira yamanya vulahi ndi wavunaga malago ku, mukali wa waleeta nukikiri musoleri. Yaali mukali woovo kandi wavunaga lilagana liilio kuye, kali niiva walagana imbiri wa Nyasaye ndi ulava musuuvirifu kuye.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Varumi 1:9

Nyasaye wa inzi ndumikiraa numwoyo gwange gwosi mu Iilwaza Ivangeri yu Mwana weve, aveeye mulolekizi wange ku gambolaa kigira gaveeye giligali. Nyasaye amanyi vulahi ndi inzi nzizuliza munyi vuli kazozo.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 3:14

“Ng'odera engelosi wi likanisa liveeye mu Laodikia: “Yaga nigo makuva kutura ku Amini, umulolekizi umusuuvirifu nu wi ligali, oveeye uvutangiliru vwi vilombe viosi via Nyasaye yalomba.

Vakalagi 11:10

Vaamuvolera, “Kunyi kuvugiliiyi. Yahova nu muloli wiitu.”

1 Samweli 12:5

Samweli yavavolera, “Yahova kandi mwami wamali kotovola vaveeye avaloli lidiku lia lero ndi munyi si munyooye nimbara mba.” Vativura nivavoola, “Yee, Yahova aveeye muloli wiitu.”

1 Samweli 20:42

Maku Jonazani yavolera Daudi, “Nyasaye ave na ivi. Yahova alalola ndi ivi na inzi, ni visukululwi vivio kandi viange vilaliinda lilagana litakatifu lia kumali kwisuhizanira.” Ahene yaho Daudi yatura nazia, kandi Jonazani yirana mu lidaala.