Jeremia 41:1 - KITABU KITAKATIFU

¹ Mu mweli gwa saba mu muhiga yigwo, Ishimaeli mwana wa Nezania mwisukulu wa Elishama, mulala ku avinyumba yu vwami kandi mulala ku vatumikiri avanene vu mwami vazia Mizipa harara numuganda gwa avandu likomi kolola Gedalia. Ing'inga lwa vaali nivaliiza chukulia harara,

Jeremia 41:1 Iomraidhean Croise

2 Samweli 3:27

Lwa Abineri yaduuka mu Heburoni, Joabu yamuhira halovega ha kirivwa, kuli uwenyaa komoloma naye mu mambisu, na uwene yeyo yaamutooza munda. Nandio Abineri yitwa kigira naye yita Hazaeli amwavo Joabu.

2 Avami 11:1

Nonoho, lwa Azalia, mama wu mwami Ahazia yamanya ndi muyaayi weve ukuzi, yahaana malago ndi avinyumba yu vwami vosi kuduuka viitwi.

2 Avami 25:22

Mwami Nebukadineza wa Babiloni yakola Gedalia, muyaayi wa Ahikamu, mwisukulu wa Shafani, ave mwamihi wi Ivuyuda, kandi namuviika yamihi yavo vosi avavura kuhilwa Babiloni.

2 Avami 25:25

Navuzwa mu mweli gwa saba gwu muhiga yigwo, Ishimaeli muyaayi wa Nezania, mwisukulu wa Elishama, waali mulala ku vinyumba yu vwami, yazia Mizipa na vasaza likomi, niyingilira Gedalia nu kumwiita. Yita kandi Visiraeli na Vababilonia avaari yo harara na Gedalia.

2 Kyetsinyinga 22:10

Nonoho lwa mama wu mwami Ahazia yahulira iliitwa liu muyaayi weve, yahaana malago ndi avinyumba yu vwami vwi Ivuyuda vosi viitwi.

Zaburi 109:5

Vandungaa uvudamanu ku vulahi vwa mbakoleraa, kandi vandungaa uvudunyi mbogono vwuvuyanzi vwange vwa mbakolera.

Zaburi 41:9

Kali mulina wange mulahi ligali, uyu wandasuuvira kuvita vosi, uyu usangaa chukulia ninzi, umali kungirung'ana ugingi iliichi lilie ku inzi.

Tsing'ano 13:10

Liegingira si liletaa kindu, navuzwa liletaa vudinyu. Voveeye vulahi kwenya miigizu.

Tsing'ano 27:4

Uvutima voveeye vululu kandi lidiviza, navuzwa si kiveeye kindu ni voleng'anywa nembodoka mba.

Jeremia 36:12

yazia munyumba yu vwami, mukeng'oze chu mung'odi, uwa avanene vosi vaali ni viikaye: Elishama, mung'odi wu mugizi, Delaya mwana wa Shemaya, Elinazani mwana wa Akibori, Gemaria mwana wa Shafani, Zedekia mwana wa Hanania kandi harara na avanene vandi vosi.

Jeremia 36:20

Kunangwa, avanene mu keng'oze cha Elishama, uwaali mung'odi mu mugizi, nivaviika ikaratasi ilingiywi yavaali nayo mu keng'oze cha Elishama, ni vazia mu mugizi gwu mwami, nivavolera mwami makuva goosi.

Jeremia 39:14

vambugura kutura mu mugizi gwu mulindi wi inyumba yu vwami, ma nivambiika hasi hu vulindi vwa Gedalia, mwana wa Ahikamu, mwisukulu wa Shafani. Gedalia yalora ndi inzi nzie yengo nu murembe. Kunangwa ndaamenya uwene yeyo hagati ha avandu.

Jeremia 40:13

Inyima wa yaga, Johanani na aviimiliri vavasikali avaari nivakikiri kwihana ku vandu va Babiloni vaza ku Gedalia ha Mizipa

Jeremia 40:5

Lwa ndaavura kuhaana mativuli, Nebuzaradani yavoola, “Wilana ku Gedalia, mwana wa Ahikamu kandi mwisukulu wa Shafani, uwu mwami Babiloni amali kokora umwamihi ku madaala gi Ivuyuda. Nuwenyi unyala komenya naye kandi omenye na avandu vovo, anoho unyala kuzia hoosi ha uganagana.” Kunangwa yamanya niyamba kihanwa niviukulia vilala ng'ingi, ma naleka ninzia.

Jeremia 40:6

Ndaazia komenya na Gedalia mu Mizipa harara na avandu vaatigara mukivala.

Jeremia 40:7

Aviimiliri valala vi Ivuyuda na avasikari vaali nivakikiri kwihana ku vandu va Babiloni. Kunangwa vahulira ndi mwami wa Babiloni amali kokora Gedalia umwamihi wi kivala kandi amukoli kuva mwamihi wa yavo vosi avavura kuhilwa Babiloni, avandu vaali avadaka ligali vi kivala yicho.

Jeremia 40:8

Kunangwa Ishimaeli mwana wa Nezania, Johanani mwana wa Karea, Seraya mwana wa Tanihumezi, avana va Efai kutura Netofa na Jezania kutura Maaka vazia na avandu vaavo ku Gedalia ha Mizipa.

Ezekieli 17:13

Yavugula mulala ku vandu vi inyumba yu Mwami, nalomba Lilagana naye kandi naamwisuuhiza. Yavugula avamihi vi kivala yiki naavahira ihale.

Yohana 13:18

“Yaga simbolanga ku munyi vosi mba. Inzi ndaamanya yavo avandatovola. Navuzwa gaduukanaa gadukizwi kuli Amang'oda Matakatifu gavoora, ‘Oyo waalia harara nainzi ugirung'ani kuva musigu wange.’