Jeremia 33:6 - KITABU KITAKATIFU

⁶ Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Jeremia 33:6 Iomraidhean Croise

Zaburi 147:3

Ahonyia avi mioyo jidedekee, kandi avoheleraa zingwagu ziavo.

Zaburi 37:11

Navuzwa avandu vaveeye avahoma valanyora miandu ji kivala, kandi valamenya mu mirembe, nu kusangalira linyola lie miandu milahi ja Yahova.

Zaburi 67:2

Kunangwa avandu vosi ku lirova vaduuki kumanya uvulariri vuvwo; kunangwa zihiiri ziosi ziduuki kumanya ndi oveeye nizinguru okohonyia.

Zaburi 72:7

Leka uvulungi vomeedeke mu ing'inga yi livamwoyo lilie kandi uvugasu vuhindiri lwu mweli gwakaa mihiga ni mihiga.

Kutwula 34:6

Maku Yahova yavita imbiri weve navoora, “inzi, Yahova, mbeeye Nyasaye wizura zimbavasi kandi lirerera, utaveeye nu vutima vwa vwangu kandi umanyia uvuyanzi vonene nu vusuuvirifu.

Kohelethu 3:3

Ing'inga yu kwita kandi ing'inga yo kohonyia, ing'inga yu kusambula kandi ing'inga yu kwumbaka.

Isaya 2:4

Yahova alaleeta mirembe hagati hi lihing'ana lie zihiiri zinene. Valatura vivavi viavo kuva amagembe, kandi amatimu gaavo kuva zingonono, zihiiri si zilazia kulwaana zihiiri zindi mba, anoho si ziligiza avandu vaavo uvulwani mba.

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Isaya 39:8

Mwami Hezekia yavolera Muporofeti Isaya ndi, “Likuva lia Yahova amali kovora liveeye lilahi!” Kunangwa, mwami Hezekia yamanya ndi, mirembe kandi likingwa vilavaho ing'inga ya akikiri mwoyo.

Isaya 54:13

“Inzi mwene ndigiza avandu vovo, kandi ndavaha limedeka lie miandu ni mu mirembe.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 57:18

“Mali kolola kuli vaakora, navuzwa ndavahonyia uvulwaye vwavo. Ndavimilira nukuvakoonya, kandi ndaleminya mioyo jia yavo avasioma.

Isaya 57:19

Mbana mirembe ku vosi, vombi vaveeye ihale na avaveeye ahimbi! Inzi ndahonyia avandu vange.

Isaya 58:8

“Nimukora ndio hene yaho uvugasu vwange vulaaka ku munyi kuli liuva liu mugamba kandi zimbala zienyu zilahona vwangu. Vikolwa vienyu vilungi vilamwimilira; na inzi ndamulinda ku zimbega ziosi kigira uvukumi vwange.

Isaya 66:12

Yahova avoora, “Ndamuletera limedeka liu vutugi vunyingi litahera mba; uvutugi vwi zihiiri vwiutululuka ku munyi kuli mugera gutakamaa. Mulava kuli mwana mudoto olelangwa na mama weve, agingangwa mu maha, nukulindwa muvuyaanzi.

Jeremia 17:14

O, Yahova, ombonyie na ndahona ligali; osoore na inzi ndahona ligali. Ivi niye wa inzi nzizominyanga!

Jeremia 29:11

Inzi manyirizi ligali lilohiza liange ku munyi, lilohiza lie zing'anagani zindahi, zitaveeye zindamanu mba; lilohiza liu kuhaana ligasizwa kandi lisuuvirizwa mu ing'inga yizaa.

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Hosea 7:1

“Lwa inzi nyenya kohonyia avandu vange Isiraeli nukuvakola vazizagiliri kandi, goosi agandolaa nuvuchamu vwavo kandi nizimbi ziavakola. Vagaadana aveene ku aveene; viguula muzinyumba niviva; vanuraa vandu muzinzira.

Mika 4:3

Yahova alakalaga hagati hi zihiiri zinyingi, kandi alaleeta mirembe hagati hi zihiiri zie zinguru zinene ahimbi ni ihale. Valatura vivavi viavo kolomba zimbago na amatimu gaavo kolomba mihizu ju kuhalulira. Zihiiri sizilazia muvulwani kandi, sivaletegeka ku vulwani kali hakuzu kandi mba.

Mika 7:20

Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Yohana 10:10

Mwivi yaza vuzwa kigira ukwiva, ukwita nu kudiviza. Inzi ndaaza kunangwa amagondi gange gaduuki konyoora livamwoyo, kandi valinyoole linyingi ligali.

Vafeso 6:23

Nyasaye Baba kandi Mwami Yeso Kristo ahaane mirembe, uvuyanzi kandi lisuuvira ku avaamitu Vakrisitayo vosi.

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,