Jeremia 37:17 - KITABU KITAKATIFU

¹⁷ Lwinyima mwami Zedekia yatumana nzie, kandi hene yaho munyumba yu vwami yaandeva mu vwivisu, “Likuva liveeye kuho kutura ku Yahova?” Ndaamutivulira kandi nimeeda kovora, “Liveeyeho, Ivi uraviikwa mu zinguru ziu mwami wa Babiloni.”

Jeremia 37:17 Iomraidhean Croise

1 Avami 22:15

Lwa Mikaya yaduuka imbiri wu mwami Ahabu, mwami yamuteeva, “Mikaya, mwami Jehoshafati, anyala kuzia ninzi kulwana Ramozi Gileadi anoho mba?” Mikaya yativura navoora, “Zia ulingiliri! Ligali ulaguuta. Yahova alakuha uvuguuti.”

1 Avami 22:16

Navuzwa Ahabu yativura, “Lwa omolomanga ku inzi mu lieta lia Yahova, vola agiligali! Ni haali kanga ningovolera ndio?”

2 Avami 25:7

Hene yaho, avana vayaayi va Zedekia viitwa Zedekia nalora. Nebukadineza yaatuliza zimoni zia Zedekia, naamuvoha ni minyororo, ma naamuhira Babiloni.

Jeremia 15:11

O, Yahova, viramo viavo viosi vive via agiligali niiva si ndaakutumikira vulahi mba, kandi niiva si ndaagoonya ivi mu vogono vwa avasigu vange vaali mu vudinyu kandi mu kivi.

Jeremia 21:7

Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Jeremia 24:8

“Navuzwa Zedekia mwami wi Ivuyuda, harara na avatumikiri veve, kandi na avandu vandi vosi avatigara mu Jerusalemi, avamenyi mukivala yiki anoho avaazia mukivala cha Egebeti, Inzi Yahova ndavakora vosi kuva kuli amakuyu gaveeye amadamanu ligali yaga, agatanyala kuliivwa mba.

Jeremia 25:35

Aviimiliri sivalakave na havundu hu kwirukira mba, anoho avamihi sivalakave na havundu hu kwivisa mba.

Jeremia 37:3

Mwami Zedekia yatuma Jehukali mwana wa Shelemia kandi musaalisi Zefania mwana wa Maaseia koteeva inzi saale ku Yahova Nyasaye wiitu kigira avandu vihiiri yitu.

Jeremia 38:5

Mwami Zedekia yativura, “Gaveeye amalahi ligali, maku munyala kokora choosi cha muganaganaa kuye. Inzi sinyala kumugaya mba.”

Jeremia 52:8

Navuzwa iliihi lia avandu va Babiloni valonda mwami Zedekia, nivamugumilira mu kereremo ahimbi na Jeriko, na avasikari veve vosi viiruka nivamuleka.

Ezekieli 7:26

Kivi kenene kilaaza vuli kase kandi ulusuma lwa makuva govovehi lulaza. Valageliza konyoora malola kutura ku muporofeti; liegiza lielilaga navasaalisi lilagota, kandi lihaana zing'anagani kutura ku vakulundu lilagota.

Livalidza 23:17

Kunangwa yirana nanyoora Balaki akisingiyi himbi ni kihanwa chiche chu kusambwa na vimiliri va Moabu. Balaki yateeva kumanya cha Yahova yaali navooye,

Marko 6:20

yaali ni yatia Yohana kigira yamanya aveeye umundu umulahi kandi umutakatifu. Kulwayago yamukinga vulahi. Herodi yayanza kuhuliriza aga Yohana yavoola, kali niiva yaahenda umwoyo ligali ing'inga yoosi yayamuhulirizaa.