Jeremia 32:31 - KITABU KITAKATIFU

³¹ Avandu vi lidaala linene yili vamali kuvuukiza vutima vwange kutura ing'inga lidaala yili liumbakwa. Kulwayago, mali kusaavira kulidiviza ligali,

Jeremia 32:31 Iomraidhean Croise

2 Avami 21:16

Mwami Manase yita avandu vanyingi ligali avaari vugira kisaalia, kuduuka kali zinzira zia Jerusalemi zidorokaa amasahi; yakola yaga komeeda ku limilira avandu vi Ivuyuda mu lisigamira vifananyi navakola kokora uvwoni imbiri wa yahova.

2 Avami 23:15

Josia yasambula kandi havundu hu kusigamira mu Bezeli, ahaali ni huumbakwa na Jeroboamu muyaayi wa Nebati, wimilira Isiraeli kuduuka mu likora uvwoni. Josia yasambula uvwali, ni yatanyia magina gavwo mu vidonye kandi naviduya kuduuka ni vigwa luguki. Yasamba kandi vifananyi via Ashera.

2 Avami 23:27

Yahova yavoola, “Ndakora ku vandu vi Ivuyuda aga mali kokora ku vandu va Isiraeli: Ndatuliza avandu vi Ivuyuda imbiri wange, na ndasuura Jerusalemi, lidaala linene lia ndatovora, kandi Litembeli lia ndavoora lilava havundu ha sigamirwa.”

Jeremia 23:39

Inzi ndavavugura ligali nukuvasiuva ihale kutura ku inzi, yavo aveene harara nilidaala liandahana ku harara avaguuga vaavo.

Jeremia 27:10

Avandu yava vamugada na valamukola muvugulwi kandi muhilwi ihale ligali kutura mukivala chiinyu. Ndamukunga kutura mukivala yiki, kandi muladivizwa.

Lisyoma lya Jeremia 1:8

Avandu va Jerusalemi vaakora uvwoni vwi livereriza ligali, na vagwiyi kuli kindu kifunyaa vugundu. Vosi avahaana uluyali kuvo vavalegerizaa kigira vamali kolola chahonyo chavo. Vakenya aveene kandi agirung'ana nukwivisa mu zisoni.

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?