Jeremia 41:2 - KITABU KITAKATIFU

² Ishimaeli harara navandu likomi, vaavugura vivavi niviita Gedalia.

Jeremia 41:2 Iomraidhean Croise

2 Samweli 3:27

Lwa Abineri yaduuka mu Heburoni, Joabu yamuhira halovega ha kirivwa, kuli uwenyaa komoloma naye mu mambisu, na uwene yeyo yaamutooza munda. Nandio Abineri yitwa kigira naye yita Hazaeli amwavo Joabu.

2 Avami 25:25

Navuzwa mu mweli gwa saba gwu muhiga yigwo, Ishimaeli muyaayi wa Nezania, mwisukulu wa Elishama, waali mulala ku vinyumba yu vwami, yazia Mizipa na vasaza likomi, niyingilira Gedalia nu kumwiita. Yita kandi Visiraeli na Vababilonia avaari yo harara na Gedalia.

Zaburi 109:5

Vandungaa uvudamanu ku vulahi vwa mbakoleraa, kandi vandungaa uvudunyi mbogono vwuvuyanzi vwange vwa mbakolera.

Zaburi 41:9

Kali mulina wange mulahi ligali, uyu wandasuuvira kuvita vosi, uyu usangaa chukulia ninzi, umali kungirung'ana ugingi iliichi lilie ku inzi.

Jeremia 40:14

nivamuvoolera, “Si umanyi ndi mwami Baalisi wa Amoni amali kutuma Ishimaeli yaaze kukwita?” Navuzwa Gedalia siyaasuuvira mba.

Jeremia 40:16

Navuzwa Gedalia yativura, “Utakola ndio mba! Aga ovola kigira Ishimaeli sigaveeye giligali mba!”

Jeremia 40:5

Lwa ndaavura kuhaana mativuli, Nebuzaradani yavoola, “Wilana ku Gedalia, mwana wa Ahikamu kandi mwisukulu wa Shafani, uwu mwami Babiloni amali kokora umwamihi ku madaala gi Ivuyuda. Nuwenyi unyala komenya naye kandi omenye na avandu vovo, anoho unyala kuzia hoosi ha uganagana.” Kunangwa yamanya niyamba kihanwa niviukulia vilala ng'ingi, ma naleka ninzia.

Jeremia 40:7

Aviimiliri valala vi Ivuyuda na avasikari vaali nivakikiri kwihana ku vandu va Babiloni. Kunangwa vahulira ndi mwami wa Babiloni amali kokora Gedalia umwamihi wi kivala kandi amukoli kuva mwamihi wa yavo vosi avavura kuhilwa Babiloni, avandu vaali avadaka ligali vi kivala yicho.

Jeremia 40:8

Kunangwa Ishimaeli mwana wa Nezania, Johanani mwana wa Karea, Seraya mwana wa Tanihumezi, avana va Efai kutura Netofa na Jezania kutura Maaka vazia na avandu vaavo ku Gedalia ha Mizipa.

Jeremia 41:3

Ishimaeli kandi yita vandu va Isiraeli vosi avaari na Gedalia ha Mizipa na avasikari va Babiloni avaari nivaveeye hene yaho.

Yohana 13:18

“Yaga simbolanga ku munyi vosi mba. Inzi ndaamanya yavo avandatovola. Navuzwa gaduukanaa gadukizwi kuli Amang'oda Matakatifu gavoora, ‘Oyo waalia harara nainzi ugirung'ani kuva musigu wange.’