Jeremia 32:35 - KITABU KITAKATIFU

³⁵ Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Jeremia 32:35 Iomraidhean Croise

1 Avami 11:33

Nziza kokora ndio kigira Solomoni umali kusuura, kandi umali kusigamira avanyasaye vageni. Ashitarozi, umunyasaye wikikali wa Sidoni; Kemoshi, munyasaye wa Moabu; kandi Moleki, umunyasaye wa Amoni. Solomoni uvuli kumbulira; okoli vudamanu kandi uvuli kugumira malago gange kuli baba weve Daudi yakola.

1 Avami 11:7

Ku kiguru, Ivugwi wa Jerusalemi, yumbaka havundu hukusigamira Kemoshi, umunyasaye, wukuvihiliriza wa Moabu, kandi havundu hukusigamira Moleki, umunyasaye wukuvihiliriza wa Amoni.

1 Avami 14:16

Yahova alaleka Isiraeli kigira Jeroboamu yakola vundamanu naahira vandu va Isiraeli mu vwoni.”

1 Avami 15:26

Nadabu yakola Vwoni, ku Yahova kandi yakola vandu va Isiraeli kugwa mu vwoni. Kuli baba weve yakola

1 Avami 15:30

Yaga gekoleka kigira Jeroboamu yavuukiza vutima vwa Yahova, Nyasaye wa Isiraeli, kigira vwoni vwa yakola kandi yaakolo Isiraeli kokora.

1 Avami 16:19

Yaga gekoleka kigira vwoni vwivwe ku Yahova. Siyaayanziza Yahova kuli Jeroboamu waali imbiri weve, yaayanza kwimilira vandu kokora uvwoni.

1 Avami 21:22

Avandu vinyumba yooyo valava kuli vandu avinyumba yu mwami Jeroboamu muyaayi wa Nebati, kandi kuli vandu avinyumba ya Baasha muyaayi wa Ahija, kigira umali kuvukiza vutima vwange ku likora vandu va Isiraeli kuduuka mu likora vwoni.’

2 Avami 21:11

“Mwami wi Ivuyuda umali kokora uvwoni vwu kuvihiliriza yivu. Umali kokora kifavwi kinene kali kuvita vwa Vakanani vakora; kandi harara ni ivifananyi vivie, yimiliyi avandu vi Ivuyuda mu likora vwoni.

2 Avami 21:4

Yumbaka uvwali vwu kusigamira misambwa mu Litembeli, havundu ha Yahova yaali navooye halava ahasigamirwaa.

2 Avami 23:10

Mwami Josia kandi yononyia Tofezi, havundu hu kusigamira ha vandu vatamanyi Nyasaye, mu Livona lia Hinomu, kunangwa avuli kuva ho nu mundu uhaana mwana muyaayi weve anoho mukaana kuli kisiuviriru chu kusambwa ku munyasaye Moleki.

2 Avami 23:15

Josia yasambula kandi havundu hu kusigamira mu Bezeli, ahaali ni huumbakwa na Jeroboamu muyaayi wa Nebati, wimilira Isiraeli kuduuka mu likora uvwoni. Josia yasambula uvwali, ni yatanyia magina gavwo mu vidonye kandi naviduya kuduuka ni vigwa luguki. Yasamba kandi vifananyi via Ashera.

2 Avami 3:3

Navuzwa, kuli mwami Jeroboamu muyaayi wa Nebati, uwaali imbiri weve, yakola avandu va Isiraeli kokora uvwoni.

2 Kyetsinyinga 33:6

Yahaana avayaayi veve kuli visiuviliru viukusambwa mu Livona lia Hinomu. Yakola uvusigitiri, uvukumu, uvulaguli. Yakola uvudamanu vunyingi mu zimoni zia Yahova kandi naavukiza uvutima vwivwe.

2 Kyetsinyinga 33:9

Manase yaachaminya avandu vi Ivuyuda kandi avaamenya mu Jerusalemi okokora vwoni vonene kali kuvita uvwakolwa ni zihiiri zia Yahova yadiviza imbiri wavo.

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Kutwula 32:21

Yavolera Haruni, “Avandu yava vakoli kinduki yiki? Ivi ndi uvakoli vingili mu vwoni vonene vwukutihiza kuli ndi?”

Isaya 57:5

Munyi musigamiraa avanyasaye vahaana ulwivulu nokokola ovoheyi isi wi misaala mitakatifu jinyu yijo. Mwitaa vana vinyu kuli visiuviliru mu zimbangaywa zie zinyanda ahimbi numugera.

Jeremia 19:2

kandi mbitiri mukirivwa chi viju viadika kuzia mulivona lia Hinomu. Iwene yeyo ndalandiza makuva gayamboolera.

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 44:4

Ndaazizagilira kutuma ku munyi avatumikiri vange avaporofeti, avamuvoleraa muvuli kokora vindu vidamanu yivi iviandunyiraa.

Jeremia 7:30

“Avandu vi Ivuyuda vamali kokora vindu vidamanu imbiri wange. Vamali kuviika vifananyi viavo via inzi ndasuura mu Litembeli liange kandi vamali kuliononyia.

Jeremia 7:31

Vamali kwumbaka uvwali vulaangwa ‘Tofezi’ mu livona liu mwana wa Hinomu, kunangwa vaduuki kuhaana avayaayi vaavo na avakaana vaavo vasambwe mu muliru kuli visiuviliru. Inzi si ndaavalaga vakore yaga mba, anoho si gaali mu zing'anagani ziange mba.

Ezekieli 23:37

Vamali kokora ovoheyi kandi vamali kwita. Vaakora ovoheyi ni vifananyi viavo; kali vamali kuhaana vana vange kuva visiuviliru ku vifananyi viavo.

Kyavalevi 18:21

Utahaana mulala ku avana vovo kuva kisiuviriru ku nyasaye ulangwa Moleki mba, kigira yago galaleta zisoni ku lieta lia Nyasaye.

Vikolwa 7:43

Munyi mwagingaa lihema liu munyasaye Moleki, kandi kifananyi che eng'ereng'ani yu munyasaye winyu Rafani. Vifananyi via mwalomba nivio via mwasigamira. Ku lwa yago, inzi ndamuhaminya muzie mu kivala ihale kuvita Babiloni kuva yo avatugwa!’

Kwidzulitsa 12:31

Mutasigamira Yahova Nyasaye winyu kuli yavo vasigamira avanyasaye vaavo mba, kigira mu lisigamira avanyasaye vaavo, vakora vindu viukuvihiliriza zing'ano ziosi via Yahova adunyiraa. Kali vahaana avana vaavo kuli visiuviliru mu muliru ku vwali vwavo.

Kwidzulitsa 18:10

Mutahaana avana vinyu kuva kisiuviriru chukusambwa mu muliru ku vwali vwinyu mba; kandi mutaleki avandu vinyu vakole uvusigitiri mba anoho kohenza zingavi zindamanu,

Kwidzulitsa 24:4

ahene yaho musaza weve wukutanga, sialilana kumuleeta mba. Amuvuguli kuva wamala kwonogonywa. Niyiirana kumuleeta vulava uvudamanu ku Yahova. Mutaleeta uvwoni vwukuvihiliriza yivu mu kivala cha Yahova Nyasaye winyu muheezaa mba.