Jeremia 42:2 - KITABU KITAKATIFU

² ni vavoola, “Mwaza yaanza okole agakokoteeva! Ukusaviri ku Yahova Nyasaye wiitu. Ukusaaliri kunyi vosi avamali kutigala. Mulitanga kwaali avanyingi, navuzwa kalunu koveeye vuzwa avakeekeke avatigara kutura mu avanyingi, kuli ivi mwene ololaa.

Jeremia 42:2 Iomraidhean Croise

1 Avami 13:6

Mwami Jeroboamu yavolera muporofeti, “Mwaza salira ku Yahova Nyasaye woovo, na umuteeve ahonyie mukono gwange!” Muporofeti zana yasaala ku Yahova, nu mukono gwu mwami gwahonywa.

Zaburi 119:170

Huliriza ku lisaala liange, na ombonyie kolondekana ni lisuuviriza liilio!

Kutwula 8:28

Mwami yavoola, “Ndamuleka muzie kuhaana visiuviliru ku Yahova, Nyasaye winyu, mwigendanyama, niiva simulazia ihaale mba. Musaliri ku.”

Kutwula 9:28

Musaale ku Yahova! Lihiligana linene lienguba kandi imbura ya magina viduuchi! Inzi musuuviriza ndi ndaleka muzie. Simulava hano kandi mba.”

Isaya 1:15

“Lwa mugingaa makono ginyu igulu mu lisaala, sindamuheenza mba. Kali ni musaala kuli ndi, inzi sindahuliriza kali hakuzu mba, kigira amakono ginyu gizuyi amasahi.

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 37:4

Mwami wa Asiria utumi mwimiliri wa vatumikiri veve kuuza konyega Nyasaye oveeye mwoyo. Yahova Nyasaye woovo ahuliri manyego yaga ma ahaane mageri ku yavo avagamolomi. Kunangwa usaale ku Nyasaye kigira avandu viitu avatigara mwoyo.”

Isaya 42:20

O, munyi avandu va Isiraeli, muveeye ni zimoni kolola, navuzwa simulolaa mba. Muveeye na amatu kuhulira, navuzwa simuhuliraa mba.”

Jeremia 15:11

O, Yahova, viramo viavo viosi vive via agiligali niiva si ndaakutumikira vulahi mba, kandi niiva si ndaagoonya ivi mu vogono vwa avasigu vange vaali mu vudinyu kandi mu kivi.

Jeremia 2:27

Munyi vosi mulavikwa mu zisoni, munyi avavoora ndi umusaala goveeye kuli baba winyu, kandi lwanda loveeye mama winyu. Yaga galakoleka kigira mwagirung'ana kuzia ihale kutura ku inzi havogono hukugirung'ana nu kuza ku inzi. Navuzwa lwa muveeye mu vudinyu, muteeva inzi kuza nu kumuhonyia.

Jeremia 21:2

“Nuyanza okomolomere ku Yahova, kigira mwami Nebukadineza harara ni liihi lilie vakumbiriza lidaala. Hawundi Yahova alakokolera kilala ku vilolekizu vivie na akole Nebukadineza aleke.”

Jeremia 36:7

Namusia valasaala ku Yahova kandi valagirung'ana kutura kuzinzira ziavo zindamanu, kigira Yahova umali kutihiza avandu yava nu vutima vwivwe vonene ligali.”

Jeremia 37:20

Navuzwa kalunu, Wuluyali, inzi ngogonya umbuliri kandi okole agandeevaa. Mwaza nuyanza utambira kandi mu vuhambe munyumba ya Jonazani mba. Niiva ulakola ndio, gaveeye giligali ndakuzilayo.”

Jeremia 37:3

Mwami Zedekia yatuma Jehukali mwana wa Shelemia kandi musaalisi Zefania mwana wa Maaseia koteeva inzi saale ku Yahova Nyasaye wiitu kigira avandu vihiiri yitu.

Jeremia 38:14

Mwami Zedekia yatumana nzie kuye ha vwingiliru vwa kavaga vwi Litembeli lia Yahova. Mwami yambolera, “Ndakoteeva liteeva, na nyenya ombolere agiligali.”

Jeremia 40:15

Kunangwa Johanani yamoloma kuye mu vwivisu, “Leka nzie kwita Ishimaeli, na mundu kali mulala si alamanya uwakola gene yago mba. Kigira ki avugilirwi kukwita? Yaga galakola Avayuda vosi havamali kwivungikiza nukukukumbiliza vasalane, kandi galaleta kivi ku avandu vosi vatigara mu Ivuyuda.”

Jeremia 42:20

ndi, munyi mumali kweletera uvudinyu Mwandeva musaliri ku Yahova Nyasaye wiitu kandi mwalaga ndi mulakola goosi agamulaga.

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Ezekieli 12:16

Ndaleka vakekeeke kuvo vahononoke kutura muliihi, inzara kandi muvulwaye. Uwene yeyo mu zihiiri, navamanyirizi kuli vikolwa viavo viukuvihiliriza vimali kuva, kandi navamanye ndi inzi mbeeye Yahova.”

Hosea 8:10

Navuzwa kalunu inzi ziza kuvavungiza harara kandi ndavaha mageri. Nonoho navave muvuzunu, lwa munene wa Asiria naavadambizi.

Kyavalevi 26:22

Ndatuma zinyama zinduru hagati hinyu na zilita avana vinyu kandi ziladiviza mitugu jinyu. Zilamukola mutigale avakeekeke ligali kali zinzira zienyu zilatigala zinzere.

Amosi 7:2

Mu malola gange, ndalora zisigi nizilizaa vuli kindu choosi ichaali nikivirukaa chi irangi yu vulimu ku kivala maku ndaavora, “Yahova Nyasaye Wuvunyali, yaanza usamihi avandu vovo Isiraeli! Vanyara kohona ndi? Vaveeye vakekeeke kandi vadekere!”

Matayo 24:22

Navuzwa Nyasaye umali kwimbihiza amadiku yago. Alavula kokora ndio, ngano sihaveeyeho nu mundu woosi uwakahoni mba. Navuzwa kigira avatovole veve, Nyasaye alakimbihiza madiku yago.

Vikolwa 8:24

Simoni yativura navoora, “Mugoonyaa mwaza musaliri ku Mwami, kunangwa ivindu via muvooraa yivi vitangwira kali kilala mba.”

Kwidzulitsa 28:62

Kali ni muliiva avanyingi kuli zing'ereng'ani muvwerefu ni vakekeeke vuzwa ku munyi avalihononoka, kigira mwavura kuhulira Yahova Nyasaye winyu;

Kwidzulitsa 28:63

kandi galava, kuli gayaanziza Yahova kumukolera vulahi mu lizizagilira nokumukola muve avanyingi, kandi ndio galamuyaanziza mu livadiviza kandi mu lileeta kivi kumunyi. Mulatulizwa mu kivala cha muveeye ahimbi kwidikira mu.

Kwidzulitsa 4:27

Yahova alamusalanyia hagati hi zihiiri zindi, uwa avakeekeke vuzwa ku munyi valatigala mwoyo.

Yakobo 5:16

Kunangwa, mwiyamirane uvwoni vwinyu aveene naveene kandi musaalirane aveene naveene, ku muduuki kohonywa. Lisaala liu umundu umulungi likonya ligali mu likora lie zinguru lialio.

1 Samweli 12:19

kandi vavoolera Samweli, “Mwaza kusaaliri ku Yahova Nyasaye woovo, kunangwa kunyi avatumikiri vovo kuvuli kukuza. Kalunu kumanyi ndi, komeeda ku vwoni vwitu vundi vwosi, kwakora uvwoni ku liteeva koheevwe mwami.”

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.

1 Samweli 7:8

kandi vavoolera Samweli, “Zizagilira kwanira ku Yahova Nyasaye wiitu aduuki kukohonyia kutura ku vandu va Filisitia.”