Jeremia 37:13 - KITABU KITAKATIFU

¹³ Navuzwa lwa ndaaduuka mu kirivwa cha Benjamini, umundu walangwa Irija, mwana wa Shelemia mwisukulu wa Hanani, munene ulindaa avasikari vaaliho ku miyinzi, yasingiriza navoora, “Ivi ung'anyaa kuzia mu vandu va Babiloni!”

Jeremia 37:13 Iomraidhean Croise

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 20:10

Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Jeremia 20:2

yalaga inze kugumirwa, kukuywa kandi nukumbika mu ijera ahimbi ni kirivwa cha Benjamini mu Litembeli lia Yahova.

Jeremia 21:9

Umundu woosi ulitigala mu lidaala nayitilwi mu vulwani, anoho aliitwa ninzara anaho nuvulwaye. Navuzwa kuwosi ulitula ichova niyihaana ha vandu va Babiloni, avingiliraa lidaala, sialitwa mba; alahononokiza livamwoyo lilie.

Jeremia 27:6

Kalunu mali kuhaana vivala yivi viosi kuzinguru ziu mutumikiri wange, Nebukadineza, mwami wa Babiloni mutumikiri wange, kandi mali kokora kali zinyama ziosi ziu mbulimu kumutumikira.

Jeremia 28:14

Yahova Wuvunyali, Nyasaye wa avandu va Isiraeli, avoora ndi, alaviika iniira yi kivia ku zihiiri ziosi kandi zilatumikira mwami Nebukadineza wa Babiloni. Yahova avoora ndi, kandi alakola kali zinyama ziu mbulimu kutumikira mwami Nebukadineza.”

Jeremia 36:12

yazia munyumba yu vwami, mukeng'oze chu mung'odi, uwa avanene vosi vaali ni viikaye: Elishama, mung'odi wu mugizi, Delaya mwana wa Shemaya, Elinazani mwana wa Akibori, Gemaria mwana wa Shafani, Zedekia mwana wa Hanania kandi harara na avanene vandi vosi.

Jeremia 38:1

Shefatia mwana wa Matani, Gedalia mwana wa Pashuri, Jehukali mwana wa Shelemia na Pashuri mwana wa Malikia vahulira ndi mbolera avandu

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Jeremia 38:7

Lwa Ebedimeleki kutura Ezopia, uwakola miyinzi munyumba yu vwami, yahulira ndi vamali kumbika mu vogo, ing'inga yu mwami yaali ni yikaye ha kirivwa cha Benjamini,

Lisyoma lya Jeremia 4:18

Avasigu vaakohenzeriza; sikwaali kunyala kogenda mu zinzira. Amadiku giitu gaali nigimbiha; keheri chaali nikiduuki.

Amosi 7:10

Kunangwa Amazia, Musaalisi wa Bezeli, yatuma likuva ku Jeroboamu, mwami wa Isiraeli, navoora, “Amosi akokoleeye zimbemba hagati ha avandu va Isiraeli. Limoloma lilie lilononyia kivala cha avandu va Isiraeli.

Zekaria 14:10

Losoma lwosi kutura Geba kolovega lwi Ivaale wa Rimoni kolovega lwi Isavaalu vilakaleng'anywe. Jerusalemi ilakave igulu wi kivala cha kikumbeliza; lidaala liene yili lilakatuli mu kirivwa cha Benjamini kuduuka ha kirivwa chu mukoona, hi kirivwa kindi chaalange; kandi hu munara gwa Hananeli kuduuka ha vaminiraa iwaini yu vwami.

Luka 23:2

Vatanga kumuyaara nivavoora, “Kwanyoora mundu uyu nagirung'anyia ihiiri yitu. Yagaya avandu vavuli kutunga uvusuru ku Mwami Munene wa Rumi kandi umwene yevoola ndi aveeye Kristo, umwami.”

Vikolwa 24:13

Sivanyala kololekiza imbiri woovo ndi amayaalo gavanzaalira ku ivi gaveeye agiligali mba.

Vikolwa 6:11

Kunangwa, vaaha avandu viambeti vavoole, “Kunyi kuhuliyi Sitefano navoora amakuva go konyega Musa kandi agokonyega Nyasaye.”

2 Vakorintho 6:8

Kohevwa uluyali na vandi. Konyegwa kandi kuginwa na valala; na kwizominywa na vandi. Kuvugulwa kuli vavehi, navuzwa kovora giligali;