Jeremia 33:11 - KITABU KITAKATIFU

¹¹ lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Jeremia 33:11 Iomraidhean Croise

1 Kyetsinyinga 16:34

O, Sandizi Yahova, kigira aveeye mulahi; Vuyanzi vwivwe nu vwi mihiga ni mihiga!

1 Kyetsinyinga 16:8

O, haana lisandiza ku Yahova, landiza lieta lilie linene; vooleli zihiiri ziosi goosi agaamali kokora.

2 Kyetsinyinga 20:21

Lwu mwami Jehoshafati yaali niyakamara komoloma na vandu, yatovola avasaza aviimbira Yahova nukwizominya uvukumi vwu vutakatifu vwivwe lwa vatura kuzia imbiri wi hiiri, ni vavoola, “Mwizominye Yahova! Vuyanzi vwivwe vuhindiraa mihiga ni mihiga.”

2 Kyetsinyinga 29:31

Hene yaho, mwami Hezekia yavavolera, “Kalunu mumali kwitakasa munyi aveene imbiri wa Yahova, mwisundi ahimbi, mulete visiuviliru kandi vihaanwa viu kusandiza ku Yahova.” Livugana lialeta visiuviliru kandi vihaanwa viu kusandiza mu Litembeli; na vosi avaari nu mwoyo gwu vwihaani valeta vihaanwa viu kusambwa.

2 Kyetsinyinga 5:13

Lwa vakubi vi visiriva na viimbi vi zinyimbu vahambana harara mu Lizominya Yahova nu kuhaana Lisandiza, nu kwimba igulu harara ni visiliva, vikuli, kandi ni vindu vindi viosi viu kwimbira mu. Viimba nu kwizominya Yahova, nivavoora, “Yahova aveeye mulahi, kigira vuyanzi vwivwe vomenyaa mihiga ni mihiga.” Maku, Litembeli lia Yahova liizula lilesi,

2 Kyetsinyinga 7:3

Lwa avandu va Isiraeli valora muliru nigwika kutura mu ligulu, novong'ereng'anu vwu vukumi vwa Yahova nivwizula Litembeli du, vaagwa mamumama ku maru mu loze lwa magina kandi nivinama nivasigamira Nyasaye kandi nivamwizominya kigira uvugasu vwivwe kandi uvuyanzi vwivwe vwi mihiga ni mihiga. Vaasaalandi “Yahova aveeye mulahi; uvuyanzi vwivwe vuhindira mihiga ni mihiga.”

Ezara 6:22

Avandu yava valia nivasangalira lisavo liu mugadi gutaveeye mu na mamera ku madiku saba. Vaali nuvusangali ligali kigira Yahova yaali nagirung'anyi zing'anagani ziu mwami wa Asiria kuva ni liyaanzilira kuvo. Yaavadinyiriza kandi navakonya ku miyinzi jaavo jukumbaka uvuhia Litembeli lia Nyasaye wa Isiraeli.

Nehemia 12:43

Lidiku yilio, vahaana visiuviliru vinyingi, na avandu vizura vusangali vonene ligali kigira Nyasaye yaali navakoli kuva nu vuyanzi ligali. Avakali na avana vasanga mu lisangala zana, kandi liyoga lia valomba liahulirika kuduuka ihale na ihale.

Nehemia 8:12

Kunangwa avandu vosi vazia yengo nivalia kandi nivanwa nuvusangali kandi nivasanga ivia vaali navio na avandu vandi; kigira vaali ni vamanyi makuva ga vaali nivasomeywi.

Zaburi 106:1

Mwizominye Yahova! Musandizi Yahova kigira aveeye mulahi; uvuyanzi vwivwe vuhindiraa mihiga ni mihiga.

Zaburi 107:1

“Musandizi Yahova, kigira aveeye mulahi, uvuyanzi vwivwe vuhindiraa mihiga ni mihiga!”

Zaburi 107:22

Kuduuka vamusandizi ni visiuviliru, kandi vamusandize ni zinyimbu ziu vusangali. Kigira vindu vivie viokogenyia via yavakolera.

Zaburi 116:17

Ndakuha kisiuviriru chi lisandiza, kandi ndahaana lisaala liange ku ivi.

Zaburi 147:13

Adinyirizaa miluguyu jie virivwa vivio. Kandi agasizaa avandu vovo.

Zaburi 85:7

O, Yahova, ukumanyie uvuyanzi vuvwo vutaveeye ne keheri, kandi okohe ovokonyi vuvwo vwo kohonyia.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 51:11

Yavo ava umali kohonyia valilana Jerusalemi mu nuvusangali, nivimba kandi nivahanzuka kigira uvusangari. Valayaanza mihiga ni mihiga, kigira vovereri nilisioma vilatulizwa ho mihiga ni mihiga.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 52:8

Yavo avalindaa lidaala linene viimba harara kigira uvusangari! Vanyara kolola ni zimoni ziavo aveene, iliirana lia Yahova mu lidaala linene lia Ziyoni.

Isaya 52:9

“Muhanzuki zinyimbu ziuvusangali, munyi mang'anye ga Jerusalemi! Yahova alahonyia lidaala lilie linene, kandi alaleminya avandu veve mioyo.

Jeremia 16:9

Hulira aga inzi, Yahova Wuvunyali, Nyasaye wavandu va Isiraeli mbora. Inzi ndaheriza uvusangari kandi uvuyanzi vwa oyo osererwa kandi osereraa. Avandu hano valakave mwoyo kolola yaga kwekoleka.

Jeremia 17:26

Avandu valaza kutura mu madaala manene gi Ivuyuda kandi kutura mu tudaala toveeye ahimbi na Jerusalemi, kandi kutura mu kivala cha Benjamini, kandi kutura Shefela, kandi kutura mu vigulu, kandi kutura Negebu; valaleta mu Litembeli liange vihaanwa viu kusambwa, visiuviliru, vihaanwa viu vuguza kandi vihaanwa viekimuli, kandi vihaanwa vie Lisandiza.

Jeremia 25:10

Ndatuliza kuvo uvusangari kandi uvuyanzi vwa yavo osererwa kandi osereraa, kandi uvulavu kuli vwi itaya vulatula kuvo harara ni viukulia.

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 30:19

Avandu vamenyayo valimba zinyimbu zielizominya; valahanzuka nuvusangali. Kigira ligasizwa liange valamedeka ligali; ligasiza liange lilavaletera luyali.

Jeremia 30:3

kigira ing'inga yiza lwananziranyie avandu vange va Isiraeli na Ivuyuda. Inzi ndakaviranyiri mukivala chandaahana ku avaguuga vaavo, kandi na vavuguli imiandu jiacho. Inzi, Yahova mali kovora.”

Jeremia 32:44

Avandu valagula milimi yiji, na ligulana liajo lilang'odwa nu kuviikaku mukono, kandi nu kumiinaku muhuri, imbiri wa avaloli. Yaga galakoleka mu kivala cha Benjamini, mu Jerusalemi kandi mu madaala gi Ivuyuda, mu madaala gi kivala chi vigulu, mu madaala ga Shefela, mu madaala ga Negebu. Ndilanyia avandu kutura mukivala chi liadikizwa, na ndavilanyia mukivala chavo. Inzi Yahova mali kovora.”

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Jeremia 33:7

Ndiilanyila avandu vi Ivuyuda kandi avandu va Isiraeli uvutugi vwavo, nu kuvakola vave kuli valange maziambiri.

Jeremia 7:34

Kivala yiki kilagwa ichangalangwe. Mu madaala amanene gi Ivuyuda kandi mu zinzira zia Jerusalemi, ndaheriza uvusangari kandi uvuyanzi vwa oyo osererwa kandi osereranga.

Amosi 9:14

Ndilanyia avandu vange Isiraeli mu kivala chavo. Valumbaka vuhia amadara manene gaavo gononywa no komenya mugo; valasimika milimi ji mizabibu na valanwa iwaini yajo. Valataga milimi nu kulia makuyu gajo.

Jona 2:9

Navuzwa ndimba zinyimbu zie lizominywa ku ivi; ndahaana ku ivi kisiuviriru, kandi ndakora agaamali kulaga. Ovohonyi vuturaa ku Yahova!”

Nahum 1:7

Yahova aveeye mulahi; akingaa vandu veve mu ing'inga yu vudinyu alindaa yavo avaazaa kuye.

Zefania 3:14

Mwimbi kandi musangare, munyi, avandu va Isiraeli! Musangare ni mioyo jinyu josi, Jerusalemi!

Zekaria 10:7

Avandu va Isiraeli valakave ni zinguru kuli vasikari, valakave nu vuyanzi kuli avandu vamali kunwa iwaini, visukululwi viavo vilakizulizi liguuta yili, kandi valakave nu vuyanzi ku ga inzi Yahova mali kokora.

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

Likunula 18:23

Uvulavu vwi itaya sivulaaka mu ivi kandi mba; mwoyo gwa osereywi, nu gwumwiha sigulihulirwa mu ivi kandi mba. Avakiranyi vovo vaali avanene ligali kuvita avilirova liosi. Ivi wagaada zihiiri ku lirova nu vukumu vuvwo.”