Jeremia 34:8 - KITABU KITAKATIFU

⁸ Yahova yamoloma na inzi lwa wami Zedekia na avandu va Jerusalemi vaali nivamali kolomba lilagana yokovoholora

Jeremia 34:8 Iomraidhean Croise

2 Avami 11:17

Jehoyada musaalisi yalomba mwami Joashi harara na vandu va Isiraeli ukwingira mu lilagana hagati haavo na Yahova ndi valava avandu va Yahova. Yalomba lilagana hagati hu mwami na vandu.

2 Kyetsinyinga 23:16

Musaalisi Jehoyada yalomba lilagana ndi Oyo, avandu, kandi umwami, valava avasuuvirifu ku Yahova Nyasaye.

2 Kyetsinyinga 29:10

“Na kalunu mali kotovola kolomba lilagana na Yahova, Nyasaye wa Isiraeli, kunangwa avuli kuva nu vutima nikunyi kandi mba.

Nehemia 9:38

Kigira ku goosi agaamali kwekoleka, kunyi, avandu va Isiraeli, kolombaa lilagana ling'odeywi ku chisuuhu, kandi aviimiliri viitu, avandu va Levi viitu, kandi na avasaalisi viitu nguyu vaviika mihuri jaavo kulio.

Isaya 58:6

“Liiva lie lihonga lilia lia nyenya ni yili: Mutulizi ho minyororo ji lidambiza kandi iniira yi likalaga litali lirungi, na muleke avadambizwa navatugwa vave vavoholole.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Jeremia 34:17

Kunangwa kalunu, Inzi, Yahova, mboraa ndi munyi simwatia inzi mba: Simwavoholola vandu va Isiraeli vache vinyu mba. Nivulahi, nitali inzi ndamuha ovovoholore vwavo mba. Nivulahi, nitali inzi ndamuha ovovoholore: Ovovoholore kukuzira muvulwani, nuvulwaye kandi ninzara. Ndakora vuli ihiiri mulirova kuva nuvuti vonene ligali kuli agamungolera.

Kyavalevi 25:10

Munzira yiyi mulatakasa muhiga gwa amusini na mulandizi vovoholore ku avandu vosi vamenya mu kivala yicho. Mu muhiga yigu, ivindu viagulizwa viosi, vililanyirwa avaari vene vio militanga anoho visukululwi viavo, kandi umundu vosi uwaali naaguliziywi kuli mutugwa, alirana ku avandu vinyumba yeeye. Goveeye muhiga gwi lizuliza mihiga amusini.

Kwidzulitsa 15:12

“Niiva mundu wa Isiraeli wache winyu, musaza anoho mukali alaza umwene ku munyi kuli mutugwa, kuduuka mumuvoholore inyima wu kumutumikira ku mihiga sita. Lwu muhiga gwa saba gutanga kuduuka mumuvoholore.