Jeremia 32:39 - KITABU KITAKATIFU

³⁹ Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Jeremia 32:39 Iomraidhean Croise

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Litanga 22:12

Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

2 Kyetsinyinga 30:12

Nyasaye waali kandi na vandu vi Ivuyuda navahambanyia kuva kindu kilala vaduuki kokora agu mwami navana va vami valaga ku likuva lia Yahova.

Zaburi 112:1

Mwizominyi Yahova! Aveeye nuvugasu mundu uhuliraa Yahova, asangalira ligali mu lihulira malago geege.

Zaburi 128:6

Ove mwoyo kali olole aviisukulu vovo! Mirembe jive ku Jerusalemi.

Zaburi 86:11

O, Yahova, unzigizi aga wenyaa ngole, na ndakuhulira nu vusuuvirifu vwosi, unzigizi kukutumikira nu mwoyo gwange gwosi.

Tsing'ano 23:17

Utava ni likayirwa ku vandu avoni mba, navuzwa uzizagiliri kutia Yahova madiku goosi.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Isaya 52:8

Yavo avalindaa lidaala linene viimba harara kigira uvusangari! Vanyara kolola ni zimoni ziavo aveene, iliirana lia Yahova mu lidaala linene lia Ziyoni.

Isaya 65:23

Si valakola miyinzi ja vuzwa mba, kandi si valivula avana vaduuki mu kivi mba, navuzwa ndagasiza avandu vange, kandi avana harara ni visukululwi viavo valagasizwa muzing'inga ziosi ziza.

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Ezekieli 36:26

Ndamuha umwoyo muhia, kandi ndaviika Roho muhia mu munyi. Ndatuliza mu munyi umwoyo mudinyu gwi ligina na ndaviika mu munyi umwoyo gwi liegehiza.

Ezekieli 37:22

Ndavaha mbanyia harara kuli ihiiri indala mu kivala, kandi valakamenye ku vigulu via Isiraeli. Navave nu mwami mulala uwaza avamihi, si navagavulanywe mu zihiiri ziviri anoho vwamihi vuviri kandi mba.

Ezekieli 37:24

Mwami kuli mutumikiri wange Daudi naave mwami wavo. Vosi valakave nu mwami mulala kandi navatie malago gange Mu vusuuvirifu.

Ezekieli 37:25

Valakamenye mu kivala cha ndahaana ku mutumikiri wange Yakobo, kivala cha vaguuga vaavo vamenyamu. Valakamenyeyo mihiga ni mihiga harara na vana vaavo kandi ni visukululwi viavo viosi. Mwami kuli mutumikiri wange Daudi alakavamiihi mihiga ni mihiga.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 17:21

Saalanga vosi vaduuki kuva kindu kilala. Baba! Saalaa vave mu kunyi kuli ivi oveeye mu inzi, nainzi mbeeye mu ivi. Saalaa vave kindu kilala, kunangwa avumukivala vaduuki kusuuvira ivi wanduma.

Vikolwa 13:33

Amali kuliduukizira kunyi kalunu, ava koveeye visukululwi viavo, ku lisimugukiza lya Yeso kutura mu vakuzu. Kuli gang'odwa mu zaburi ya kaviri, ‘Ivi oveeye Mwana wange, inzi ngwiivuuyi lero.’

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Vikolwa 3:26

Kunangwa, Nyasaye yatovola mutumikiri weve naamutuma kutanga ku munyi amugasizi ku likora samulala ku munyi agirung'ane kutura muzinzira zizie ziu vudamanu.”

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Varumi 11:16

Niiva kedonye chu kutanga chu mugadi kihanwa ku Nyasaye, kunangwa mugadi gwosi goveeye gwa Nyasaye, kandi niiva imiliju musaala jihaanwa ku Nyasaye, iziisia nazio ni zia Nyasaye.

1 Vakorintho 7:14

Musaza utasuviraa agirung'anywaa na Nyasaye kuvitira mu mukali weve; kandi umukali utasuviraa agirung'anywaa kuvitira mu musaza weve. Kigira yaga avana vaavo sivakaveeye avatakase imbiri wa Nyasaye mba. Navuzwa kuli gaveeye kalunu, yavo vaveeye vatakatifu imbiri wa Nyasaye.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Kwidzulitsa 6:24

Maku Yahova Nyasaye wiitu yakulaga kuhuliri malago yaga goosi kandi kuhaane kuye luyali. Niiva kulakola ndio, alalinda zihiiri zietu kandi alakokola komeedeke mu lizizagilira imbiri vulahi kazozo.

Vahebraina 10:20

Yakwigulira inzira imbia, yi livamwoyo, kuvitira mu isuuka yu kukinga, agaveeye kovora kuvitira mu muviri gwigwe mwene.