Jeremia 4:18 - KITABU KITAKATIFU

¹⁸ Vayuda munyi mumali kweletera yaga kolondekana nilimenya liamumali komenya kandi nivindu viamumali kokora. Uvwoni vwinyu vumali kumuletera uvusaaliri yivu; Gamali kusaliliza mioyo jinyu ligali.

Jeremia 4:18 Iomraidhean Croise

Zaburi 107:17

Avalala kuvo vaali avasiru kigira uvwoni vwavo, kandi vasaalira ligali kigira uvudamanu vwavo.

Tsing'ano 1:31

Kunangwa mulakanyoole mageri kolondekana na gamuduukira kandi mulasalira kolondekana ni vikolwa vienyu.

Tsing'ano 5:22

Uvwoni vwu mundu muchamu voveeye mutego. Agumililwa mu muluvu gwu vwoni vwivwe.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Jeremia 14:16

Avandu vavaporofeta ku amakuva yaga, valakitirwi mu inzira ndala nzere. Miviri jaavo jirakasiuvwi mu zinzira zie lidaala linene lia Jerusalemi, kandi sialakaveho nu mundu kali mulala ulakajiyaviri mba. Yaga goosi galakakoleke ku avandu vosi harara na avakali vaavo, avayaayi na avakaana vaavo. Ndakavakole valatungi uvudamanu vwavo aveene.”

Jeremia 2:17

Avandu va Isiraeli, mweletera uvudinyu munyi aveene! Mwandeka inzi, Yahova Nyasaye winyu, lwa ndaamwimilira munzira zienyu.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 26:19

Mwami Hezekia navandu vi Ivuyuda siviita Mika mba. Navuzwa, Hezekia yaaha Yahova luyali kandi nageriza koyeeka kuliyaanzilira lilie. Maku Yahova yagirung'anyia zing'anagani zizie kigira kivi chayaali navooye alaleeta kuvo. Kalunu koveeye ahimbi koleta kivi chilitiihiza kukunyi aveene.”

Jeremia 5:19

Lwa avandu yava vateva kigira ki ndaakola vindu yivi viosi, uvavoolere ndi, kuli vagirung'ana kutura ku inzi, nivatumikira avanyasaye vandi avageni mukivala chavo aveene, nandio valatumikira avageni mukivala kitaveeye ichaavo.”

Jeremia 5:25

Uvudamanu vwinyu vumali kugirung'anyia vindu yivi viosi, kandi uvwoni vwinyu vumali kwigalira ivindu vilahi viosi kutura ku munyi.

Jeremia 6:19

Huliri, avandu! Kuli amageri kigira lilohiza liavo ndaleta lidivizwa ku avandu yava, kigira vasuura amigizu gange kandi sivahulira amakuva gange mba.

Lisyoma lya Jeremia 3:15

Yanwehiza amazi malulu kuzingulu, kandi ninzigutiza niviukulia kandi niviukunwa vilulu.

Ezekieli 39:24

Ndaavakolera kolondekana nu vudamanu vwavo kandi vuchamu vwavo, kandi ndaagirung'ana kutura kuvo.”

Hosea 7:2

Navuzwa sivamanya ndi inzi ndizuliza zimbi ziavo ziosi mba. Uvwoni vwavo vuvakumbiliza; sinyala kuvula kovolola mba.”