Jeremia 38:18 - KITABU KITAKATIFU

¹⁸ Navuzwa niiva si ulihaana mu zinguru zia vatumikiri vu mwami wa Babiloni, na yaho, lidaala linene yili lilahaanwa ku avandu va Babiloni, avaazaa valisambe nu kulidiviza, na ivi si ulahononoka kutura kuvo mba.”

Jeremia 38:18 Iomraidhean Croise

2 Avami 24:12

na mwami Jehoyakini, harara na mama weve, avayaayi veve, avanene veve, na vanene vi inyumba yu vwami, vihaana aveene ku vandu va Babiloni. Mu muhiga gwa munane gwi liamiiha lia Nebukadineza yaahira Jehoyakini mu vuhambe

Jeremia 21:10

Inzi mali kukalaga sindaleka lidaala yili mba, navuzwa ndalidiviza. Lilaheevwa ku mwami wa Babiloni kandi alalisamba numuliru lishie ligali. Inzi, Yahova mali kovora.”

Jeremia 27:8

“Navuzwa niiva ihiiri yoosi anoho uvwami vwosi si vulatumikira Nebukadineza mwami wa Babiloni, kandi niiva si valamutia nu kwegehiza imbiri weve, inzi Yahova ndahaana amageri ku ihiiri yeyo mu liihi, ninzara enene kandi nuvulwaye kuduuka lwa mwami Nebukadineza avadiviza ligali.

Jeremia 37:8

Maku avandu va Babiloni valirana, nu kwingilira lidaala, nukuligumira kandi nu kulisamba nu muliru.

Jeremia 38:23

Maku ndaameeda kovora, “Avakali vovo vosi kandi avana vovo vosi valahirwa ku avandu va Babiloni, na ivi mwene siulahononoka kutura kuvo mba. Mwami wa Babiloni alakokola kuva umuhambe, kandi lidaala linene yili lilasambwa nu kudivizwa ligali.”

Jeremia 38:3

Kandi ndavavolera ndi Yahova yaali navooye, “Ndahaana lidaala yili kuzinguru zie liihi lia Babiloni, na valaligumira.”

Jeremia 39:3

Lwa lidaala linene lia Jerusalemi liagumirwa, vatumikiri vosi vu mwami wa Babiloni, harara na Nerigali Sharezeri, Samigari Nebo, Sarisekimu umurabisarisi na Nerigali Sharezeri umurabimagi vaza nivikara ha Kirivwa cha Hagati.

Jeremia 39:8

Inyima wa yaga, avandu va Babiloni vasamba inyumba yu vwami kandi zinyumba zia avandu ma nivaasambula amadigi gi lidaala linene lia Jerusalemi.

Ezekieli 12:13

Navuzwa ndaavambura eneti yange kandi ndakamugimilimu. Maku ndakamuhili mu lidaala linene lia Babiloni, walikuzila vugira kulilola.

Ezekieli 17:15

Navuzwa Mwami wi Ivuyuda yibaala kandi natuma avatumwa kuzia Egebeti koleta zibarasi harara ni liihi lia vandu vanyingi. Alaguuta? Mundu okolaa vindu yivi anyala kohononoka? Anyala kuvunaga lilagano ma avuli konyoora mageri?”