Jeremia 33:7 - KITABU KITAKATIFU

⁷ Ndiilanyila avandu vi Ivuyuda kandi avandu va Isiraeli uvutugi vwavo, nu kuvakola vave kuli valange maziambiri.

Jeremia 33:7 Iomraidhean Croise

Zaburi 126:1

Lwa Yahova yaakwiranyia mu Jerusalemi kutura mu vuhambe, gaali vuzwa kuli amalooto!

Zaburi 126:4

O, Yahova, ukwiranyie mu kivala chietu, kuli imbura yiranyia amazi mu migera jakama.

Zaburi 14:7

Inzi ndakayanzi ndi uvuguuti kutura Ziyoni kuuza ku vandu va Isiraeli! Vulakave vusangali ki, ku vandu va Isiraeli, lwa Yahova alivalomba kuva nu vutugi kandi!

Zaburi 85:1

O, Yahova, Ivi waaveera avandu vovo zimbavasi ligali; Ivi umali kokora avandu va Isiraeli kuzizagilira komeedeka mu vugasu.

Isaya 1:26

Ndamuha avamihi na vahaani vi zing'anagani kuli yavo ava mwali navo maziambiri. Maku Jerusalemi, ilalangwa lidaala linene lirungi kandi lisuuvirifu.”

Isaya 52:8

Yavo avalindaa lidaala linene viimba harara kigira uvusangari! Vanyara kolola ni zimoni ziavo aveene, iliirana lia Yahova mu lidaala linene lia Ziyoni.

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 24:6

Ndavalinda kandi ndavilanyia mukivala yiki. Ndavumbaka na si ndavasambula kandi mba. Ndavakora vasingiri vudinyu kuli misaala jitanyala kwifwa mba.

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Jeremia 30:20

Inzi ndiranyira ihiiri zinguru ziayo ziakale, kandi ndagisingiriza vudinyu ligali; Inzi ndahaana amageri kuvoosi avavadambizaa.

Jeremia 30:3

kigira ing'inga yiza lwananziranyie avandu vange va Isiraeli na Ivuyuda. Inzi ndakaviranyiri mukivala chandaahana ku avaguuga vaavo, kandi na vavuguli imiandu jiacho. Inzi, Yahova mali kovora.”

Jeremia 31:28

Kandi kuli ndaahenda mwoyo nukwiiha, nukusambula, nukutung'aminya, nukudiviza, kandi nukuvasambura, kunangwa ndavasingiriza kandi ndavadinyiriza.

Jeremia 31:38

Yahova avoora, “Ing'inga yiza, lwa Jerusalemi yoosi lilakumbakwe vuhia kuli lidaala liange, kutura ku munara gwa Hananeli kuduuka ku kirivwa chu mukoona.

Jeremia 31:4

Munyi avandu va Isiraeli avaveeye avuvuguli vudinyu kuli mukaana mugima inzi, kulwayago ndamwumbaka vuhia na muliyumbaka. Munyi mulavina kigira uvusangari kandi mulakuba vikuli vienyu.

Jeremia 32:44

Avandu valagula milimi yiji, na ligulana liajo lilang'odwa nu kuviikaku mukono, kandi nu kumiinaku muhuri, imbiri wa avaloli. Yaga galakoleka mu kivala cha Benjamini, mu Jerusalemi kandi mu madaala gi Ivuyuda, mu madaala gi kivala chi vigulu, mu madaala ga Shefela, mu madaala ga Negebu. Ndilanyia avandu kutura mukivala chi liadikizwa, na ndavilanyia mukivala chavo. Inzi Yahova mali kovora.”

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Jeremia 42:10

‘Niiva mulazizagilira komenya mukivala yiki, hene yaho, ndamunenehiza kandi si ndamugehiza mba; ndamuhonyia kandi si ndamudiviza mba. Lidiviza lia ndaaleeta kumunyi limali kongola kuva novovereri vonene ligali.

Jeremia 50:4

Yahova avoora, “Lwing'inga yeyo iliduuka, avandu vombi va Isiraeli ni Ivuyuda valakaze nivalira, nivenya inzi, Nyasaye wavo.

Lisyoma lya Jeremia 4:22

O, munyi avandu va Ziyoni, mumali koheevwa mageri kigira uvwoni vwinyu Yahova si alaleka muzizagiliri komenya mu lihaminywa mba. Navuzwa munyi avandu va Edomu Yahova alahaana mageri kumunyi kigira uvwoni vwinyu; kandi alalang'aminya vikolwa vinyu viuvwoni havulavu.

Ezekieli 39:25

Yahova Wuvunyali yavoola, “Navuzwa kalunu ndava ni zimbavasi ku visukululwi via Yakobo, avandu va Isiraeli, kandi ndavagasiza. Ndasoora lieta liange litakatifu.

Hosea 2:15

Wene yeyo, inzi ndamwiranyira milimi jije jie mizabibu, kandi ndakora Livona liu vudinyu kuva kiliango chi Lisuuvirizwa. Wene yeyo alakandivuliri kuli yativura lwa yaali nakikiri musoleri kandi lwa yaza kutura mu kivala cha Egebeti.

Zefania 3:20

Ing'inga yiza! Lwa ndakilanyie yengo avandu vinyu vosi avasalanywa; Ndakamukole kumanyikana mu kivala choosi, kandi ndakamukole konyoora miandu.” Yahova umali kovora.

Zekaria 1:17

Engelosi yambolera kandi mbore ndi, “Yahova Wuvunyali avoora ndi, madaala geege manene galava kandi ni ingavi yu vutugi kandi alakonya Jerusalemi nu kulivugula kuva lidaala lilie.”