Jeremia 32:34 - KITABU KITAKATIFU

³⁴ Kali vaviika vifwananyi viavo viu kuvihiliriza mu Litembeli liumbakwa kigira lisigamira, kandi vamali kuliononyia.

Jeremia 32:34 Iomraidhean Croise

2 Avami 21:1

Manase yaali ni mihiga kumi na mbiri lwa yagwa mwami wi Ivuyuda, na yamiha mu Jerusalemi ku mihiga amusini na tano. Mama weve yalangwa Hefiziba.

2 Avami 23:6

Yaatuliza mu Litembeli kifananyi chu munyasaye wi kikali Ashera, nakituliza ichova wi lidaala linene kuduuka mu livona lia Keduroni, naakisaamba, naduya ligoke liacho kuduuka ni kigwa uluguchi; kandi na kisalanyia hoosi mu mulimi gwi vilindwa.

2 Kyetsinyinga 33:15

Yaatuliza mu Litembeli avanyasaye vageni nikifananyi cha yaali niyaviika mu, kandi yaatuliza uvwali vwu kusigamira misambwa, uvwali ku Kiguru ahi Litembeli liumbakwa kandi havundu handi hoosi mu Jerusalemi hi misambwa ja sigamirwa. Yaahira vindu yivi viosi ichova wi Litembeli ma navisiuva ihale ichova wi lidaala linene.

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Jeremia 19:4

Nziza kokora yaga kigira avandu vamali kondeka kandi vononyi havundu yaaha nukuhaana zisadaka zievisiuviliru ku vanyasaye vandi - Yavo aveene anaho avaguuga vaavo anoho avami vi Ivuyuda sivamanyi kindu kigira avanyasaye zana yavo mba. Vamali kwita vandu vatali nimbala havundu yaaha,

Jeremia 23:11

Yahova avoora, “Avaporofeti navasaalisi vaveeye vugira Nyasaye; Inzi mali kuvanyolerera ni vakora uvudamanu mulitembeli.

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 34:15

Kunangwa kumadiku makekeeke gavitii mwagirung'anyia zing'anagani zienyu nimukora aganyaanzizaa. Munyi vosi mwavugilira kovoholora avandu va Isiraeli vache, kandi mwalomba lilagana imbiri wange, mu Litembeli aha sigamirwa.

Jeremia 44:4

Ndaazizagilira kutuma ku munyi avatumikiri vange avaporofeti, avamuvoleraa muvuli kokora vindu vidamanu yivi iviandunyiraa.

Jeremia 7:10

Munyi mukoraa vindu yivi via inzi suraa maku muzaa kusingira imbiri wange mu Litembeli liange nimuvooraa, ‘Kunyi kwahonywa!’

Jeremia 7:30

“Avandu vi Ivuyuda vamali kokora vindu vidamanu imbiri wange. Vamali kuviika vifananyi viavo via inzi ndasuura mu Litembeli liange kandi vamali kuliononyia.

Jeremia 7:31

Vamali kwumbaka uvwali vulaangwa ‘Tofezi’ mu livona liu mwana wa Hinomu, kunangwa vaduuki kuhaana avayaayi vaavo na avakaana vaavo vasambwe mu muliru kuli visiuviliru. Inzi si ndaavalaga vakore yaga mba, anoho si gaali mu zing'anagani ziange mba.