Jeremia 4:31 - KITABU KITAKATIFU

³¹ Ndaahulira ililira kuli liu mukali oveeye mulilumwa liu mwana, ndaahulira iliayura kuli mukali wivuraa mwana weve wukutanga. Liali lilira lia avandu va Jerusalemi vaagamuraa imvika, nivanyiraa imikono jiavo nivavoora, “Kumali kudiva! Vazaa kunzita!”

Jeremia 4:31 Iomraidhean Croise

Litanga 27:46

Rabeka yavolera Isaka, “Inzi mbihirirwa na vakali avageni vi kivala cha Hiti. Niiva Yakobo alaleeta mukali mulala ku vakali yava, vwakaveeye vulahi inzi kukuza.”

Ayubu 10:1

Mwoyo gwange guluhi nilimenya. Ndamoloma havulavu kigira lielilira liange, kandi ndamoloma nu vutima vwu mwoyo gwange.

Zaburi 120:5

Komenya hagati hinyu koveeye vudamanu ligali kuli komenya mu Mesheki anoho komenya hagati havandu va Kedari.

Isaya 1:15

“Lwa mugingaa makono ginyu igulu mu lisaala, sindamuheenza mba. Kali ni musaala kuli ndi, inzi sindahuliriza kali hakuzu mba, kigira amakono ginyu gizuyi amasahi.

Isaya 13:8

Vosi valava nu uvuti kandi valava nu vuzunu, kuli mukali aveeye mu vuzunu vwililumwa liu mwana. Vuli mundu alahenza wache nuvuti, kandi valava mu zisoni.

Isaya 21:3

Aga ndalora nukuhulira mu malola gamali koleta uvuti vonene kandi uvuzunu vwizuli mu inzi; uvuzuunu vululu kuli vwu mukali oveeye mu lilumwa liu kwivura.

Isaya 26:17

O, Yahova, ivi okoli kunyi kuliri vudinyu, kuli mukali aliraa mu vuzunu mu lilumwa liu mwana.

Isaya 42:14

Nyasaye avoora, “Ndakahiring'ana ku ing'inga indambi, si ndahaana amativuli ku avandu vange mba. Navuzwa kalunu ing'inga yekekolwa imali kuduuka; ndiraa vudinyu kuli mukali oveeye mu lilumwa liu kwivura umwana.

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Jeremia 10:19

Avandu va Jerusalemi vanira, “Kunyi kusaliriziywi vululu ligali! Zingwago zietu sizinyala kohona mba. Kwaganagana ndi yiki nikindu chakunyala kwikuzira kucho!

Jeremia 13:21

Mulakavoole ki lwa avandu va mwaganagana vaveeye avalina vinyu vamuguuta nukukwamiiha? Mulakave muvuzunu kuli vwumukali yenya kwivura.

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 15:18

Kigira ki inzi nzizagiliranga kusalira? Kigira ki zingwagu ziange sizinyala kohonywa? Kigira ki ziasula kohona? Ivi otovooye ligali kokora inzi kuva nu vutima kuli umugera gwa mazi ugukamanga zing'inga ziu mbasu?”

Jeremia 18:21

Navuzwa kalunu, Yahova, oleke avana vaavo vakuzi kigira inzara; oleke vakuziri mu liihi. Oleke avakali vagotizi avasaza vaavo navana; oleke avasaza vakuzi kigira uvulwaye kandi avasoleri vakuziri mu vulwani.

Jeremia 22:23

Mumenyaa mu mirembe mu zinyumba ziumbakwa ni midaragwa kutura Lebanoni; navuzwa mulaverera lwa munyoora vuzunu kuli vwu mukali ulumwaa.

Jeremia 30:6

Kalunu uganaganeku yaga! Musaza anyala kwivura mwana? Kigira ki ndolaa vuli musaza uviiki makono kunda yeeye kuli mukali oveeye mulilumwa lielivula? Kigira ki vuli mundu aveye novoveleli mumoni?

Jeremia 45:2

ndi, Yahova, Nyasaye wa Isiraeli, yaali navooye, “Baruki,

Jeremia 48:41

amadara kandi zimbinga zilagumilwa. Ku lidiku liene yilio, avasikari va Moabu valatiihizwa kuli umukali oveeye mu lilumwa liumwana.

Jeremia 49:22

Musigu na yingiliri avandu va Bozira kuli indizu yika hasi nivavambalizi zimbaha. Ku lidiku yilio avasikari va Edomu navatihizwi kuli mukali oveeye mulilumwa liu mwana.”

Jeremia 49:24

Avandu va Damasiko vaveeye vadedekere kandi vamali kwiruka mu uvutihizi. Vaveeye muvuzunu kandi mu kivi kuli mukali oveeye mulilumwa liu mwana.

Jeremia 50:43

Mwami wa Babiloni uhuliyi makuva mageni, kandi makono geege sigaveeye nizinguru kali hakuzu mba. Umali kugumirwa muvuzunu, uvuzunu kuli vwumukali oveeye mu lilumwa liu mwana.

Jeremia 6:2

Lidaala lia Ziyoni liveeye lilahi navuzwa lilakadivizwi;

Lisyoma lya Jeremia 1:17

Muporofeti avoora: “Avandu va Ziyoni vaanyiira makono gaavo valeminywe mwoyo, navuzwa si yaliho mundu waali anyala kuvaleminya mwoyo mba. Yahova amali kulaga ndi visukululwi via Yakobo vave avasigu vaavo. Jerusalemi imali kugwa kindu kifunyaa vugundu hagati haavo.”

Lisyoma lya Jeremia 1:20

“Henza, O, Yahova, kigira koveeye mu kivi, kunyi koveeye muvudinyu; mioyo jietu jimali kukuza kigira kumali kugwa avibaali ku ivi ligali. Muzinzira zie lidaala linene avandu vitiywi ni vivavi; kali mu zinyumba, likuza liveeye mu.

Lisyoma lya Jeremia 2:21

Avasoleri kandi avasaakulu vaagoni avakuzu mu luguchi lwa madaala manene. Avayaayi kandi avakaana vamali kwitwa ni vivavi via vasigu. Ivi wavita mulidiku liilio liu vutima; umali kuvasinza vugira kuvavererera.

Hosea 13:13

Munyi muveeye mu vuzunu kuli vwu mukali ulumwaa. Navuzwa mwana uyu aveeye vugira limanyiriza; lwa ing'inga iduuka yu kwivulwa mwana uyu si yenya kutura munda mwa mama weve mba.

Mika 4:10

Uzizagiliri kokenya nukukuba zikwiri, avandu va Jerusalemi, kuli mukali wiivula, kulwakalunu mulatula mu lidaala linene nokomenya ichova mukivala chere. Mulazia mu kivala cha Babiloni, navuzwa Yahova alamukinga ku avasigu vinyu.

Mika 4:9

Kigira ki mwaniraa vudinyu ligali? Kigira ki mukubaa kivi kuli mukali oveeye mulilumwa liumwana? Gaveeye kigira simuveeye nu mwami, na aviideri vinyu vaakuza?

Mika 7:1

O, vayaayi, kivi keveeye ku inzi! Mbeeye kuli mundu oveeye ninzara uvula konyoora amakuyu gukwagula ku misaala kandi amazabibu ku mizabibu. Viganda via mazabibu malahi viosi kandi makuyu gumwayu aganyenyaa goosi gamali kwagurwa.

Matayo 21:5

“Muvoolere lidaala lia Jerusalemi, Henza, mwami woovo yazaa ku ivi! Aveeye muhooma kandi aniini ku isukiri, kemoli chibunda.”

1 Vakorintho 9:16

Inzi simbeeye nu vunyali kwiyizominya vuzwa kigira nzilwazaa Ivangeri mba. Kali ndio, inzi mbeeye hasi ha malago kokora ndio. Kivi kenyoole niiva sindiilwaza Ivangeri!

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.