Jeremia 4:28 - KITABU KITAKATIFU

²⁸ Avandu valasioma; ligulu lilava kisundi. Yahova umali kovora kandi sialagirung'anyia zing'anagani zizie mba. Umali kolomba likalaga lilie kandi sialagirung'ana mba.

Jeremia 4:28 Iomraidhean Croise

Isaya 24:4

Lirova liumaa nukuniala; Lirova liosi lidedekeraa; Lirova niligulu, viombi vigundaa.

Isaya 34:4

Liuva, mweli, ni zing'ereng'ani zilavunguluka hasi ku lirova. Ligulu liliringa kuli likaratasi liringangwa, kandi zing'ereng'ani zilagwa hasi kuli amatu ga makuyu anoho misaala ja makuyu.

Isaya 5:30

Lwa lidiku yilio liliduuka, zilahumira Isiraeli vudinyu ligali kuli lihuma lie inyanza eveeye nu vutima. Henza ku kivala yiki! Kisundi ni kivi! Uvulavu vukunikiywi ni kisundi.

Isaya 50:3

Nyara kukunika iligulu ni kisundi kuli wiviki inguvu yi ligunia ing'inga yu kusioma.”

Jeremia 12:11

Vamali kokekola ligendanyama; keveeye hazwa imbiri wange. Kivala choosi chaagwa changalangwi, siaveeyeho kali mulala okehendera mwoyo mba.

Jeremia 12:4

Kivala chietu kiluma nuvunyasi kuniara muvuli mulimi kuduuka ing'inga ki? Zinyama na manyonyi vikuza kigira uvudamanu vwa avandu viitu, avavoora, ‘Nyasaye sialola ichakokoola mba.’ ”

Jeremia 14:2

“Avandu vi Ivuyuda vasioma; avandu va madaala manene gi Ivuyuda vakuza, avandu va madaala yaga vaagoni hasi ku marova mu vovereri; kandi avandu va Jerusalemi vanira ovokonyi!

Jeremia 23:10

Kivala chayizula avandu vataveeye avasuuvirifu ku Yahova; vamenya limenya liuvuchamu kandi vatumikira zinguru ziavo vudamanu. Avandu vi kivala vasioma kandi uvwayilu vwayuma kigira kilaamo cha Yahova.

Jeremia 23:20

kandi sikililekera mba kuduuka lwa alikola goosi agaganagana kokora. Mumadiku gaaza avandu valakamanyirizi yaga vulahi.”

Jeremia 30:24

Uvutima vwa Yahova vululu sinavugirung'ane mba kuduuka lwa naduukizi ilienya liezing'anagani zizie. Mumadiku gaaza mulakamanye yaga.

Jeremia 51:12

Muhaane kimanyiru chu kwingilira amadigi ga Babiloni. Mukore avasikari kuva ni zinguru! Muvatumi vazie kogoneka nu kuvingilira!” Yahova amali kokora aga yavoola alakola ku avandu va Babiloni.

Jeremia 7:16

Yahova yavoola, Jeremia, “Utasaalira avandu yava mba, utavalirira kinga kusaalira kuinzi mu vogono vwavo mba; utavagoonyera ku inzi mba, utagonya inzi kigira yavo mba, kigira si ndakuhulira mba.

Lisyoma lya Jeremia 2:17

Yahova amali kokora aga yatihiza, kuduukiza. Amali kudiviza vugira kokovererera kuli yaakwiganihiza zing'inga zia kale. Yaaha avasigu viitu liguuta kandi yavakoli kusangalira liigwa lietu.

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Hosea 4:3

Kandi ndio kivala kiluma, kandi kindu choosi kemenya mu kivala kilakakuzi. Zinyama ziosi, manyonyi gumuvwerefu, kandi kali zisuzi ziu mu inyanza vilakakuzi.”

Joeli 1:10

Imilimi jiveeye imiere; na avandi vasioma kigira vuswage vwononyiywi, ni mizabibu jumi kandi misaala ja mizeituni jiniaye.

Zekaria 8:14

Yahova Wuvunyali avoora, “Lwa vaguuga vinyu vaanomba kuva nu vutima, ndalohiza kuvaletera kivi, kandi sindagirung'anyia zing'anagani ziange mba, navuzwa ndakora kuli ndalohiza.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Matayo 27:45

Kutura zisa sita kuduuka zisa tisa zia mbasu, kisundi chakunika kivala choosi.

Marko 15:33

Kutura saa sita zia mbasu kuduuka saa tisa, ikisundi chakunika ikivala choosi.

Luka 23:44

Yaali ahimbi saa sita zia mbasu, kisundi kenene chaduuka mu kivala choosi, kuduuka saa tisa.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 1:9

Nyasaye yakuvuulira agaviswa guvulaliri vwivwe, kolondekana ni lilohiza lilie lilahi lia ya saaviraa kokora kuvitira mu Kristo.

Vahebraina 7:21

Navuzwa Yeso yakolwa musaalisi munzira yi liesuuha lwa Nyasaye yamuvolera, “Mwami umali kolomba lisuuvirizwa liu kwisuuha kandi sialagirung'anyia zing'anagani zizie mba: ‘Ivi ulava Musaalisi mihiga ni mihiga.’ ”

Likunula 6:12

Ndaalora kandi Mwana wi Ligondi navoholora umuhuri gwa sita, na henza liali ho lidegera linene kandi liuva liamwama kuli ligunia lialombwa ku uvwoya uvumwamu, nu umweli gwosi gwakanya kuli amasahi.

1 Samweli 15:29

Nyasaye Wuvunyali, wa Isiraeli siaveehaa kandi siagirunganyia zing'anagani zizie mba. Siaveeye mundu kandi sianyala kugirung'anyia zing'anagani zizie mba.”