Jeremia 36:6 - KITABU KITAKATIFU

⁶ Navuzwa nyenya ivi uzie mulitembeli ing'inga elondaku lwa avandu vaveeye ni lihonga lilia. Osome vudinyu imbiri wa avandu amakuva gaveeye ku karatasi yiyi, kunangwa avandu vaduuki kuhulira amakuva goosi aga Yahova amali kombolera, kandi aga ivi umali kong'oda. Okole yaga havundu ha avandu vosi vanyara kuhulira, nivaveeye mu harara na avandu vi Ivuyuda avazi kutura mu madaala gaavo.

Jeremia 36:6 Iomraidhean Croise

Jeremia 18:11

Kunangwa kalunu, ovoolere avandu vi Ivuyuda na Jerusalemi ndi ndohizaa zing'anagani ziukuvingilila kandi nzetegekaa kuvaha amageri. Uvavoolere valeke komenya muvwoni - vagirung'anyie zinzira ziavo ni vindu viavakola.

Jeremia 19:14

Kunangwa ndaatula Tofezi wa Yahova yaali nandumi kulandiza likuva lilie. Ndaazia nisingila mu mugizi gwi Litembeli nimbolera avandu vosi

Jeremia 22:2

Uhuliri Likuva lia Yahova, O, mwami wi Ivuyuda, oveeye ku endeve yu vwami vwa Daudi, harara na avatumikiri veve, kandi na avandu veve avingiraa mu virivwa yivi.

Jeremia 26:2

Yahova yambolera, “Singira mumugizi gwi Litembeli na ulandizi amakuva gamali kukulaga ovoole ku avandu vaza kutura mu madaala gi Ivuyuda kusigamira Yahova. Utaleka kindu kali kilala mba.

Jeremia 36:2

“Vugula ikaratasi ilingiywi na ong'ode ku amakuva goosi agaamali kokovoolera kigira avandu va Isiraeli na avandu vi Ivuyuda kandi ni zihiiri ziosi. Ong'ode amakuva goosi agandakovolera kutura ing'inga ya ndamoloma ku ivi mulitanga, lwa Josia yaali mwami kuduuka lero.

Jeremia 36:4

Kunangwa ndaalanga Baruki mwana wa Meria, kandi ndamuvolera ang'ode makuva goosi aga Yahova yaali niyamboleye. Baruki yang'oda amakuva yaga goosi kukaratasi ilingiywi.

Jeremia 7:2

“Zia usingili mu vwingiliru vwi kirivwa chi Litembeli ma ulandizi likuva yili: Muhuliri Likuva lia Yahova, munyi vosi avandu vi Ivuyuda avingiraa mu virivwa yivi nu kusigamira Yahova.

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”

Vikolwa 27:9

Kwamenya ho ing'inga indambi kuduuka lwa galoleka ndi uvuhiimwa vwali vonene lidiku lio kohonga ligali kuzizagilira nologendo mu liato. Kali kulwene yilwo, lidiku lie lisavo liu kwizuliza likunikwa liu vwoni, liali ni liviti. Kunangwa Paolo yaviganihiza,