Jeremia 33:2 - KITABU KITAKATIFU

² Yahova walomba lirova, kandi naalivika muvogono vwa lio, lieta lilie liveeye Yahova, yavoola,

Jeremia 33:2 Iomraidhean Croise

Zaburi 102:16

Lwa Yahova aliumbaka Ziyoni vuhia; uvukumi vwo vonene vwivwe vulakaloleke ku avandu.

Zaburi 87:5

Ligali Nyasaye Wuvunyali alavoora ku Ziyoni ndi, zihiiri ziosi zivulirwa yo alazikola zive nizinguru.

Kutwula 15:3

Yahova aveeye wuvulwaani; Lieta lilie ni Yahova.

Kutwula 6:3

Ndaaloleka ku Aburahamu, Isaka, kandi ku Yakobo kuli Nyasaye Wuvunyali, navuzwa sindimanyia kuvo ku lieta liange litakatifu, Yahova mba.

Isaya 14:32

Mundu alativulira ki avatumwa vi zihiiri kutura Filisitia? Kulavavoolera ndi, “Yahova umali kusingiliza musingi gwa Ziyoni, na avandu veve avadambizwa valirukirayo nokonyoora ovohonyi.”

Isaya 37:26

“Ivi ukikiri kuhulira ndi ndalohiza yaga goosi kutura madiku ga kale? Na kalunu inzi mali kugadukiza. Ndakuha zinguru ukugirung'anyia madaala manene gizimbinga kugwa vitumi via mang'anye.

Isaya 42:8

“Inzi mbeeye Yahova Nyasaye winyu, siaveeye ho numunyasaye wundi ohevwa vukumi vwange mba; anoho sindaleka vifananyi vinyoole lizominywa liange.

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 43:21

Vaveeye avandu vandelombera umwene, kandi valimba lizominywa liange!”

Isaya 62:7

Mutahaana vwiyangu ku Yahova kuduuka asingirize lidaala linene lia Jerusalemi kandi alilombe live lidaala lizominywa mu kivala choosi.

Jeremia 10:16

Nyasaye wa vandu va Isiraeli siaveeye kuli yavo mba; niyie walomba ivindu viosi, kandi yatovola avandu va Isiraeli kuva aveeve mwene. Lieta lilie ni Yahova Wuvunyali.

Jeremia 16:21

Yahova avoora, “Kunangwa, liukutanga kandi liukumaliriza, inzi ndakora zihiiri kumanya zinguru ziange kandi vunyali vwange; zilakamanye ndi inzi mbeeye Yahova.”

Jeremia 32:18

Ivi umali kumanyia uvuyanzi vutali nekeheri ku avandu zielefu, navuzwa kandi uhaanaa amageri ku avandu kigira uvwoni vwa avaguuga vaavo. Ivi oveeye Nyasaye munene ligali kandi wi zinguru; Oveeye Yahova Wuvunyali Vwosi.

Jeremia 51:19

Nyasaye wa Yakobo siaveeye kuli yavo mba; niye walomba vuli kindu, kandi umali kotovola Isiraeli kuva vandu veve mwene. Lieta lilie ni Yahova Wuvunyali.

Amosi 5:8

Yahova yalomba zing'ereng'ani: Pleiadesi na Orini. Agringanyia kisundi kuva umbasu, na umbasu kuva uvudiku. Alanganga amazi kutura mu zinyanza, nu kugazuka ku kivala. Lieta lilie liveeye Yahova.

Amosi 9:6

Yahova yumbaka ovomenyo vwivwe mwigulu kandi aviikaa imise javwo ku lirova. Alaangaa amazi kutura mu inyanza nu kugasundula ku lirova kuli imbura. Lieta lilie ni Yahova Nyasaye Wuvunyali.

Vahebraina 11:10

Aburahamu yalindiliraa lidaala linene lia Nyasaye yalohiza nalibiima ma naaliumbaka, lidaala linene liveeye nimisingi midinyu.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Likunula 21:10

Ndaali kandi mu Roho, na engelosi yang'inga nimbila mu kiguru kenene kandi kitaambi. Yamanyia Jerusalemi, Lidaala Litakatifu likaa kutura mwigulu ku Nyasaye.

Likunula 21:2

Kandi ndaalora Lidaala Litakatifu, Jerusalemi imbia, nilikaa kutura mwigulu ku Nyasaye, nilietegekizwi kuli umwiha uwisiahiyi umusaza weve.