Jeremia 38:2 - KITABU KITAKATIFU

² aga Yahova yaali navooye, “Oyo amenyaa mu lidaala yili, aliitwa ni liihi, inzara anoho vulwaye. Navuzwa yavo avaazia kwihana ku avandu va Babiloni si valitwa mba. Valahononoka mu likuza na valava mwoyo.”

Jeremia 38:2 Iomraidhean Croise

Jeremia 21:4

vavoolere Zedekia ndi Yahova, Nyasaye wa avandu va Isiraeli avoora, “Zedekia nziza kuguuta liihi liilio ililwanaa mwami wa Babiloni harara ni liihi lilie. Inzi ndavungiza viugi viavasikali vinyu hagati hilidaala.

Jeremia 24:8

“Navuzwa Zedekia mwami wi Ivuyuda, harara na avatumikiri veve, kandi na avandu vandi vosi avatigara mu Jerusalemi, avamenyi mukivala yiki anoho avaazia mukivala cha Egebeti, Inzi Yahova ndavakora vosi kuva kuli amakuyu gaveeye amadamanu ligali yaga, agatanyala kuliivwa mba.

Jeremia 27:11

Navuzwa niiva ihiiri yoosi ilatia nu kwegehiza imbiri wu mwami wa Babiloni, kandi kumutumikira, maku ndavavugilira vamenye mukivala chavo aveene, kandi valimi milimi jaavo. Inzi Yahova mali kovora.”

Jeremia 27:13

Kigira ki munyi harara na avandu vovo mwitwi muvulwani anoho ninzara enene ligali anoho nu vulwaye? Yaga nigo aga Yahova amali kovora galakoleka ku ihiiri yoosi ivuulaa kwegehiza imbiri wu mwami wa Babiloni.

Jeremia 29:16

Hulirizi ku aga Yahova avoora kigira umwami uwamihaa mu vwami vwa Daudi yamiha, kandi kigira avandu vi lidaala linene yili, aviiko vinyu, avavura kuhirwa mu vuhambe harara ni munyi.

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 34:17

Kunangwa kalunu, Inzi, Yahova, mboraa ndi munyi simwatia inzi mba: Simwavoholola vandu va Isiraeli vache vinyu mba. Nivulahi, nitali inzi ndamuha ovovoholore vwavo mba. Nivulahi, nitali inzi ndamuha ovovoholore: Ovovoholore kukuzira muvulwani, nuvulwaye kandi ninzara. Ndakora vuli ihiiri mulirova kuva nuvuti vonene ligali kuli agamungolera.

Jeremia 39:18

Inzi ligali ndakohonyia, kandi si uliitwa mba. Ivi ulahononoka kutura mu likuza, kigira umali kusuuvira inzi. Inzi Yahova, mali kovora.”

Jeremia 42:17

Avandu vosi avamali kotovola kuzia komenya mukivala cha Egebeti, valakuzira mu liihi anoho valakuza kigira inzara anoho uvulwaye. Sialakaveho nu mundu kali mulala kuvo ulitigala anoho ulihona kutura mu kivi cha nandete kuvo mba.’

Jeremia 42:22

Kunangwa kalunu, mwizurizi yaga: Mulakuzira mu liihi anoho mulakuza kigira inzara anoho uvulwaye mukivala cha Egebeti uwamutovoye kuzia komenya.”

Jeremia 44:13

Ndahaana amageri ku vandu avamenyi mukivala cha Egebeti, kuli ndahaana amageri ku avandu va Jerusalemi ni liihi, inzara kandi uvulwaye.

Jeremia 45:5

Weyenyela likolerwa vulahi ivi mwene? Utakola ndio mba. Inzi ndeta kivi ku avandu vosi, navuzwa ndakohonyia vuli havundu hoosi ha uzia. Inzi, Yahova mali kovora.”

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.

Ezekieli 6:11

Mwami munene Yahova avoora, “Mukubage makono ginyu! Muduyi hasi virenge vienyu! Muliri novovereri kigira uvudamanu vwosi kandi vindu viosi vielivihilirizwa via vandu va Isiraeli vamali kokora. Vazizaa kukuzira mu vulwani, inzara, kandi vulwaye.

Ezekieli 7:15

Lilwaana liveeye mu zinzira, kandi vulwaye ninzara viveeye mu zinyumba. Mundu woosi oveeye mu mulimi alitirwa yo ni kivavi, na ku oyo oveeye mu lidaala linene inzara nu vulwaye vilamudiviza.