Jeremia 4:1 - KITABU KITAKATIFU

¹ Yahova avoora, “Avandu va Isiraeli, niiva mwenya kugirung'ana mugirung'ane muuzi ku inzi. Niiva muveeye avasuuvirifu ku inzi, kandi nimutulizaho ivifananyi viandunyira,

Jeremia 4:1 Iomraidhean Croise

Litanga 35:2

Kunangwa Yakobo yavolera vandu vinyumba yeeye harara na vandi voosi vaali naye, “Muleke avanyasaye avageni avamuveeye navo; mwitakase munyi aveene ma mwiviki zinguvu zi ndahi.

2 Avami 23:13

Mwami yononyia uvwali vwosi vwa Solomoni yaali ni yumbaka ivugwi wa Jerusalemi, isavaalu wi kiguru cha Muzeituni, kigira lisigamira lie misambwa ju kuvihiliriza, Asitarite munyasaye wikikali wa Sidoni, Kemoshi munyasaye wa Moabu, kandi Moleki, munyasaye wa Amoni.

2 Avami 23:24

Kuhaana zinguru nu kudinyiriza Lilaga liang'odwa mu kitabu chu Musaalisi Munene Hilikia yaali nanyooye mu Litembeli, mwami Josia yaatuliza mu Jerusalemi harara ne Ivuyuda yoosi avasigitiri, avakumu, avanyasaye vu muzinyumba, vifananyi, harara ne viju viosi viukusigamira misambwa.

2 Kyetsinyinga 15:8

Lwa Asa yahulira makuva yago ovoporofeti vwa Azaria muyaayi wa Obedi, yavugula liluvirira. Yononyia vifananyi viosi mu kivala choosi chi Ivuyuda na Benjamini, kandi mu madaala goosi aga yaali ni yagumira mu vigulu via Efuraimu. Kandi yalomba vwali uvwali nivwoneki uvwalange imbiri wi Litembeli lia Yahova.

2 Kyetsinyinga 33:8

Na niiva avandu va Isiraeli valahulira malago gange goosi nilikalaga liange kandi valindi Lilaga liosi liu mutumikiri wange Musa yavaha, hene yaho, si ndavugilira vakungwi mu kivala cha ndaha avaguuga vaavo mba.”

2 Kyetsinyinga 34:33

Mwami Josia yononyia vifananyi viosi viukuvihiririzwa iviali muvivala via vandu va Isiraeli, kandi yakola avandu vosi avaari mu Isiraeli kutumikira Yahova Nyasaye wavo. Mu madiku goosi ga yamiha avandu va Isiraeli, vazizagilira kuhulira Yahova Nyasaye wa vaguuga vaavo.

Isaya 31:6

Yahova yavoola, “O, munyi avandu va Isiraeli, mumali kokora uvwoni imbiri wange nu kuhing'ana ninzi; navuzwa kalunu mwirane ku inzi!

Jeremia 15:19

Kulwayago, Yahova yavoola, “Niiva ulirana ku inzi, ndakwiranyia kandi ulava mutumikiri wange. Niiva ulavoola amakuva gaveeye amalahi na oleke kovora amakuva amadamanu, hene yaho ulava muporofeti wange kandi. Avandu varirana ku ivi, navuzwa ivi si ulazia kuvo mba.

Jeremia 15:4

Ndakora vandu vu mukivala choosi kuva nu vuti ovonene ligali kigira vindu vidamanu via Manase mwana wa Hezekia yakola mu Jerusalemi lwa yaali mwami wi Ivuyuda.”

Jeremia 18:11

Kunangwa kalunu, ovoolere avandu vi Ivuyuda na Jerusalemi ndi ndohizaa zing'anagani ziukuvingilila kandi nzetegekaa kuvaha amageri. Uvavoolere valeke komenya muvwoni - vagirung'anyie zinzira ziavo ni vindu viavakola.

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 25:5

Vaamuvolera mugirung'ane kutura kuzinzira zienyu zindamanu kandi ziu vuchamu, kunangwa muzizagiliri komenya mukivala cha Yahova yahaana kumunyi harara na avaguuga vinyu keve kuli miandu ji mihiga ni mihiga.

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Jeremia 3:12

Yaanduma kuzia kovoolera Isiraeli, “Avandu va Isiraeli avataveeye avasuuvirifu, mwirane ku inzi. Mbeeye wizimbavasi kandi sindava nu vutima mba; sindava nu vutima nimunyi mihiga ni mihiga mba.

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 36:3

Namusia lwa avandu vi Ivuyuda vahulira kigira lidiviza liasaaviraa koleta kuvo, valagirung'ana kutura kuzinzira ziu vudamanu. Maku ndavasamiiha uvudamanu vwavo kandi uvwoni vwavo.”

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Jeremia 7:3

Yahova Wuvunyali, Nyasaye wa avandu va Isiraeli avoora ndi, mugirung'anyie liiva lie limenya lienyu, kandi muleke vikolwa vienyu, na ndaleka mumenye havundu hano.

Jeremia 7:5

“Mugirung'anyie liiva lie limenya lienyu, kandi muleke vikolwa vienyu vidamanu muhaane likalaga liveeye lirungi ku mundu mulala nu wache.

Jeremia 7:7

Niiva mulagirung'ana, ndamuvugirira mumenye havundu hano, mu kivala cha ndahaana ku avaguuga vinyu mihiga ni mihiga.

Ezekieli 11:18

Lwa na viirane, navatuliziho ivifananyi viosi viukuvihiliriza vifunya vugunda viavanyoola mu.

Ezekieli 18:13

kandi kwegobiza mabesa nu konyoora vukala. Mundu uyu si alamenya mba, kigira yamala kokora vindu vinyingi viukuvihiliriza. Maku alakuza kandi aladulwa kigira likuza lilie.

Ezekieli 43:9

Kalunu valeke kusigamira avanyasaye vandi kandi vahiri miviri mikuzu ja vami vaavo ihale kutura ku inzi. Niiva valakola ndio, inzi ndamenya hagati haavo mihiga ni mihiga.”

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Hosea 2:2

Avana vange, mugoonye mama winyu, kali niiva si aveeye mukali wange, kandi inzi si mbeeye musaza weve mba. Mumugonye aleke kokora ovoheyi kandi uvulaya.

Hosea 7:16

Vagirung'ana kutura ku inzi nukuzia ku nyasaye utaveeye nizinguru. Vaveeye avandu vataveeye novokonyi kuli uvuta vwavedeka. Kigira aviimiliri vaavo vamoloma niliegingira valakakuzi likuza lilulu, kandi avandu va Egebeti valakavaseke.”

Joeli 2:12

Yahova avoora, “Navuzwa kali kalunu mwiganiri mugiligali na mwirane ku inzi mu lihonga lilia, lilira ni lisioma.

Zekaria 1:4

Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba.

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’

Kwidzulitsa 4:30

Lwa muveeye mu kivi ni vindu yivi viosi viekoleke ku munyi, ahene yaho mulimalirika mulagirung'ana nokwirana ku Yahova Nyasaye winyu nukumuhulira.

Joshua 24:14

Joshua yaazizagilira kovora “Kunangwa kalunu; mutie Yahova kandi mumutumikiri. Muve nagiligali kandi nu vusuuvirifu. Mutulizi avanyasaye va vaguuga vinyu vagira kusigamira mu Mesopotamia kandi mu Egebeti; kandi mutumikiri Yahova yeng'ine.

Vakalagi 10:16

Valeka vanyasaye vaavo vageni, nivasigamira Yahova; naye yanyangana kigira lidambizwa lia vandu va Isiraeli.

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”