Jeremia 4:22 - KITABU KITAKATIFU

²² Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 4:22 Iomraidhean Croise

Litanga 39:16

Maku yavika inguvu ya Josefu kuduuka lwu munene weve yaza.

2 Samweli 13:3

Amunoni yaali numulina weve uwalangwa Jonadabu, muyaayi wa Shemedi, amwavo Daudi. Jonadabu yaali mundu mugalama ligali.

Zaburi 36:3

Amakuva geege gaveeye amachamu kandi gu vugadi, siakolaa agovogeri mba, anoho amalahi mba.

Zaburi 36:4

Alombaa lilohiza liu uvudamanu lwa agonaa ku kidali chichie; ichakolaa choosi sikeveeye kilahi mba, navuzwa akolaa uvudamanu vuli kazozo.

Zaburi 53:4

Nyasaye ateevaa; “Avandu yava vamanya? Avandu vakora vudamanu yava vaveeye vugira limanya? Vaveeye mwoyo kigira vanura avandu vange, kandi sivasaala ku inzi mba.”

Zaburi 82:5

“Munyi simumanyi kindu kali kilala kandi simumanyirizaa mba! Munyi mugendaa mu kisundi chi ligota, misingi josi ji lirova jidegeriziywi!

Tsing'ano 28:5

Avandu vadamanu si vamanyi uvulungi mba, navuzwa yavo avasigamiraa Yahova vamanyiriza uvulungi vulahi.

Isaya 1:3

Zing'ombe ziamanya mwenezio kandi zibunda ziamanya mwenezio ahazilihizilaa. Navuzwa avandu vange Isiraeli sivamanyi mba, kandi sivahulira mba.”

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Jeremia 10:8

Vosi vaveeye vasiru kandi vayingu, nikindiki chavanyala kwiga kutura ku ivifananyi viumusaala?

Jeremia 13:23

Umundu mumwamu anyala kugirung'anyia ligodo lilie anoho engo inyala kugirung'anyia vodondonye vwayo? Niiva vanyara, maku munyi avakola uvudamanu munyala kwiga kokora agaveeye amalungi.

Jeremia 2:8

Avasaalisi si vateva, ku ‘Yahova aveeye hayi?’ Yava avaari ni lilago sivamanya inzi mba. Avamihi vibaara ku inzi avaporofeti vaporofeta mu lieta lia Baali, kandi nivasigamira vifananyi via vuzwa.”

Jeremia 4:21

Ndaalora iliihi kandi kuhulira mwoyo gwi visiliva kuduuka ng'inga ki?

Jeremia 5:21

Muhuliri, munyi avandu vasiru kandi avataveeye ni limanya. Muveeye ni zimoni, navuzwa si munyala kolola mba. Muveeye na matuyi, navuzwa si munyala kuhulira mba.

Jeremia 5:4

Maku ndaavoora, “Yava vaveeye vuzwa avadaka kandi si vamanyi ikindu mba. Si vamanyi aga Yahova yenya mba, kandi si valoondanga lilago lia Nyasaye wavo mba.

Jeremia 9:2

Nzegomba ndava na havundu ho komenya muchangalangwe, handali nyalakuva ihale kutura ku avandu vange. Vosi sivaveeye avasuuvirifu mba, vaveeye umuganda gwa vazami.

Jeremia 9:3

Vaveeye avetegeku vuli ing'inga kovora ovovehi. Kuvula kuvaho nu vusuuvirifu vwamihi ikivala kuvita uvusuuvirifu. Yahova avoora, “Avandu vange vakora uvudamanu ku vundi, kandi sivambugilira kuli Nyasaye wavo mba.”

Jeremia 9:5

Vuli umundu aveheraa mutende weve, kandi siaveeyeho kali mulala ovola agiligali mba; vayiga okovoola vugadi vakoolaa uvudamanu kandi varuha kwiganira.

Ezekieli 16:30

Yaga nigo ga Yahova Wuvunyali avoora: “Kandi kigira simwigutaa mba. Kali inyima wa gene yago, lienya lienyu siliaduukizwa mba.

Hosea 4:1

Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Hosea 5:4

Uvudamanu vwa avandu vamali kokoraa, vuvigaliraa kwirana ku Nyasaye wavo. Vayanzilira vifananyi ligali, na sivamanyi Yahova mba.

Amosi 3:10

Yahova avoora, “Avandu yava sivakora agaveeye amalahi mba, avaviika ivindu via vanura nukwivila avandu mu zinyumba ziavo.

Mika 2:1

O, vayaayi, kivi keve kuyavo avasavira kokora uvudamanu; kandi avalohizaa kokora uvudamanu mu vidali viavo! Lwa vuchezaa, nonoho lwa vaveeye nuvwiyangu, vakora uvudamanu vwavalohizi kokora.

Mika 7:3

Vosi vaveeye nilimanya liokokola uvudamanu; aviimiliri na vakalagi vetegeki vahevwe viambeti. Avanene vizingulu vaniga kohevwa via venya; kulwayago valohiza harara okokora uvudamanu.

Luka 16:8

“Kunangwa, mwami yizominya mulindi utaali umusuuvirifu oyo; kigira yatumikira vugadi. Avandu vikivala yiki vaveeye novogeri vwu uvugadi ku makuva gaavo kuvita avandu vuvulavu.”

Yohana 16:3

Valamukolera yaga kigira vakikiri kumanya.

Varumi 1:22

Kali niiva vavoola aveene ndi vaveeye vageri, na ng'ani navasiru;

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Varumi 16:19

Avandu vosi vaahuliyi amakuva gu vusuuvirifu vwinyu ku Ivangeri, kandi ku kivuni yiki, mbeeye nu vuyanzi ligali kigira munyi. Nyenya muve avageri mu limanya agaveeye malahi, muvuli konyooleka ni kindu ku gaveeye madamanu.

Varumi 3:11

siaveeyeho nu mugeri, anoho usigamiraa Nyasaye.

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

Kwidzulitsa 32:28

“Isiraeli vaveeye ihiiri itaveeye niziganagani kandi sivaveeye novogeri kali hakuzu mba.

Kwidzulitsa 32:6

Ni ndi munyala kokolera Yahova munyi avandu vasiru kandi vataveeye novogeri! Aveeye Baba winyu, mulombi winyu yalomba munyi muve ihiiri.